ဖားကန့်မြို့နယ်အတွင်း ဇူလိုင်လ ၂၀ ရက်နေ့က ရေကြီးမှုဖြစ်ပွားစဉ်

         မုတ်သုံအားပြတ်သည့် မိုးလယ်ကာလအတွင်း လျှပ်တစ်ပြက်ရေကြီးခြင်း၊ မြေသားပြတ်ရွေ့ခြင်းကဲ့သို့သော ထူးခြားဖြစ်စဉ် သဘာဝဘေးအန္တရာယ်များ ဖြစ်ပေါ်လာကြောင်း၊ လာမည့် သြဂုတ်လ၌လည်း မုတ်သုံအားပြတ်မည်ဖြစ်၍ သတိပြုရန် လိုအပ် လာကြောင်း သတင်းရရှိပါသည်။

        မြန်မာနိုင်ငံ၌ မြစ်ရေကြီးမှုများ ဖြစ်ပေါ်တတ်သည့် ကာလသုံးခုရှိပြီး ပထမကာလမှာ ဇွန်လ၊ ဒုတိယကာလမှာ ဇူလိုင်လနှင့် သြဂုတ်လ၊ တတိယကာလမှာ စက်တင်ဘာလနှင့် အောက်တိုဘာလတို့ ဖြစ်ကာ လက်ရှိကာလသည် ဒုတိယ ကာလသို့ ရောက်ရှိနေပြီဟု သိရှိရသည်။

        "မြစ်ရေကြီးမှုတွေ ဖြစ်ပေါ်တတ်တဲ့ ကာလဖြစ်ပေမယ့် မုတ်သုံအား မကောင်းတာကြောင့် ခုချိန်ထိ မြစ်ရေကြီးတာတွေ မကြုံရသေးပါဘူး။ မြစ်ရေကြီးတာကိုတော့ လာမယ့် စက်တင်ဘာ၊ အောက်တိုဘာလလောက် ရောက်ရင် ကြုံရနိုင်ပါတယ်"ဟု မြန်မာ့ရာသီဥတု စောင့်ကြည့်ရေးအဖွဲ့မှ ဒေါက်တာထွန်းလွင်က ပြောကြားသည်။

         ယခုနှစ်တွင် ဇွန်လဆန်း၌ တစ်နိုင်ငံလုံးသို့ မုတ်သုံ လွှမ်းခြုံဝင်ရောက်ခဲ့ပြီးဖြစ်ကာ မုတ်သုံဝင်ရောက်ပြီး နောက်တွင် မိုးဆုတ်ခြင်း၊ မုတ်သုံအား ပြတ်ခြင်းများကို ကြုံတွေ့လာရသည်ဟု သိရှိရသည်။

        မုတ်သုံလေ အားပြတ်ပါက မိုးတိမ်တောင်များ ဖြစ်ပေါ်တတ်သည့် အတွက် မိုးတိမ်တောင်များကြောင့် ဖြစ်ပေါ်သည့် လျှပ်တစ်ပြက် ရေကြီးခြင်း၊ မြေပြိုခြင်း၊ လေဆင်နှာမောင်း တိုက်ခတ်ခြင်း၊ လေပြင်းတိုက်ခတ် ခြင်းတို့ကို ယခုနှစ်တွင် ကြုံတွေ့လာ ရသည်ဟု သိရှိရသည်။

        ပြီးခဲ့သည့် ဇူလိုင်လ ၁၉ ရက်နေ့ညပိုင်းမှ စတင်၍ ဖားကန့်မြို့နယ် ဥရုချောင်းဖျား ကံဆီး-အောင်ဘာလေရွာနှင့် ဖားကန့်၊ လုံးခင်း၊ ဆိပ်မူ တို့တွင် မိုးသည်းထန်စွာ ရွာသွန်းမှုကြောင့် ဖားကန့်၊ လုံးခင်း၊ ဆိပ်မူ၊ ကုဋေမော် စသော ဒေသတို့တွင် ရေ နစ်မြုပ်ခဲ့ကြောင်း၊ ဇူလိုင်လ ၂၀ ရက်နေ့ နံနက်ပိုင်းတွင် စိုးရိမ်ရေမှတ် ရောက်သည်အထိ ရေမြင့်တက်လာခဲ့ကြောင်း သိရှိရသည်။

