ဘားအံမြို့ ရွှေဈေးကွက်တွင် မြန်မာရွှေထည်ပစ္စည်းများထက် ပြန်လည်ရောင်းချရတွင် အမြတ်အစွန်း ပိုမိုရရှိနိုင်သည့် ထိုင်းဘတ်ရွှေထည်ပစ္စည်းများ ရောင်းအားကောင်းကြောင်း သိရှိရသည်။

        မြန်မာရွှေထည်ပစ္စည်းများမှာ မိမိဝယ်ယူသည့် ရွှေဆိုင်များတွင်သာ ရောင်းချရာ၌ အဆင်ပြေသော်လည်း အခြားဆိုင်များတွင် ရောင်းချပါက ၀ယ်ယူသူ မရှိခြင်းနှင့် ဈေးနှုန်းလျော့၍ ၀ယ်ယူကြောင်း သိရပြီး ထိုင်းဘတ်ရွှေထည်ပစ္စည်းများမှာ မည်သည့်ဆိုင်တွင်မဆို ပြန်လည်ဝယ်ယူကြောင်း သိရှိရပါသည်။

        "ဘားအံမြို့မှာ ရွှေဆိုင်ပေါင်း ၇၀ ကျော် ရှိပါတယ်။ ဆိုင်အားလုံးမှာလည်း မြန်မာရွှေထည်ပစ္စည်းနဲ့ ထိုင်းရွှေထည်ပစ္စည်းတွေကို ရောင်းချကြပါတယ်။ မြန်မာရွှေထည်ပစ္စည်းတွေကို ဒီဇိုင်းဆန်းဆန်းနဲ့ ၀တ်ချင်သူတွေ၊ ငွေကြေး အသင့် အတင့်ရှိတဲ့သူတွေက ၀ယ်ယူဝတ်ဆင်ကြပါတယ်။ ထိုင်းရွှေထည်ပစ္စည်းတွေကို ထိုင်းနိုင်ငံပြန် အလုပ်သမားတွေက ရွှေဆိုင်တွေကို ပြန်ရောင်းပါတယ်။ ဒီရွှေထည်ပစ္စည်းတွေက ပြန်ရောင်းရင် အရှုံးနည်းတယ်။ အမြတ်များများရတယ်"ဟု ဘားအံမြို့မဈေးကြီး အတွင်းရှိ ရွှေဆိုင်ပိုင်ရှင်တစ်ဦးမှ ပြောကြားခဲ့ပါသည်။

        ဘားအံမြို့ရှိ ရွှေဆိုင်များတွင် မြန်မာရွှေထည်များကို ၁၅ ပဲရည်၊ အခေါက်ရွှေ ၊၁၃ ပဲရည်နှင့် ထိုင်းရွှေထည်ပစ္စည်းများတွင် အပွရွှေထည်၊ အကျစ်ရွှေထည်၊ ပွကျစ်ရွှေထည်ဟူ၍ အမျိုးအစားခွဲ၍ ရောင်းချလျက်ရှိပါသည်။ ဘားအံမြို့ရွှေဈေး ကွက်အတွင်းတွင် ရွှေဈေးနှုန်းမှာ အတက်အကျ ပုံမှန်ရှိကြောင်း သိရသည်။ ဘားအံမြို့ရှိ ရွှေဆိုင်များ၏ ဆိုင်ခန်းငှားရမ်းခ ဈေးနှုန်းမှာ ကျပ် ၆၀၀၀၀ ၀န်းကျင်မှ ကျပ်၂၀၀၀၀၀ ၀န်းကျင်ရှိပြီး ဆိုင်ခန်းဈေးနှုန်းများမှာ ကျပ် သိန်း ၄၀၀ ၀န်းကျင်ရှိ ကြောင်းသိရသည်။ ဘားအံမြို့ရှိ ရွှေဆိုင်များမှာ ရွှေထည်ပစ္စည်းများ ရောင်းချရာတွင် ရွှေနေ့စဉ်ပေါက်သည့် ဈေးနှုန်းပေါ်မူတည်၍ ကျပ် ၅၀၀၀ တိုးမြှင့်ကာ ရောင်းချလျက်ရှိကြောင်း သိရှိရပါသည်။ အလားတူ ရွှေထည်ပစ္စည်းများ ပြန်လည်ဝယ်ယူ ရာတွင်လည်း ပေါက်ဈေးထက် ၁၀ ရာခိုင်နှုန်းလျော့၍ ပြန်လည်ဝယ်ယူကြောင်း ရွှေဆိုင်ပိုင်ရှင်များထံမှ သိရှိရပါသည်။ အရောင်းအ၀ယ် ပြုလုပ်ရာတွင်လည်း မြန်မာကျပ်ငွေဖြင့်သာ ပြုလုပ်နေပြီး အမေရိကန်ဒေါ်လာ၊ ထိုင်းငွေဖြင့် အရောင်းအ၀ယ် ပြုလုပ်နေသည့် ဆိုင်မှာ အနည်းငယ်သာရှိကြောင်း သိရှိရသည်။