ဂျပန်တွင် ဖျက်သင်္ဘောအတိုက်ခံရမှုကို အမေရိကန်ရေတပ်က စုံစမ်းစစ်ဆေးနေ

အမေရိကန်ဖျက်သင်္ဘောနှင့် ကုန်တင်သင်္ဘောတိုက်မိမှု သတင်းအား ဇွန် ၁၉ ရက်က တိုကျိုတွင် ထုတ်လွှင့်ပြသနေစဉ် (Photo: AFP)

ဂျပန်တွင် အမေရိကန် ရေတပ်သင်္ဘောသား ခုနစ်ဦးသေဆုံးသည့် သင်္ဘောတိုက်မှုအတွက် စုံစမ်းစစ်ဆေးနေကြောင်း အမေရိကန်ရေတပ်က ဇွန် ၁၉ ရက်တွင် ပြောကြားခဲ့သည်။ အမေရိကန်ရေတပ်သင်္ဘော USS Fitzgerald အား ဂျပန်ကမ်းလွန်အနီးတွင် ဖိလစ်ပိုင်အလံတင် ကုန်တင်သင်္ဘော၏ ၀င်တိုက်မှုကို အမေရိကန်ရေတပ်နှင့် ဂျပန်ကမ်းရိုးတန်းစောင့်တပ်ဖွဲ့သည် သီးခြားစုံစမ်းစစ်ဆေးမှုများ ဆောင်ရွက်နေသည်။

၂၂၂ မီတာရှည်သော ဖိလစ်ပိုင်အလံတင် ကုန်တင်သင်္ဘော ACX Crystal သည် ရုတ်တရက် ၁၈၀ ဒီဂရီချိုးကွေ့ခဲ့ကြောင်း Marine Traffic ၀က်ဘ်ဆိုက်က အချက်အလက်များ ထုတ်ပြန်ထားသည်။ သို့သော်လည်း ရုတ်တရက်ကွေ့ခဲ့သည့် အကြောင်းရင်းကို ရှင်းရှင်းလင်းလင်း မသိရသေးပေ။ ဂျပန်ကပိုင်ဆိုင်သော ကုန်တင်သင်္ဘောမှ ဖိလစ်ပိုင်ဝန်ထမ်းများကို ဂျပန်ကမ်းရိုးတန်းစောင့်တပ်ဖွဲ့က တွေ့ဆုံမေးမြန်းနေသည်။

သင်္ဘောနှစ်စီးလုံးတွင် ပျက်စီးမှုရှိခဲ့ပြီး USS Fitzgerald သင်္ဘောတွင် အပေါက်ကြီးဖြစ်သွားခဲ့ပြီး သင်္ဘောအမှုထမ်းများ အိပ်နေသည့်နေရာသို့ ရေအမြောက်အမြားဝင်ခဲ့ကြောင်း သိရသည်။ ယိုကိုဆူကာ၏ အနောက်တောင်ဘက် ရေမိုင် ၅၆ မိုင်အကွာတွင် ဖြစ်ပွားခဲ့သော ယင်းသင်္ဘောတိုက်မှု၌ သင်္ဘောနှစ်စင်းလုံးသည် ဦးတည်ချက်တစ်ခုတည်းတွင် ခုတ်မောင်းနေခဲ့ကြောင်း ဂျပန်စုံစမ်းစစ်ဆေးသူများကို ကိုးကားပြီး ယိုမီယူရီသတင်းစာက ဇွန် ၁၉ တွင်ဖော်ပြခဲ့သည်။

၁၅၄ မီတာ (ပေ ၅၀၀) ရှည်သော USS Fitzgerald သင်္ဘောအတွင်းမှ ရေတပ်သားများ၏ အလောင်းများကို ဆယ်ယူခဲ့ပြီးနောက် ဇွန် ၁၉ တွင် အများပြည်သူသို့ ပြသခဲ့သည်။

ကုန်တင်သင်္ဘောကြီးမှာမူ ဦးပိုင်းတွင် ကြီးမားသော ပွန်းပဲ့မှုကြီးရှိခဲ့သော်လည်း ရေယာဉ်အမှုထမ်း ၂၀ စလုံးဒဏ်ရာရရှိခဲ့ခြင်းမရှိပေ။ ဂျပန်တွင် ထိုနေရာ၌ပြီးခဲ့သည့် ဆယ်စုနှစ်အတွင်း ရေယာဉ်မတော်တဆမှု ၃၀ ခန့်ဖြစ်ပွားခဲ့ပြီး ၂၀၁၃ ခုနှစ်က ဖြစ်ပွားခဲ့သော ကုန်တင်သင်္ဘောနှင့် အခြားသင်္ဘောတစ်စင်းတို့ တိုက်မိမှုတွင် ဂျပန်ရေတပ်အမှုထမ်းခြောက်ဦး သေဆုံးခဲ့ကြောင်း ကမ်းရိုးတန်းစောင့်တပ်ဖွဲ့ ပြောခွင့်ရပုဂ္ဂိုလ်က ပြောကြားခဲ့သည်။

ရေကြောင်းဥပဒေအရ ကုန်တင်သင်္ဘောသည် ဖျက်သင်္ဘောအား နောက်မှနေ၍ ကျော်တက်ရန် ကြိုးပမ်းစဉ်တိုက်မိမှုမဖြစ်ရန် ရှောင်ရမည့်ဝတ္တရားရှိထားသည်။ သို့သော်လည်း ကုန်တင်သင်္ဘောသည် အမေရိကန်သင်္ဘော၏ ညာဘက်ကိုကပ်ခဲ့လျှင် ဖျက်သင်္ဘောက လမ်းပေးရမည့်ဝတ္တရားရှိကြောင်း ဂျပန်ကမ်းရိုးတန်းစောင့်တပ်ဖွဲ့ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။

တိုက်မိချိန်တွင် သင်္ဘောနှစ်စင်းစလုံး၏ လှုပ်ရှားမှုအား ခြေရာခံရန် သင်္ဘောများရှိရွေ့လျားမှုကို အသေးစိတ်စစ်ဆေးမည်ဖြစ်ကြောင်း ဂျပန်၏ ကိုဘေးတက္ကသိုလ်မှ ရေကြောင်းဘေးကင်းလုံခြုံရေးဆိုင်ရာ ကျွမ်းကျင်သူ လျှိုဂျီဖူဂျီမိုတိုက ပြောကြားခဲ့သည်။ ခေတ်သစ်ဖျက်သင်္ဘောများသည် အလွန်ပါးသော သံမဏိချပ်များဖြင့် တည်ဆောက်ထားသောကြောင့် ယင်းသင်္ဘောများသည် ထိခိုက်မှုခံနိုင်ရည်နိမ့်ပါးကြောင်း ၎င်းကပြောကြားခဲ့သည်။

သင်္ဘော၏ဘေးခြမ်းတွင် အပေါက်ကြီး ဖြစ်သွားခဲ့ပြီးနောက် ၀င်လာခဲ့သည့်ရေများက သင်္ဘောသားများ လွတ်မြောက်ရန် အခွင့်အရေးနည်းမည်ဖြစ်ကြောင်း အမေရိကန်၏ အမှတ် ၇ ရေတပ်တပ်မှူး ဒုတိယဗိုလ်ချုပ်ကြီး ဂျိုဇက်အော်ကူအင်က ပြောကြားခဲ့သည်။                        

Writer: 
Ref: AFP