မြန်မာနိုင်ငံ၏ အရေးကြီး လမ်းမကြီးများ အားလုံးနီးပါးကို အပိုင်းလိုက်ခွဲကာ BOT စနစ်ဖြင့် လမ်းတံတားကြေးကောက်ခံရန်၊ လမ်းပြုပြင် ဖောက်လုပ်ရန်အတွက် ပုဂ္ဂလိက ကုမ္ပဏီများသို့ လွှဲပြောင်းပေးလျက် ရှိရာလမ်းပိုင်းများ အားလုံးနီးပါးကို လွှဲပြောင်းပြီးစီးသည့် အနေအထား ရှိလာသည်ဟု တရားဝင်ထုတ်ပြန် ချက်များအရ သိရှိရသည်။

 
    ရန်ကုန်-ပြည်လမ်း၊ ရန်ကုန်- နေပြည်တော်-မန္တလေး အမြန်လမ်းမကြီး ကဲ့သို့သော အဓိကလမ်းမကြီးများ အပါအ၀င် အရေးကြီးလမ်းမကြီးများအား အပိုင်းလိုက်ဖြင့် ပုဂ္ဂလိက ကုမ္ပဏီများမှ လမ်းတံတားကြေး ကောက်ခံခွင့် အပါအ၀င် လမ်းပိုင်းများကို BOTစနစ်ဖြင့် ပြုပြင်လုပ်ကိုင်ရန်အတွက် လွှဲပြောင်းပေးထားပြီးဖြစ်သည်။

    ယင်းအပြင် အရေးကြီးလမ်းမကြီးများကို အပိုင်းလိုက်ခွဲ၍ လမ်းပြုပြင်ဖောက်လုပ်သည့် လုပ်ငန်း BOT စနစ်ဖြင့် လုပ်ကိုင်ရေးအတွက်လည်း ပုဂ္ဂလိကကုမ္ပဏီ ခြောက်ခုသို့ ထပ်မံလွှဲပြောင်းပေးပြီးဖြစ်သည်။ ထို့အတွက် BOT စနစ်ဖြင့် လုပ်ကိုင်ခွင့်ပေးခဲ့ပြီးဖြစ်သည့် လမ်းပိုင်းများကို ကြည့်ပါက နိုင်ငံတွင်းရှိအရေးပါသော လမ်းပိုင်းများ အားလုံးနီးပါးကို ပုဂ္ဂလိက ကုမ္ပဏီများသို့ လွှဲပြောင်းပေးလိုက်ပြီး ဖြစ်သည်ဟု ဆိုနိုင်မည်ဖြစ်ကြောင်း လုပ်ငန်းရှင်များက သုံးသပ်ခဲ့ကြသည်။

     ဆောက်လုပ်ရေးဝန်ကြီးဌာနမှ ပုဂ္ဂလိကကုမ္ပဏီ ခြောက်ခုနှင့် လမ်းပြုပြင်ဖောက်လုပ်မှု လုပ်ငန်းလုပ်ကိုင်ရေးနှင့် လွှဲပြောင်းပေးရေး (BOT) စာချုပ်ကို ဇူလိုင်လ ၂၆ ရက်နေ့တွင် နေပြည်တော်ရှိ ဆောက်လုပ်ရေးဝန် ကြီးဌာန အစည်းအဝေးခန်းမ၌ ချုပ်ဆိုခဲ့ကြောင်း နိုင်ငံပိုင်သတင်းစာများတွင် ဖော်ပြချက်အရ သိရှိရသည်။

      အဆိုပါ ပုဂ္ဂလိကလုပ်ငန်းကုမ္ပဏီ ခြောက်ခုတွင် အေးရှားဝေါလ်၊ ရွှေသံလွင်၊ ခိုင်မာသောပန်းတိုင် ဆောက်လုပ်ရေးကုမ္ပဏီ၊ တောင်ပေါ်ဒေသ ဆောက်လုပ်ရေးကုမ္ပဏီ၊ ရွှေတောင် နှင့် မြတ်နိုးသူကုမ္ပဏီတို့ ပါဝင်ကြောင်း သိရှိရသည်။

    ထိုကဲ့သို့ စာချုပ်ချုပ်ဆိုရာတွင်  ရွှေသံလွင်ကုမ္ပဏီမှ ရန်ကုန်-မြိတ် ပြည်ထောင်စုလမ်းမကြီး၏ ကျိုက်ထို- သထုံ-မော်လမြိုင်အပိုင်း ၇၈ မိုင် ၆ ဖာလုံနှင့် သထုံ-ဘားအံလမ်း ၂၆ မိုင် ၂ ဖာလုံအား ပြုပြင်ဖောက် လုပ်မှုလုပ်ငန်းများ လုပ်ကိုင်နိုင်မည် ဖြစ်ကြောင်း သိရသည်။

