မျှော်လင့်ခြင်းနှင့် ယုံကြည်ခြင်း

မျှော်လင့်ချက်များနှင့် ရှင်သန်ခြင်းသည်လည်းကောင်း၊ ယုံကြည်ချက်များဖြင့် ခရီးဆက်ခြင်းသည် လည်းကောင်း လူသားတို့၏ နေ့စဉ်ဘ၀များအား လွှမ်းမိုးထားသည့် အရေးကြီးသော အကြောင်းခြင်းရာများဟုဆိုလျှင် မှားမည်မထင်ပါ။ မျှော်လင့်ချက်ဆိတ်သုဉ်း၍ ယုံကြည်ချက် ပျောက်ဆုံးသွားပါက အဓိပ္ပာယ်ရှိသော ဘ၀ခရီးလမ်းမှ သွေဖည်သွားမည်မှာ သေချာသည်။  လူသားတို့သည် နေ့စဉ်နေ့တိုင်း အနေအထားအမျိုးမျိုးနှင့် ရင်ဆိုင်ရမည် ဖြစ်သည်။ ယင်းတို့ကို မိမိ၏ စရိုက်လက္ခဏာများ ဖွံ့ဖြိုးလာအောင် တည်ဆောက်ရန်အတွက် အုတ်ချပ်များအဖြစ် သဘောထားကာ ဘ၀၌ အတက်အကျများမှ အတွေ့အကြုံကောင်းများအဖြစ် သင်ခန်းစာများကို သင်ကြားပေးသည်ဟုသာ မှတ်ယူသင့်ပေသည်။ ထို့ကြောင့် လူသားတို့အနေဖြင့် လာမည့်ပြဿနာများအား ပို၍အားကောင်းစွာနှင့် ပို၍နားလည်မှုရှိစွာ ရင်ဆိုင်သွားနိုင်မည် ဖြစ်သည်။ သို့ပါ၍ မျှော်လင့်ချက်များ ရှင်သန်ရန်နှင့် ယုံကြည်ချက်များ ခိုင်မာရန် လွန်စွာအရေးကြီးပါသည်။

၂၁ ရာစု ကမ္ဘာလုံးဆိုင်ရာ ပြောင်းလဲဖြစ်ပေါ်မှုများ၏ အရှိန်မှာ လျင်မြန်လာသည်နှင့်အမျှ လူသားတို့၏ ဘ၀လိုအပ်ချက် အဖုံဖုံမှာလည်း အမျိုးအမည်စုံလင်လှသည်။ ထို့ပြင် အပြောင်းအလဲတိုင်း၏ သက်ရောက်မှု အဆိုးအကောင်းများကြား ရှင်သန်ရပ်တည် ကြရသည်ဖြစ်ရာ နေရာဒေသအလိုက်၊ လူမျိုးဘာသာအလိုက် မတူညီမှုများ၊ စိန်ခေါ်မှုများက ပိုမိုများပြားလာသည်။ နှစ်သစ် ၂၀၁၇ တွင် ကမ္ဘာ့နိုင်ငံအသီးသီး၌ သက်ဆိုင်ရာ နိုင်ငံအလိုက် တွေ့ကြုံရင်ဆိုင်ရနိုင်သော စိန်ခေါ်မှုများစွာရှိနေသည်။ ထိုအထဲတွင် ခေတ်စနစ် အမျိုးမျိုးကြားမှ ရုန်းထရသည့် မြန်မာနိုင်ငံနှင့် မြန်မာ့လူမှုဝန်းကျင်သည်လည်း အပါအ၀င် ဖြစ်သည်။

တစ်ဦးချင်းစီ၏ ဂျီဒီပီကို အမှီပြုကာ Purchasing Power Parity ကို အခြေခံသည့် Global Finance Magazine မှ နိုင်ငံပေါင်း ၁၈၀ ကျော်အား တွက်ချက်ထုတ်ပြန်ထား ချက်တွင် မြန်မာနိုင်ငံသည် ကမ္ဘာ့အဆင်းရဲဆုံး အဆင့် ၅၅ အဖြစ် ပါဝင်နေသည်။ နိုင်ငံ တစ်နိုင်ငံ၏ အခြေခံစီးပွားရေးကောင်းမွန်စေမှုမှသည် နိုင်ငံလုံးဆိုင်ရာ ဖွံ့ဖြိုးတိုးတက်မှု အလားအလာကောင်းများ ရှိစေခြင်းဖြင့် အဓိကအကျဆုံး အခြေခံလိုအပ်ချက်နှင့် မျှော်လင့်ချက်များ ဖြည့်ဆည်းပေးသည်ဟု ဆိုနိုင်ပါသည်။ ဤသည်မှာ အခြေခံအကျဆုံး ယေဘုယျ သဘောတရားပင် ဖြစ်ပါသည်။ နိုင်ငံရေး၊ စီးပွားရေး၊ လူမှုရေး စသည့် ကဏ္ဍအသီးသီးတွင် များစွာသော လိုအပ်ချက်နှင့် မျှော်လင့်ချက်များအတွက် နိုင်ငံသားတိုင်းတွင် ယုံကြည်ချက်ဖြင့် စောင့်မျှော်နေကြပါသည်။ ဥပမာအားဖြင့် နိစ္စဓူဝမလွဲမသွေ တွေ့ကြုံနေရသော လူမှုဘ၀များအား ပြည့်စုံချောင်လည်ခွင့်၊ လုပ်အားနှင့် ခံစားခွင့်ထိုက်တန်မှုတို့ အပါအ၀င် ကုန်ဈေးနှုန်းကျဆင်းစေလိုခြင်း၊ စစ်ပွဲများရပ်စဲကာ ငြိမ်းချမ်းစေလိုခြင်း၊ အခက်အခဲဒုက္ခ အသီးသီးမှ ကင်းလွတ်စေလိုခြင်း၊ မတရားမှုများချုပ်ငြိမ်း၍ တရားမျှတမှုများ အဓွန့်ရှည်ရေးစသည်ဖြင့် အမျိုးမျိုးသောမျှော်လင့်ချက်များ ရှိနေပါသည်။

ထို့ကြောင့် နိုင်ငံရေးစနစ်တည်ငြိမ်မှု၊ စီးပွားရေးစနစ်ခိုင်မာမှုနှင့် ငြိမ်းချမ်းရေး အပါအ၀င် နိုင်ငံသားတိုင်း၏ မျှော်လင့်ချက်များ ပိုမိုရှင်သန် အသက်ဝင်လာစေရေးနှင့် ယုံကြည်ချက်များ ပိုမိုခိုင်မာလာစေရေးမှာ အဓိကပင်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဇန်န၀ါရီလ ၈ ရက်ထုတ် The Daily Eleven သတင်းစာ အယ်ဒီတာ့အာဘော်