        ထို့ပြင် ပုံမှန်အနေအထားမှ မြေသားနိမ့်ကျခြင်း၊ မြေသားများရွေ့လျားခြင်း၊ အက်ကွဲလာခြင်း စသည် တို့ကို ကြုံတွေ့ခဲ့ရကြောင်းလည်း သိရှိရသည်။

        "နေရာကွက် မိုးကြီးလိုက်တာနဲ့ လျှပ်တစ်ပြက်ရေကြီးတာတို့၊ မြေပြိုတာတို့ကို ကြုံလာရတယ်။ ဖားကန့်မှာဖြစ်တဲ့ ဖြစ်စဉ်ကလည်း ဒီသဘောပါပဲ။ မုတ်သုံအားပြတ်တော့ မိုးတိမ်တောင် ဖြစ်လာတယ်။ မိုးတိမ်တောင်ကြောင့် ဖြစ်ပေါ်တဲ့ လျှပ်တစ်ပြက်ရေကြီးတာကို ကြုံခဲ့ရတာပါ"ဟု ဒေါက်တာထွန်းလွင်က ဆိုပါသည်။

        ပြီးခဲ့သည့် ၂၀၀၉ ခုနှစ်ကလည်း နေရာကွက်၍ မိုးသည်းထန်ခြင်းကြောင့် ဥရုချောင်းရေလျံကာ လျှပ်တစ်ပြက် ရေကြီးခြင်းကို မိုးလယ်ကာလအစ ဖြစ်သည့် ဇူလိုင်လ  ၅ ရက်နေ့တွင် တွေ့ကြုံခဲ့ရသည်။ ဖားကန့်ဒေသတွင် ယခုနှစ်ဖြစ်စဉ်၌မူ လူနေအိမ် အချို့ပျက်စီးမှု၊ စီးပွားရေးအရ ဆုံးရှုံးမှုအချို့ ရှိခဲ့သည်ဟု သိရှိရသည်။

        "ဒီနှစ်က လာနီညာ ဖြစ်မယ်လို့ ပြောတာတွေရှိတယ်။ ရာသီဥတုအစွန်း ရောက်တာပေါ့။ ရာသီဥတုအစွန်း ရောက်တာရယ်၊ သဘာဝပတ်ဝန်းကျင်ကို ပြောင်းလဲစေခဲ့တာရယ် ပေါင်းလိုက်တော့ သဘာဝဘေးအန္တရာယ်တွေကို ဖြစ်ပေါ်စေလာတယ်လို့ မြင်ပါတယ်"ဟု မြန်မာနိုင်ငံငှက်နှင့် သဘာဝပတ်ဝန်းကျင် ထိန်းသိမ်းရေးအသင်းမှ ဥက္ကဋ္ဌ ဦးစိုးညွန့်က ပြောပါသည်။

        လာမည့် သြဂုတ်လအတွင်းတွင်လည်း မုတ်သုံလေအားပြတ်မှု တစ်ကြိမ် ဖြစ်ပေါ်နိုင်သည်ဟု မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ထုတ်ပြန်ထားသည်။ ထို့ကြောင့် မုတ်သုံလေ အားပြတ်ခြင်းအားဖြင့် ဖြစ်ပေါ်တတ်သည့် သဘာဝဘေးအန္တရာယ်များကို သတိပြုရဦးမည်ဖြစ်ကြောင်း သိရှိရသည်။

        မိုးရာသီကာလအတွင်း နေရာကွက် မိုးကြီးမှုများ ဖြစ်ပေါ်ပါက ရခိုင် ပြည်နယ်၊ ချင်းပြည်နယ်၊ ကချင်ပြည်နယ်၊ စစ်ကိုင်းတိုင်း အထက်ပိုင်း၊ မန္တလေးတိုင်း မိုးကုတ်ဒေသ စသည့် မြေသားမခိုင်မာသော ဒေသများတွင် မြေပြိုမှုများ ဖြစ်ပွားနိုင်ကြောင်း သိရှိ ရသည်။

        ယခုနှစ် ဇွန်လအတွင်း ရခိုင်ပြည်နယ်တွင် ဖြစ်ပေါ်ခဲ့သော ဆုံးရှုံးမှု များပြားခဲ့သည့် သဘာဝဘေးအန္တရာယ်သည်လည်း မိုးသည်းထန်ရာမှ နတ်မြစ်၊ မယူမြစ်များ၌ လျှပ်တစ်ပြက် ရေလျံရခြင်းဖြစ်ကြောင်း ဒေသခံအချို့ထံမှ သိရှိရသည်။