   အေးရှားဝေါလ် ကုမ္ပဏီမှ ရန်ကုန်-ပုသိမ်လမ်း ၁၁၃ မိုင်၊ ပုသိမ်-ငွေဆောင်လမ်း ၂၉ မိုင် ၅ ဖာလုံနှင့် မြစ်ငယ်-ထုံးဘို ပြင်ဦးလွင်လမ်း ၉ မိုင် ၃ ဖာလုံကိုလည်းကောင်း၊ ရွှေတောင် ကုမ္ပဏီမှ မန္တလေး-စစ်ကိုင်း-မုံရွာ-ရေဦးလမ်း၏ စစ်ကိုင်း-မုံရွာအပိုင်း ၇၃ မိုင် ၃ ဖာလုံနှင့် မန္တလေး-စစ်ကိုင်း-ရွှေဘိုလမ်း၏ အုန်းတော-ရွှေဘို အပိုင်း ၄၃ မိုင်ကို လည်းကောင်း၊ မြတ်နိုးသူကုမ္ပဏီမှ မိတ္ထီလာ-ကျောက်ပန်းတောင်း-ညောင်ဦး-ပုဂံ လမ်း ၉၃ မိုင် ၆ ဖာလုံနှင့်ညောင်ဦး- မြင်းခြံလမ်း မိုင် ၄၀ နှင့် ၂ ဖာလုံကို လည်းကောင်း၊ တောင်ပေါ်ဒေသလမ်း ဆောက်လုပ်ရေးကုမ္ပဏီမှ မိတ္ထီလာ-တောင်ကြီး-ကျိုင်းတုံ-တာချီလိတ် လမ်း၏ မိတ္ထီလာ-တောင်ကြီးအပိုင်း မိုင်၁၄၀နှင့် ၅ဖာလုံကိုလည်းကောင်း၊ ခိုင်မာသော ပန်းတိုင်ကုမ္ပဏီမှ မိုးကောင်း-ကာမိုင်း- ဖားကန့်လမ်း၏ ပါဟုတ်-ကာမိုင်း-လ၀-လုံခင်း အပိုင်း မိုင် ၆၀နှင့် မန္တလေး-ရွှေဘို- မြစ်ကြီးနားလမ်း၏ နန့်စီးအောင်-နမ္မတီးအပိုင်း ၈၉မိုင်ကိုလည်းကောင်း အသီးသီးရရှိခဲ့ကြောင်း သိရသည်။

    ပုဂ္ဂလိကလုပ်ငန်း ကုမ္ပဏီ ခြောက်ခုအနေဖြင့် လမ်းမိုင်ပေါင်း ၇၉၀ မိုင်ကို ပြုပြင်ဖောက်လုပ်လုပ်ငန်း လုပ်ကိုင်ရေးကို စာချုပ်ချုပ် ဆိုရရှိခဲ့သည်ဟု သိရသည်။

    'လမ်းပိုင်းတွေကို အခုပုဂ္ဂလိက ကုမ္ပဏီခြောက်ခုကို ပေးလိုက်တာနဲ့ ပထမ ပေးထားတာတွေပေါင်းရင် မြန်မာနိုင်ငံမှာရှိတဲ့ အရေးကြီးလမ်းမကြီးတွေကို ပုဂ္ဂလိကလုပ်ကိုင်ဖို့ လွှဲပြောင်းပေးတာ လမ်းပိုင်းအားလုံးနီးပါး ကုန် သလောက်တောင် ဖြစ်သွားပြီလို့ပြောရမယ့် အနေအထားပါ။ ကျန်တာတွေတော့ ရှိသေးတယ်ဆိုပေမယ့် အခုပေးထားတဲ့အပိုင်းတွေက အဓိကကျတဲ့ အပိုင်းတွေလေ။ အခုလုပ်ကိုင်ခွင့် ရထားသူတွေအနေနဲ့ သုံးနှစ် အခွန် ကင်းလွတ်ခွင့် ရထားသလို လေးနှစ် ကနေ ၁၃ နှစ်အထိကိုလည်း ငါးရာခိုင်နှုန်းပဲ အခွန်ပေးဆောင်ဖို့ သတ်မှတ် ထားတာတွေ့ရတယ်'ဟု စီးပွားရေး လုပ်ငန်းရှင်တစ်ဦးက သုံးသပ်ခဲ့သည်။

 မြန်မာ့ အိမ်နီးချင်းနိုင်ငံများတွင် ကောက်ခံသည့် လမ်းအသုံးပြုခများ(တံတားကြေးမရှိပါ) (အမေရိကန်ဒေါ်လာ)

ရန်ကုန်တိုင်းအတွင်း ဆောက်လုပ်ရေးဝန်ကြီးဌာနမှ ကောက်ခံသည့် လမ်းကြေးနှုန်း(တစ်မိုင်နှုန်း)

B.O.T စနစ်ဖြင့် လုပ်ကိုင်ခွင့်ရသည့် ပုဂ္ဂလိကကုမ္ပဏီအချို့၏ လမ်းကြေးကောက်ခံမှုနှုန်း(တစ်မိုင်နှုန်း)

B.O.T စနစ်ဖြင့် လုပ်ကိုင်ခွင့်ရသည့် ပုဂ္ဂလိကကုမ္ပဏီများ အခွန်ကင်းလွတ်ခွင့်ရထားမှုနှင့် စည်းကြပ်မည့်ပုံစံ

၁။ ပထမ ၃ နှစ်အတွက် အခွန်ပေးဆောင်ရမှု ကင်းလွတ်ခွင့်ပြုထား
၂။ လုပ်ကိုင်ပြီး ၄ နှစ်မှ ၁၃ နှစ်အထိ ၅ ရာခိုင်နှုန်းပေးဆောင်ရမည်
၃။ လုပ်ကိုင်ပြီး ၁၄ နှစ်မှ ၂၃ နှစ်အထိ ၂၀ ရာခိုင်နှုန်းပေးဆောင်ရမည်
၎။ လုပ်ကိုင်ပြီး ၂၄ နှစ်မှ ၃၃ နှစ်အထိ ၁၅ ရာခိုင်နှုန်းပေးဆောင်ရမည်
၆။ လုပ်ကိုင်ပြီး ၃၄ နှစ်မှ ၄၀ နှစ်အထိ ၂၀ ရာခိုင်နှုန်းပေးဆောင်ရမည်
၇။ လုပ်ကိုင်ပြီး နှစ် ၄၀ ကျော်လွန်ပါက နိုင်ငံတော်မှ သတ်မှတ်ပေးသည့် ရာခိုင်နှုန်းအတိုင်း ပေးဆောင်ရမည်။