ပါဝါအပျော့ထည်

ပါဝါအပျော့ထည် (Soft Power) ဟူသည် ဟားဗက်တက္ကသိုလ်မှ ဂျိုးဆက်နိုင်းကြောင့် ဖွံ့ဖြိုးလာသော သဘောတရားတစ်ရပ်ဖြစ်ပြီး အတင်းအကျပ် နိုင်ထက်စီးနင်းပြု လုပ်မှုဖြစ်သည့် ပါဝါအမာထည် (Hard Power) ကို မသုံးဘဲ ဆွဲဆောင်သိမ်းသွင်းရန် နည်းလမ်းတစ်ရပ်အဖြစ် ပိုက်ဆံပေးခြင်း သို့မဟုတ် အင်အားသုံးခြင်းတို့ဖြင့် ဆွဲဆောင်ကာ ဇာတ်သွင်းနိုင်သည့် အရည်အချင်းကိုဖော်ပြရန် အသုံးပြုခြင်းဖြစ်သည်။ ပါဝါအပျော့ထည်ဟူသည် ဆွဲဆောင်ခြင်း၊ ဖျောင်းဖျခြင်းတို့ဖြင့် အခြားသူများ၏ ဦးစားပေးအကြိုက်ကို ပုံသွင်းနိုင်သည့် အရည်အချင်းဖြစ်သည်။ ပါဝါအပျော့ထည်၏ လက္ခဏာရပ်အဖြစ် အတင်းအကျပ် ပြုလုပ်မှုမရှိခြင်းဟု သတ်မှတ်ပြီး ပါဝါအပျော့ထည်အတွက် အသုံးပြုသည့် အရာများမှာ ယဉ်ကျေးမှု၊ နိုင်ငံရေးစံတန်ဖိုးများနှင့် နိုင်ငံခြားရေးမူဝါဒတို့ ဖြစ်သည်။ ယခုအခါ ပါဝါအပျော့ထည်ဟူသည့် ဝေါဟာရကို သြဇာကြီးသော နိုင်ငံရေးအဖွဲ့အစည်းသို့မဟုတ် နိုင်ငံရေးနှင့် မဆိုင်သော အဖွဲ့အစည်းတို့မှတစ်ဆင့် လော်ဘီလုပ်ခြင်းမှတစ်ဆင့် လည်းကောင်း၊ ပွင့်လင်းမြင်သာမှုနည်းပါးသော လမ်းကြောင်းများမှတစ်ဆင့် လည်းကောင်း လူမှုရေးဆိုင်ရာနှင့် အများပြည်သူဆိုင်ရာ သဘောထားအမြင်များအား ပြောင်းလဲခြင်းနှင့် သြဇာလွှမ်းမိုးခြင်းတို့ အတွက်လည်း အသုံးပြုသည်။ ၂၀၁၂ ခုနှစ်တွင် နိုင်းက ပါဝါအပျော့ထည်နှင့် ပတ်သက်၍ “အကောင်းဆုံးဝါဒဖြန့်ချိမှုဟာ ၀ါဒဖြန့်ချိမှုမဟုတ်ဘူး” ဟု ရှင်းပြခဲ့ပြီး အင်ဖော်မေးရှင်းခေတ်အတွင်း “ယုံကြည်နိုင်စွမ်းဟာ အရှားပါးဆုံး ရင်းမြစ်ဖြစ်တယ်” ဟု ထပ်မံရှင်းပြခဲ့သည်။

