လက်ရှိအချိန်၌ မြန်မာနိုင်ငံတွင် အော်တိုတယ်လီဖုန်း၊ GSM တယ်လီ ဖုန်း၊ CDMA (Mobile) တယ်လီဖုန်း၊WCDMA တယ်လီဖုန်း၊ D- AMPS တယ်လီဖုန်း၊ Mc WLL တယ်လီဖုန်း၊ ARTS   ရေဒီယိုတယ်လီဖုန်း၊ DECT ရေဒီယိုတယ်လီဖုန်း စသည်ဖြင့် တယ်လီဖုန်းအမျိုးအစား ၁၀ မျိုးဝန်းကျင်ကို အသုံးပြုလျက်ရှိကြောင်း သိရှိရသည်။

    ယခုလအထိ GSM တယ်လီ ဖုန်း ၄၉၄၃၀၀ လုံး၊ CDMA  (Mobile) တယ်လီဖုန်း ၅၄၅၆၅၀ လုံး၊ CDMA 800 တယ်လီဖုန်း ၁၅၀၀၀၀ လုံး၊ CDMA (Fixed) တယ်လီဖုန်း ၂၀၀၃၈ လုံး၊ WCDMAတယ်လီဖုန်း ၂၈၀၀၀ လုံး ချထားပေးပြီးဖြစ်ကြောင်း သိရှိရသည်။

    ထို့အပြင် မြန်မာနိုင်ငံ၌ မိုဘိုင်းတယ်လီဖုန်း အလုံးရေစုစုပေါင်း ၁၃၀၆၃၅၀ (၁၃သိန်းကျော်) နှင့် အော်တိုတယ်လီဖုန်း (လိုင်းဖုန်း) ၈၆၆၀၈၄ လုံးကို ချထားပေးပြီး ဖြစ် ကြောင်း ဆက်လက်ချထားပေးနိုင်ရန် လည်းစီစဉ်လျက်ရှိကြောင်းသိရသည်။ ၁၉၉၇ ခုနှစ်တွင် မိုဘိုင်းဖုန်းအဖြစ် ဆယ်လူလာဖုန်းကို စတင်ချထားပေးခဲ့ပြီး နောက်ပိုင်းတွင် CDMA ခြင်းဖုန်းများကို ငှားရမ်း သုံးစွဲခွင့်ပြုခဲ့သည်။ ထို့နောက် CDMA  မိုဘိုင်း၊ ၂၀၀၀ နှင့် ၂၀၀၁ ခုနှစ် ၀န်းကျင်တွင် GSM စသဖြင့် ချထားပေးခဲ့ကြောင်း သိရှိရသည်။

    ငွေကျပ် ၁၅ သိန်းပေးသွင်း၍ GSM ဖုန်းများ ငှားရမ်းသုံးခွင့်ပြုခဲ့ပြီး နောက်ပိုင်းတွင် မြို့အသီးသီး၌ မိုဘိုင်းဖုန်းသုံးစွဲမှု တိုးတက်လာပြီး သုံးစွဲခွင့်ရသည့် လူဦးရေလည်း တိုးတက်လာခဲ့သည်။ ၂၀၀၇ ခုနှစ် အတွင်း လက်ကိုင်ဖုန်းနှင့် အထိုင်ဖုန်းအဖြစ်ပါ အသုံးပြုနိုင်သည့် ကမ်းရိုးတန်းဖုန်းများလည်း ၀င်ရောက်မှုရှိလာခဲ့သည်။ သုံးစွဲနိုင်သည့် အရေအတွက်နည်းခဲ့သော်လည်း နေရာစုံတွင် အသုံးချနိုင်မှု ပိုလာခဲ့သည်။ ထို့နောက်GSM, WCDMA တစ်ခါသုံး Prepaid ကတ်များကို ၂၀၀၉ခုနှစ်တွင် စတင်ချထားပေးမှုများ ရှိလာခဲ့ပြီး 800MHz CDMA ငါးသိန်းတန်ဖုန်း အမျိုးအစားများကို ၂၀၁၀ ပြည့်နှစ် နှစ်ဆန်းပိုင်းတွင် စတင်ချထားပေးခဲ့ကြောင်း သိရှိရသည်။ ငါးသိန်းတန်ဖုန်းများ ချထားပေးမှုကြောင့် လူလတ်တန်းစား အများအပြား ဖုန်းဝယ်ယူအသုံးပြုနိုင်မှု ပိုမိုများပြားလာခဲ့ပြီး ယခုအချိန်တွင် ဖုန်းဈေးကွက်အတွင်း ၌ GSM ဖုန်းပေါက်ဈေးများ သိသာစွာ ကျဆင်းလာခဲ့ပြီး ဖုန်းအငှားဈေး ကွက်မှာလည်း အလွန်နည်းပါးသွားခဲ့ကြောင်း သိရှိရသည်။

