အမေရိကန် မရိန်းတပ်ဖွဲ့ F-35 လေယာဉ်အုပ်စုကို ဂျပန်သို့တပ်ဖြန့်ရန် စေလွှတ်

၂၀၁၆ ခုနှစ် ဇူလိုင် ၁၂ ရက်က လန်ဒန် အနောက်တောင်ပိုင်းတွင် လေကြောင်းပြပွဲ၌ ပျံသန်းနေသော F-35 Lightning II လေယာဉ်တစ်စင်း (Photo:AFP)

အမေရိကန် မရိန်းတပ်ဖွဲ့က ဂျပန်သို့ F-35B တိုက်လေယာဉ်တစ်စုကို စေလွှတ်လိုက်ပြီဖြစ်ကြောင်း ဇန်န၀ါရီ ၁၁ ရက်က ထုတ်ပြန်ခဲ့သည်။ ယင်းသည် အငြင်းပွားစရာ ဖြစ်နေသော F-35 လေယာဉ်များ၏ ပထမဆုံး ပြည်ပတပ်ဖြန့်မှု ဖြစ်လာခဲ့သည်။ ထို F-35 လေယာဉ်တို့သည် ရွေးကောက်ခံသမ္မတ ဒေါ်နယ်ထရန့်၏ စေ့စေ့စပ်စပ်စစ် ဆေးမှုများနှင့်လည်း ရင်ဆိုင်နေရသည်။

ဟွန်ရှူးကျွန်းရှိ အိုင်ဝါကူနီ မရိန်းကော်ပိုရေးရှင်း လေတပ်စခန်းသို့ လေယာဉ် ၁၀ စင်းတပ်ဖြန့်ခြင်းက F-35 လေယာဉ်များအတွက် အဓိကသမိုင်း မှတ်တိုင်တစ်ခု ဖြစ်လာခဲ့သည်။ သို့သော် ထို F-35 သည် နည်းပညာပိုင်းဆိုင်ရာ ချွတ်ယွင်းချက်များ၊ သတ်မှတ်ချက်ထက် ကျော်လွန်ခဲ့သော စရိတ်စကများကြောင့် အကျပ်အတည်း ဖြစ်နေသည့် လေယာဉ်အမျိုးအစားဖြစ်သည်။

F-35 လေယာဉ် ၂၄၄၃ စင်းအတွက် လက်ရှိအချိန်အထိ ထုတ်လုပ်မှုနှင့် ၀ယ်ယူမှုကုန်ကျစရိတ် စုစုပေါင်းမှာ ဒေါ်လာ ၃၇၉ ဘီလျံရှိနေပြီဖြစ်သည်။ သမိုင်းတွင် ဈေးအကြီးဆုံးဖြစ်သော Lockheed Martin ၏ F-35 လေယာဉ်များ၏ စရိတ်သည် နောင်တွင်လည်း ထပ်မံမြင့်တက်ရန် ရှိနေသေးသည်။

F-35 ၏ မရိန်းဗားရှင်း လေယာဉ်အမျိုးအစား F-35B သည် သေးငယ်သောနေရာမှ ပျံတက်နိုင်သလို၊ ဒေါင်လိုက် ဆင်းသက်မှုများကိုလည်း ပြုလုပ်နိုင်သည်။

ပြီးခဲ့သည့်လက ထရန့်က ပြိုင်ဘက်လုပ်ငန်း ဘိုရင်းကို F-35 အားယှဉ်ပြိုင်နိုင်မည့် လေယာဉ် အမျိုးအစားတစ်ခုကို ဈေးသက်သက်သာဖြင့် ထုတ်လုပ်စေလိုကြောင်း Twitter တွင်ရေးသားခဲ့ခြင်းဖြင့် Lockheed Martin အားတုန်လှုပ်စေခဲ့သည်။ “Lockheed Martin ရဲ့အဆင့်မြှင့်ထားတဲ့ F-35 ဟာအလွန်ကုန်ကျစရိတ်များပြီး သတ်မှတ်ကုန်ကျစရိတ်ထက် ကျော်လွန်သွားပြီဖြစ်တဲ့အတွက် F-35 နဲ့နှိုင်းယှဉ်နိုင်တဲ့ အဆင့်မြှင့်ထားတဲ့ F-18 Super Hornet ကိုဈေးသက်သက်သာသာနဲ့ ထုတ်လုပ်ပေးစေလိုပါတယ်” ဟု ဒီဇင်ဘာ ၂၂ ရက်တွင် ထရန့်ကရေးသားခဲ့သည်။

F-18 Super Hornet လေယာဉ်သည် ရေဒါကို ကျော်ဖြတ်နိုင်သည့် စွမ်းရည်မရှိသလို ၁၉၉၀ ပြည့်နှစ် နှောင်းပိုင်းကတည်းက ထုတ်လုပ်ခဲ့သည့် လေယာဉ်ဖြစ်သည်။

F-35 လေယာဉ်မှာလည်း၂၀၇၀ ပြည့်နှစ်အထိ ၎င်း၏ပြင်ဆင် ထိန်းသိမ်းမှု အပါအ၀င် အခြားကုန်ကျစရိတ် စုစုပေါင်းပမာဏသည် ဒေါ်လာ ၁ ဒသမ ၅ ထရီလျံအထိ မြင့်တက်သွားနိုင်သည်။ F-35 သည်အမြန်နှုန်း၊ လျှို့ဝှက်မှုရှိသည့် လေကြောင်းထောက်ပံ့ရေး စွမ်းရည်၊ လွယ်လွယ်ကူကူဖြင့် လေယာဉ်ပျံတက်နိုင်ခြင်း၊ အလွန်များပြားသည့် ဆင်ဆာများကြောင့် လေယာဉ်မှူးများအတွက် အချက်အလက်များနှင့် ပတ်သက်၍ အခြားလေယာဉ်များ ထက်ပို၍ လက်လှမ်းမီနိုင်ခြင်း အစရှိသည့် အရည်အသွေးများကြောင့် အမွှမ်းတင်ခံထားရသည်။            

Writer: 
Ref:AFP