ဂျိုးဆက်နိုင်းက ၁၉၉၀ ပြည့်နှစ်တွင် ထုတ်ဝေသော Bound to Leadး The Changing Nature of American Power စာအုပ်တွင် ဤဝေါဟာရကို စတင်တီထွင်ခဲ့ခြင်း ဖြစ်သည်။ ယင်းစာအုပ်၌ သူက“နိုင်ငံတစ်နိုင်ငံက သူလုပ်ချင်တဲ့အရာတွေကို တခြားနိုင်ငံတွေ လုပ်ချင်လာအောင် ပြုလုပ်တဲ့အခါ ဖျောင်းဖျတဲ့ပါဝါ ဒါမှမဟုတ် ပါဝါအပျော့ထည်လို့ ခေါ်ဆိုနိုင်တယ်။ သူလုပ်ချင်တဲ့အရာတွေကို လုပ်အောင် တခြားနိုင်ငံတွေကို အတင်းအကျပ် အမိန့်ပေးတဲ့ အမိန့်ပေးပါဝါ ဒါမှမဟုတ် ပါဝါအမာထည်နဲ့ ကွဲပြားခြားနားတယ်” ဟု ရေးသားခဲ့သည်။ ယင်းနောက် ဂျိုးဆက်နိုင်းသည် ၂၀၀၄ ခုနှစ်တွင် ထုတ်ဝေသည့်  Soft Powerး The Means to Success in World Politics စာအုပ်၌ ယင်းသဘောတရားကို ပိုမိုဖွံ့ဖြိုးလာစေခဲ့သည်။ ယခုအခါ ပါဝါအပျော့ထည်ဟူသည့် ဝေါဟာရကို နိုင်ငံတကာရေးရာများတွင် သုံးသပ်သူများနှင့် တိုင်းပြုပြည်ပြု ပုဂ္ဂိုလ်များက ကျယ်ပြန့်စွာ သုံးစွဲလာကြသည်။

ဥပမာအနေဖြင့် ရောဘတ်ဂိတ်က အမေရိကန်ကာကွယ်ရေးဝန်ကြီးအဖြစ် တာဝန်ထမ်းဆောင်စဉ် သံတမန်ရေး၊ မဟာဗျူဟာမြောက် ဆက်သွယ်ရေးများ၊ နိုင်ငံခြားအကူများ၊ အရပ်ဘက်ဆိုင်ရာ လုပ်ဆောင်ချက်များနှင့် စီးပွားရေး ပြန်လည်တည်ဆောက်မှုနှင့် ဖွံ့ဖြိုး မှုတို့ပါဝင်သည့် နိုင်ငံလုံခြုံရေးဆိုင်ရာ အရပ်ဘက်ကိရိယာများနှင့် ပတ်သက်၍ ငွေကြေးသုံးစွဲမှုကို သိသိသာသာမြှင့်တင်ခြင်းဖြင့် အမေရိကန်၏ ပါဝါအပျော့ထည်ကို ကြီးထွားအောင် ပြုလုပ်ရန်လိုအပ်ကြောင်း ပြောကြားခဲ့ဖူးသည်။ ၂၀၁၁ ခုနှစ်တွင် ရှီကျင်ပင်းက အထွေထွေအတွင်းရေးမှူး ဟူကျင်တောင်ထံမှ အာဏာကို လွှဲပြောင်းရယူရန် ပြင်ဆင်နေစဉ် တရုတ်ကွန်မြူနစ်ပါတီ၏ ၁၇ ကြိမ်မြောက် ဗဟိုကော်မတီအစည်းအဝေးတွင် “ကျွန်တော်တို့နိုင်ငံကို ဆိုရှယ်လစ်ယဉ်ကျေးမှုဆိုင်ရာ စူပါပါဝါအဖြစ် တည်ဆောက်ဖို့ဟာ နိုင်ငံတော်ရဲ့ ရည်မှန်းချက်တစ်ရပ် ဖြစ်တယ်” ဟု ကြေညာခဲ့သည်။ ၂၀၁၄ ခုနှစ်တွင် ရှီကျင်ပင်းက “ကျွန်တော်တို့ တရုတ်ရဲ့ ပါဝါအပျော့ထည်ကို တိုးတက်အောင် ပြုလုပ်သင့်တယ်” ဟု ကြေညာကာ ယင်းစကားလုံးကို တိုက်ရိုက်သုံးစွဲခဲ့သည်။

မည်သို့ပင်ဆိုစေကာမူ ယနေ့ခေတ်တွင် ကမ္ဘာပေါ်၌ သြဇာရှိသော နိုင်ငံတစ်နိုင်ငံဖြစ်လာရန် မိမိတို့နိုင်ငံ၏ ပါဝါအပျော့ထည်အား တိုးတက်ကြီးထွားအောင် ပြုလုပ်ရမည် သာဖြစ်ပါကြောင်း  The Daily Eleven သတင်းစာက ရေးသားအပ်ပါသည်။

(ဇန်န၀ါရီ ၁၀ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)