တိုးတက်ကောင်းမွန်လာရန် လိုအပ်နေသော သယ်ယူပို့ဆောင်ရေး

မူဝါဒချမှတ်သူများသည် လူမှုရေးမညီမျှမှုများနှင့် ပတ်သက်၍ ဖြေရှင်းရန် နည်းလမ်းများအကြောင်း ဆွေးနွေးကြသည့်အခါ ပညာရေးနှင့် အလုပ်အကိုင်ကိစ္စများကိုသာ အဓိကထားတတ်ကြသည်။ ၎င်းတို့ ဆွေးနွေးရာတွင် ယင်းအလုပ်များနှင့် ကျောင်းများသို့ သွားရာလမ်းများကို ထောက်ပံ့ပေးသော သယ်ယူပို့ဆောင်ရေး အခြေခံအဆောက်အအုံ တိုးတက်ရန် လိုအပ်ချက်ကို အကြီးအကျယ် လျစ်လျူပြုထားတတ်ကြသည်။ အမှန်တကယ်၌ မြို့ကြီးများတွင် သယ်ယူပို့ဆောင်ရေး ကောင်းမွန်မှုက လူပေါင်းများစွာကို ဆင်းရဲမွဲတေမှုမှ လွတ်မြောက်ရန် အခွင့်အလမ်းများပေးနိုင်သည်။ သို့သော် မြန်မာနိုင်ငံတွင် သယ်ယူပို့ဆောင်ရေး အခြေခံအဆောက်အအုံ သိသိသာသာ ကောင်းမွန်တိုးတက်မှု ရှိလာသည်ကို တွေ့ရှိရခြင်းမရှိသေးပေ။

မြန်မာနိုင်ငံတွင် ပြည်သူအများစုသည် အများပြည်သူသုံး သယ်ယူပို့ဆောင်ရေး လုပ်ငန်းအပေါ်၌သာ လုံးဝမှီခိုနေရသည်။ အများပြည်သူသုံး သယ်ယူပို့ဆောင်ရေးလုပ်ငန်း၌  အကန့်အသတ်များ ရှိနေခြင်းသည် စီးပွားရေး၊ အလုပ်အကိုင်ရွေးချယ်မှုတို့အပြင် ကျန်းမာရေးစောင့်ရှောက်မှု အချိန်မီရရှိနိုင်မှုတို့အပေါ်၌ မကောင်းသောသက်ရောက်မှု အကြီးအကျယ်ရှိနေသည်။ ကားလမ်းများကိုသာ အဓိကအားပြုနေရသည့် မြန်မာကဲ့သို့သော နိုင်ငံများတွင်ကျင်းများ၊ ချိုင့်ခွက်များနှင့် ကားလမ်းများကိုလည်းကောင်း၊ ပျက်စီးယိုယွင်းနေသော တံတားများကိုလည်းကောင်း ပြုပြင်နိုင်ရန်မှာ မရှိမဖြစ် အရေးကြီးသည်။ လူတိုင်းအတွက် အခွင့်အလမ်းများကို ကျယ်ပြန့်အောင် ပြုလုပ်ပေးရန်နှင့် ကွာဟချက်ကြီးမားသော လူမှုရေးမညီမျှမှုများကို ထိန်းညှိရန်အတွက် အများပြည်သူသုံး သယ်ယူပို့ဆောင်ရေး လုပ်ငန်းက လွန်စွာအရေးကြီးသည်။ နိုင်ငံအတွင်း၌ သယ်ယူပို့ဆောင်ရေး အခြေခံအအောက်အအုံကို တိုးတက်အောင် ပြုလုပ်နိုင်လျှင် နိုင်ငံအတွင်း၌ လူမှုရေးမညီမျှမှု အနေအထားများ တိုးတက်ကောင်းမွန်လာမည် ဖြစ်သည်။

