စတီရီယို အဆိုတော်ကြီး စံလင်း၏ အောင်မြင်ကျော်ကြားခဲ့သော တေးသီချင်းများစွာဖြင့် ဖျော်ဖြေခဲ့သည့် စံလင်း အနုပညာငွေရတု ခရီးဖျော်ဖြေပွဲပြုလုပ်

စတီရီယို အဆိုတော်ကြီး စံလင်း၏ အောင်မြင်ကျော်ကြားခဲ့သည့် တေးသီချင်းများစွာဖြင့် သီဆိုဖျော်ဖြေခဲ့သည့် စံလင်း အနုပညာငွေရတု ခရီးဖျော်ဖြေပွဲကို ရန်ကုန်မြို့ ရွှေထွဋ်တင်ကွင်းတွင် ဇန်န၀ါရီ ၈ ရက်၌ ပြုလုပ်ခဲ့သည်။

စံလင်း အနုပညာငွေရတု ခရီးဖျော်ဖြေပွဲတွင် အဆိုတော်ကြီး စံလင်း အပါအ၀င် အခြားသော အဆိုတော်ကြီးများဖြစ်သည့် ခိုင်ထူး၊ ဂျေမောင်မောင်၊ ကော်နီ၊ ချောစုခင်နှင့် မရွှေပုတို့က အဆိုတော်ကြီး စံလင်း၏ တေးသီချင်းများဖြင့် ဖျော်ဖြေမှုများ ပြုလုပ်ခဲ့ကြသည်။

ယင်းဖျော်ဖြေပွဲတွင် အဆိုတော်စံလင်းက ၎င်း၏နာမည်ကျော် တေးသီချင်းများဖြစ်သည့် အင်းလျားမှာစုံမယ်၊ ကဗျာမမီ၊ ကြယ်ညီလာခံ စသည့်တေးသီချင်းများဖြင့် ဖျော်ဖြေမှုများ၊ မရွှေပုနှင့် တွဲဖက်၍ သူမျှော်နေတော့မှာသီချင်း၊ ကော်နီနှင့်တွဲဖက်၍ ချစ်ခြင်းရဲ့အခြားတစ်ဖက် တေးသီချင်း၊ ချောစုခင်နှင့်တွဲဖက်၍ နေရဲ့နေ့လရဲ့ည စသည့်တေးသီချင်းများ အပါအ၀င် အခြားသော တေးသီချင်းများစွာဖြင့် သီဆိုဖျော်ဖြေမှုများ ပြုလုပ်ခဲ့သည်။

ထို့အတူ စံလင်းအနုပညာ ငွေရတုခရီး ဖျော်ဖြေပွဲတွင် ပါဝင်သီဆိုဖျော်ဖြေခဲ့သည့် အဆိုတော်များဖြစ်သည့် ခိုင်ထူး၊ ဂျေမောင်မောင်၊ ကော်နီ၊ ချောစုခင်၊ မရွှေပုတို့ကလည်း အဆိုတော်စံလင်း၏ တေးသီချင်းများစွာတို့ဖြင့် သီဆိုဖျော်ဖြေခဲ့ကြသည်။

ခိုင်ထူးက ပန်းများကိုတိုင်တည်၍၊ သံစဉ်မဲ့တေး စသည့်တေးသီချင်းများ၊ ဂျေမောင်မောင်က ပုလဲခနေပြီ၊ လိပ်ပြာလှန့်မှု စသည့်တေးသီချင်းများ၊ ကော်နီက တို့လည်းလိုက်မယ်၊ နွေရောက်ခဲ့ပြီ စသည့်တေးသီချင်းများ၊ ချောစုခင်က မောတယ်၊ နေရဲ့နေ့လရဲ့ည စသည့်တေးသီချင်းများ၊ မရွှေပုကဘ၀ရဲ့ ဆေးလိပ်တို၊ စွဲလန်းခြင်းဆိုတဲ့အရာ စသည့်တေးသီချင်းများစွာတို့ဖြင့် ဖျော်ဖြေမှုများ ပြုလုပ်ခဲ့ကြသည်။

အဆိုပါဖျော်ဖြေပွဲကို ဇန်န၀ါရီ ၈ ရက်တွင် ည ၇ နာရီခန့်မှ ၁၀ နာရီခန့်အထိ ပြုလုပ်ခဲ့ပြီး အဆိုတော်စံလင်း၊ ခိုင်ထူး၊ ဂျေမောင်မောင်၊ ကော်နီ၊ ချောစုခင်၊ မရွှပုတို့မှ တစ်ဦးချင်း သီဆိုဖျော်ဖြေမှုများ၊ အဆိုတော်စံလင်း နှင့်အတူ တွဲဖက်၍ နှစ်ယောက်တွဲ၊ သုံးယောက်တွဲ ဖျော်ဖြေမှုများ ပါဝင်ခဲ့သည်။

စံလင်း အနုပညာငွေရတု ခရီးဖျော်ဖြေပွဲသို့ အဆိုတော်ကြီး စံလင်းနှင့် သူ၏တေးသီချင်းများကို အားပေးနှစ်သက်ခဲ့ကြသည့် သက်ကြီးပိုင်းပရိသတ်များ လာရောက်ကြည့်ရှုခဲ့ကြသည်။                           

 

Writer: 
နေ၀န်းထက်