တရုတ်လေယာဉ်တင် သင်္ဘောက ထိုင်ဝမ်ရေလက်ကြားအား ဖြတ်သန်း၊ ထိတ်လန့်တုန်လှုပ်ရန် မလိုဟု ထိုင်ဝမ်ပြောကြား

၂၀၁၆ ခုနှစ် ဒီဇင်ဘာ ၂၃ ရက်က တရုတ်အရှေ့ဘက် ကမ်းရိုးတန်းအလွန် ပင်လယ်ဝါတွင် စစ်ရေးလေ့ကျင့်မှု၌ လျောင်နင်းလေယာဉ်တင် သင်္ဘောပေါ်မှ ပျံတက်ရန် ပြင်ဆင်နေသည့် J-15 တိုက်လေယာဉ်များ (Photo:AFP)

တရုတ်၏ တစ်စင်းတည်းသော လေယာဉ်တင်သင်္ဘောက သင်္ကေတဆန်သည့် အင်အားပြသမှုအဖြစ် ထိုင်ဝမ်ရေလက်ကြားအား ဖြတ်သန်း ၀င်ရောက်ခဲ့သည်။ သို့သော် တင်းမာမှုများသည် ၎င်းတို့ကျွန်းစု၏ သံတမန်ရေးရာ အဆင့်အတန်းအတွက် ပို၍ဆိုးရွားစေနိုင်သော်မှ ထိတ်လန့်တုန်လှုပ်စရာ မလိုအပ်ကြောင်း ထိုင်ဝမ်က ဇန်န၀ါရီ ၁၁ ရက်တွင် ထုတ်ပြန်ခဲ့သည်။

လျောင်နင်းလေယာဉ်တင် သင်္ဘောသည် ထိုင်ဝမ်ရေပိုင်နက်ထဲသို့ ၀င်ရောက်ခြင်း မပြုခဲ့သော်လည်း ထိုင်ဝမ်ကျွန်းစု၏ လေကြောင်းကာကွယ်ရေးဇုန်က လွှမ်းခြုံသော ဒေသတစ်ခုထဲသို့ ၀င်ရောက်ခဲ့ကြောင်း ထိုင်ဝမ်ကာကွယ်ရေး ၀န်ကြီးဌာနက ထုတ်ပြန်ခဲ့သည်။ တရုတ်လေယာဉ်တင် သင်္ဘောနှင့် ရေယာဉ်စုအား အနီးကပ်စောင့်ကြည့်ရန် ထိုင်ဝမ်က ဇန်န၀ါရီ ၁၀ ရက်ညတွင် F-16 တိုက်လေယာဉ်များနှင့် အခြားလေယာဉ်များအား စေလွှတ်ခဲ့ရသည်ဟု ထိုင်ဝမ်မီဒီယာများက ဖော်ပြခဲ့သော်လည်း ကာကွယ်ရေးဝန်ကြီးဌာနကမူ အတည်မပြုခဲ့ပေ။

ထိုင်ဝမ်စစ်တပ်သည် အခြေအနေတစ်ရပ်လုံးအား စောင့်ကြည့်နေပြီး လိုအပ်ပါက တုံ့ပြန်သွားမည်ဖြစ်ကြောင်း၊ ထိုင်ဝမ်ပြည်သူများ အနေဖြင့် စိတ်သက်သက်သာသာထားကြရန် တိုက်တွန်းလိုကြောင်း၊ အလွန်အမင်း ထိတ်လန့် တုန်လှုပ်နေရန် မလိုအပ်ကြောင်း ထိုင်ဝမ်နှင့်တရုတ်အကြား ဆက်ဆံရေးကို ကိုင်တွယ်သော ထိုင်ဝမ်၏ တရုတ်ပြည်မကြီးရေးရာကောင်စီ (MAC) မှဥက္ကဋ္ဌချန်းရှောင်ယွာက ပြောကြားခဲ့သည်။ အစိုးရသည်  ထိုင်ဝမ် ဘေးကင်းလုံခြုံရေးအတွက် ကာကွယ်နိုင်ရန် စွမ်းဆောင်ရည် အပြည့်အ၀ရှိကြောင်းလည်း ၎င်းကဆိုခဲ့သည်။