သယ်ယူပို့ဆောင်ရေးသည် မိသားစုတစ်စု၏ အသုံးစရိတ်ထဲ၌ ကြီးမားသော ပမာဏအဖြစ်လည်း ပါဝင်နေသည်။ ရွေ့လျားနိုင်စွမ်းမရှိပါက မည်သူမဆို စီးပွားရေး၊ လူမှုရေး နှင့် ပညာရေးဆိုင်ရာ အခွင့်အလမ်းများ ဆုံးရှုံးရနိုင်သောကြောင့် သယ်ယူပို့ဆောင်ရေး စရိတ်ကို မသုံးမဖြစ် သုံးကြရသည်။ နိုင်ငံတော်အနေဖြင့် သယ်ယူပို့ဆောင်ရေး အခြေခံအဆောက်အအုံ တည်ဆောက်ခြင်းနှင့် ပြုပြင်ခြင်း၌ လုပ်ဆောင်သင့်သည်များကို ပျက်ကွက်ပါက အများပြည်သူတို့အတွက် အခွင့်အလမ်းများစွာကို ဆုံးရှုံးရစေနိုင်သည်။ သယ်ယူပို့ဆောင်ရေး အခြေခံအဆောက်အအုံ ကောင်းမွန်မှုမရှိခြင်းကြောင့် ပြည်သူများအနေဖြင့် ငွေကြေးပိုမိုကုန်ကျရသည်သာမက မလိုအပ်ဘဲ အဖိုးတန်သည့်အချိန်များလည်း ဆုံးရှုံးကြရသည်။ ယာဉ်ကြောပိတ်ဆို့မှုများကြောင့်လည်းကောင်း၊ ခရီးလမ်းပန်းကောင်းမွန်မှု မရှိခြင်းကြောင့်လည်းကောင်း ပြည်သူများသည် လမ်းပေါ်၌သာ အချိန်ကုန်လျက် အလုပ် လုပ်ရမည့်အချိန်များ ဆုံးရှုံးကြရသည်။ မြန်မာနိုင်ငံတွင် လူလတ်တန်းလွှာများသည်ပင်လျှင် အများပြည်သူသုံး သယ်ယူပို့ဆောင်ရေးအပေါ်၌သာ မှီခိုနေရသည်။ ပြည်သူအများစုသည် လမ်းများပေါ်၌သာ နာရီပေါင်းများစွာ အချိန်ကုန်လွန်နေရခြင်းက နိုင်ငံတော်၏ ထုတ်လုပ်မှုစွမ်းအားကို အကြီးအကျယ် ထိခိုက်စေသည်။ ထို့ကြောင့် ပြည်သူများအနေဖြင့် မိမိတို့၏ အလုပ်ခွင်များသို့ စိတ်ဖိစီးမှုမရှိရဘဲ အချိန်မီရောက်ရှိနိုင်ရေးအတွက် အများပြည်သူသုံး သယ်ယူပို့ဆောင်ရေးလုပ်ငန်းများ အကြီးအကျယ် တိုးတက်လာရန်လိုသည်။

ပြည်သူတို့၏ ကျန်းမာရေးနှင့် လုံခြုံရေး၊ မိသားစု အသုံးစရိတ်၊ ပညာရေးနှင့် အလုပ်အကိုင်ဆိုင်ရာ ရွေးချယ်မှု၊ လေထုအရည်အသွေးနှင့် ပတ်ဝန်းကျင်ထိန်းသိမ်းရေးတို့အပြင် ဆင်းရဲမွဲတေမှု လျှော့ချရေးအတွက်ပါ အများပြည်သူသုံး သယ်ယူပို့ဆောင်ရေး အခြေခံအဆောက်အအုံ တိုးတက်ကောင်းမွန်ရေးက လွန်စွာအရေးပါသောကြောင့် သယ်ယူပို့ဆောင်ရေး အခြေခံအဆောက်အအုံတစ်ရပ်လုံး ယခုထက်များစွာ တိုးတက်ကောင်းမွန်လာ ရန်လိုအပ်နေပါကြောင်း The Daily Eleven သတင်းစာက ရေးသားအပ်ပါသည်။

(ဇန်န၀ါရီ ၁၁ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)