    ထို့ပြင် လက်ရှိအချိန်၌ GSM ဖုန်းကိုင်ဆောင် အသုံးပြုနေသူများသည် မိမိတို့လက်ဝယ်ရှိ GSM ဖုန်းများကို ပြန်လည်ရောင်းချကာ ငါးသိန်းတန်ဖုန်းများဖြင့် အစားထိုး အသုံးပြုခြင်းဖြင့် ဖုန်းအသုံးပြုရန် အတွက် ရင်းနှီးမြှုပ်နှံထားရသည့် ငွေပမာဏကို လျှော့ချခြင်းများကိုလည်း ပြုလုပ်မှုများရှိလာကြောင်း သိရှိရသည်။

    'မိုဘိုင်းဖုန်းတွေ ပေါပေါများများ ချထားပေးမှုမရှိတဲ့အချိန်က ကြိုးဖုန်း(လိုင်းဖုန်း)တွေကိုပဲ အားထားပြီး အသုံးပြုခဲ့ရပါတယ်။ အခုနောက်ပိုင်းမှာ CDMA 800MHz ဖုန်းတွေလိုမျိုး မိုဘိုင်းဖုန်းတွေကို ငွေကျပ်ငါးသိန်းဝန်းကျင်နဲ့ ချထားပေးမှုတွေ ရှိလာတဲ့အတွက် ဖုန်းအသုံးပြုနိုင်သူဦးရေတော့ တိုးလာမယ့် သဘောမှာရှိပါတယ်။ ဒါပေမယ့် မိုဘိုင်းဖုန်းတွေရဲ့ ခေါ်ဆိုခနှုန်းထားတွေအရ ကြိုးဖုန်းလိုမျိုး အချိန်အများကြီး ခေါ်ဆိုအသုံးပြုတာမျိုးထက် အရေးကြီးတဲ့ကိစ္စတွေ ရှိတဲ့အခါမျိုးမှာပဲ ချင့်ချင့်ချိန်ချိန် ဆက်သွယ် အသုံးပြုပါတယ်'ဟု တယ်လီဖုန်း သုံးစွဲသူတစ်ဦးက ပြောကြားခဲ့သည်။

  သို့သော် ဒေသတွင်းနိုင်ငံများ နှင့်နှိုင်းယှဉ်ပါက မြန်မာနိုင်ငံ၏ တယ်လီဖုန်းကိုင်ဆောင် အသုံးပြုနိုင်မှု ပမာဏသည် နည်းပါးနေသေးကြောင်း၊ အထူးသဖြင့် မိုဘိုင်းဖုန်းအသုံးပြုရန် အတွက် ကနဦး ရင်းနှီးမြှုပ်နှံရငွေ မှာ အလွန်နည်းပါးသည့် နည်းတူ အလွယ်တကူဝယ်ယူ အသုံးပြုနိုင်မှုနှင့် ခေါ်ဆိုအသုံးပြုခ သက်သာမှုသည်လည်း ယင်းနိုင်ငံများ၏ ဖုန်းသုံးစွဲနိုင်မှု ပိုမိုမြင့်မားရခြင်း၏ အကြောင်းအရင်းတစ်ရပ် ဖြစ်နိုင်ကြောင်း မိုဘိုင်းဖုန်း လုပ်ငန်းရှင်တစ်ဦးက ပြောကြားခဲ့သည်။

 မြန်မာနိုင်ငံတွင်း အသုံးပြုနေသော ဖုန်းအမျိုးအစားနှင့် အရေအတွက်

အာရှနိုင်ငံအချို့နှင့် အရှေ့တောင်အာရှ နိုင်ငံများရှိ မိုဘိုင်းဖုန်း သုံးစွဲနိုင်မှုရာခိုင်နှုန်း