ဆိုဗီယက်ခေတ်လုပ် တစ်ပတ်နွမ်း သင်္ဘောအား မွမ်းမံပြင်ဆင်ထားသော လျောင်နင်းလေယာဉ်တင် သင်္ဘော၏ စစ်ကစားခြင်းများသည် အမှန်တကယ် စစ်ရေးခြိမ်းခြောက်မှုဆိုသည်ထက် သင်္ကေတသဘော ပိုဆန်ကြောင်း ကျွမ်းကျင်သူများက သုံးသပ်ထားကြသည်။ လျောင်နင်းသည် ပစိဖိတ်သမုဒ္ဒရာတွင် ပထမဆုံး ပြုလုပ်ခဲ့သော စစ်ရေးလေ့ကျင့်မှုတွင် ပါဝင်ခဲ့ပြီး ပြီးခဲ့သောလတွင် ထိုင်ဝမ်ကို ဖြတ်၍သွားခဲ့ပြီးဖြစ်သည်။ ယင်းလေယာဉ်တင် သင်္ဘောသည် အခြားအစောင့်အရှောက် သင်္ဘောများနှင့်အတူ ထိုင်ဝမ်လေကြောင်း ကာကွယ်ရေးဇုန် အနောက်တောင်ဘက်သို့ ဒေသစံတော်ချိန် ဇန်န၀ါရီ ၁၁ ရက် နံနက် ၇ နာရီ၌ ဖြတ်သန်းခဲ့ကြောင်း ထိုင်ဝမ်ကာကွယ်ရေး ၀န်ကြီးဌာနက ထုတ်ပြန်ခဲ့သည်။ သို့သော် နေ့လယ်ပိုင်းတွင် တရုတ်ပြည်မကြီး ကမ်းရိုးတန်းတစ်လျှောက် မြောက်ဘက်သို့ ထွက်ခွာသွားခဲ့ကြောင်း ယင်းဌာနက ထုတ်ပြန်ခဲ့သည်။

ထိုင်ဝမ်သမ္မတ ဆန်အင်းဝမ်က အမေရိကန်သမ္မတအဖြစ် ရွေးချယ်ခံထားရသော ဒေါ်နယ်ထရန့်ထံ ဂုဏ်ပြုဖုန်းခေါ်ဆိုခဲ့မှုနှင့် ယခုသီတင်းပတ်အတွင်း ဗဟိုအမေရိက ခရီးစဉ်ထွက်ခွာစဉ် အမေရိကန်တွင် တစ်ထောက်နားခဲ့မှု ပြုလုပ်ခဲ့ပြီးနောက် တရုတ်သည် မကြာသေးမီက ထိုင်ဝမ်ကျွန်းစုအနီး စစ်ရေးလေ့ကျင့်မှုများအား တိုးမြှင့်ပြုလုပ်ခဲ့သည်။ တရုတ်က ထိုင်ဝမ်အား တစ်ချိန်တွင် ပြန်လည်ပေါင်းစည်းမည့် ခွဲထွက်ဒေသအဖြစ် သတ်မှတ်ထားသည်။ အမေရိကန်သည် ၁၉၇၉ ခုနှစ်တွင် ပေကျင်းအား အသိအမှတ်ပြုခဲ့ပြီးနောက် ထိုင်ဝမ်နှင့် တရားဝင် သံတမန်ဆက်ဆံရေး မရှိတော့သော်လည်း ထိုင်ဝမ်၏ အင်အားအကြီးဆုံး မဟာမိတ်နှင့် လက်နက်များ အဓိကထောက်ပံ့သူ ဖြစ်လာခဲ့သည်။                   

Writer: 
Ref:AFP