ဆွေးနွေးညှိနှိုင်းမှုများဖြင့် အဖြေရှာ ဖြေရှင်းခြင်း

အစိုးရအနေဖြင့် ၂၀၁၆ ခုနှစ်အတွင်း တာဝန်ယူခဲ့သည့် ကိုးလတာ ကာလတစ်လျှောက်တွင် တိုင်းပြည်အကျိုးအတွက် ရည်ရွယ်ထားသော မူဝါဒများဖြစ်သည့် ပြည်တွင်းငြိမ်းချမ်းရေး၊ အမျိုးသားပြန်လည်သင့်မြတ်ရေး၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုဖြစ်ပေါ်ရေး၊ ပြည်သူများ၏ လူနေမှုဘ၀များ တိုးတက်မြင့်မားရေးတို့အတွက် တစိုက်မတ်မတ် ကြိုးပမ်းဆောင်ရွက်ခဲ့ကြောင်းနှင့် ယခုနှစ်သစ်တွင်လည်း ယင်းမူဝါဒများ ပီပြင်စွာ အကောင်အထည်ဖော်ရန် ဆက်လက်ကြိုးပမ်း ဆောင်ရွက်နိုင်တော့မည်ဟု နိုင်ငံတော်သမ္မတ ဦးထင်ကျော်က ၂၀၁၇ ခုနှစ် နှစ်သစ်ကူး နှုတ်ခွန်းဆက်အမှာစကားတွင် ထည့်သွင်းပြောကြားထားသည်။

နှစ်ပေါင်းများစွာ ခေတ်စနစ် အခြေအနေအမျိုးမျိုးအား ရင်ဆိုင်ဖြတ်သန်းခဲ့ရသည့် မြန်မာနိုင်ငံအနေဖြင့် ပြည်သူရွေးချယ်တင်မြှောက်သော အစိုးရလက်ထက်တွင် စိန်ခေါ်မှုများ၊ အခြေခံလိုအပ်ချက်များနှင့် အဖြေရှာ ဖြေရှင်းရမည့်ပြဿနာရပ်များလည်း ရှိနေရာ သက်ဆိုင်ရာကဏ္ဍအလိုက်၊ အဆင့်အလိုက် လုပ်ဆောင်လျက် ရှိနေသည်။ ထို့အတွက် ရလဒ်ကောင်းများအပေါ် မျှော်လင့်လျက် ရှိနေသည်။

လတ်တလောတွင် ကချင်ပြည်နယ်နှင့် ရှမ်းပြည်နယ်အတွင်း ဒေသအချို့တွင် တိုက်ပွဲများဖြစ်ပွားနေသော်လည်း တစ်ဖက်တွင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးဆိုင်ရာသဘောတူစာချုပ် (NCA) အရ ကျင်းပရမည့် အမျိုးသားအဆင့် နိုင်ငံရေးဆွေးနွေးပွဲများကို လာမည့် ဇန်န၀ါရီ ၁၈ တွင် စတင်ကျင်းပရန် ပြင်ဆင်လျက်ရှိသည်။ ပထမဦးဆုံးအဖြစ် ကရင်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ဇန်န၀ါရီ ၁၈ ရက်မှ ၂၀ ရက် အထိ သုံးရက်တာမျှ ဆွေးနွေးကြမည်ဖြစ်သည်။ ယင်းကဲ့သို့ လူမျိုးအလိုက် ကျင်းပသည့် အမျိုးသားအဆင့် နိုင်ငံရေးဆွေးနွေးပွဲများတွင် တိုင်းရင်းသားလက်နက်ကိုင်အဖွဲ့အစည်းများ၊ တရားဝင်နိုင်ငံရေးပါတီများ၊ အရပ်ဘက်လူ့အဖွဲ့အစည်းများနှင့် ပါဝင်သင့် ပါဝင်ထိုက်သော သီးခြားလက္ခဏာရှိသည့် တိုင်းရင်းသားလူမျိုးများ ပါဝင်နိုင်ပြီး ဒီမိုကရေစီနှင့် ဖက်ဒရယ်စနစ်ကို အခြေခံသည့် ဖွဲ့စည်းပုံအခြေခံဥပဒေဆိုင်ရာ ကိစ္စရပ်များ၊ တိုင်းရင်းသားလူမျိုး တစ်မျိုးချင်းစီအလိုက် ခံစားသင့် ခံစားထိုက်သော အခွင့်အရေးနှင့် လူမျိုးရေးဆိုင်ရာ စုပေါင်းအခွင့်အရေးကိစ္စရပ်များ၊ ပြန်လည်နေရာချထားရေး၊ ပြန်လည်ထူထောင်ရေးနှင့် လူမှုဖွံ့ဖြိုးရေးဆိုင်ရာကိစ္စရပ်များ၊ ဒေသန္တရဖွံ့ဖြိုးရေးဆိုင်ရာကိစ္စရပ်များ၊ မြေယာနှင့် သဘာဝသယံဇာတစီမံခန့်ခွဲရေးနှင့် ခွဲဝေခြင်းဆိုင်ရာကိစ္စရပ်များ စသည်တို့ကို ဆွေးနွေးရန်  ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (UPDJC) က သတ်မှတ်ထားသည်။ ထို့အပြင် လော်ခီးလာဒေသရှိ ကရင်အမျိုးသားအစည်းအရုံး (KNU) ဗဟိုဌာနချုပ်တွင် NCA လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့များ၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) အစည်းအဝေးကို ဇန်န၀ါရီ ၁၀၊ ၁၁ တို့တွင် ပြုလုပ်ခဲ့ပြီး နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော်ကာကွယ်ရေးဦးစီးချုပ်တို့နှင့် တွေ့ဆုံညှိနှိုင်းရန် ဆွေးနွေးခဲ့ကြကြောင်း ထုတ်ဖော်ပြောဆိုထားသည်။

သို့ပါ၍ ကာလရှည်ကြာဖြစ်ပေါ်ခဲ့သည့် ကိစ္စရပ်များနှင့် ပတ်သက်၍ သက်ဆိုင်ရာကဏ္ဍအလိုက်၊ အဆင့်အလိုက် လိုအပ်သော ဆွေးနွေးအဖြေရှာညှိနှိုင်းမှုများဖြင့် ရလဒ်ကောင်းများ ရရှိနိုင်မည်ဖြစ်ပါကြောင်း The Daily Eleven  သတင်းစာက ရေးသားအပ်ပါသည်။

ဇန်န၀ါရီလ ၁၁ ရက်ထုတ် The Daily Eleven သတင်းစာ အယ်ဒီတာ့အာဘော်