စာပေအနုပညာနယ်ပယ်မှ ကျော်ကြားသူများနှင့် ထင်ရှားမှုများ

ကချင်မော်ဒယ် လုလုအောင်နှင့် ပုရိသ ပရိသတ်များအကြား ရေပန်းစားမှု

ကချင်မော်ဒယ် လုလုအောင်နှင့် အွန်လိုင်းအသုံးပြုသူ ပုရိသ ပရိသတ်များကြားတွင် ရေပန်းစားမှုအား ၂၀၁၆ ခုနှစ်တွင် ထင်ရှားသည့် အနုပညာဖြစ်ရပ် တစ်ခုအဖြစ် ရွေးချယ် ဖော်ပြအပ်ပါသည်။ ဓာတ်ပုံမော်ဒယ်အဖြစ် အနုပညာလောကတွင် လျှောက်လှမ်းနေသူ မော်ဒယ်လုလုအောင်သည် ဆွဲဆောင်မှုရှိသည့် ကိုယ်ဟန်အနေအထား၊ ညှို့ဓာတ်ပြင်းသည့် ၀တ်စားဆင်ယင်မှု၊ လှပသည့် ခန္ဓာကိုယ် ကောက်ကြောင်းများဖြင့် ပုရိသပရိသတ်များကြားတွင် လှုပ်ခတ် အောင်မြင်ခဲ့သူတစ်ဦး ဖြစ်သည်။ Single Mother အဖြစ် ရပ်တည်နေသူ တစ်ဦးလည်းဖြစ်ပြီး ၂၀၁၆ ခုနှစ် အတွင်းတွင် ကြော်ငြာနှင့် တေးစီးရီး အမ်တီဗွီများစွာတွင် ပါဝင် ရိုက်ကူးခွင့် ရရှိခဲ့သည်။

၂၀၁၆ ခုနှစ်အတွင်း စိတ်ဝင်စား လှုပ်ရှားမှု များပြားခဲ့ပြီး အာရုံစိုက်လာကြသည့် စာကြည့်တိုက်များ၏ အခန်းကဏ္ဍ

၂၀၁၆ ခုနှစ်အတွင်း စာကြည့်တိုက်များ၏ အခန်းကဏ္ဍသည် လှုပ်ရှားဆောင်ရွက်မှု များပြားခဲ့ပြီး အများပြည်သူအကြား စာဖတ်သည့် အလေ့အထ တိုးတက်စေရန်အတွက် အမှန်တကယ် အလုပ်ဖြစ်မည့် ဆောင်ရွက်မှုများ ရှိခဲ့သည့် နှစ်တစ်နှစ် ဖြစ်ခဲ့ပါသည်။ ထို့ပြင် မြန်မာနိုင်ငံရှိ စာကြည့်တိုက်များ ရေရှည်ဖွံ့ဖြိုးစေရန် ရည်ရွယ်ချက်ဖြင့် Public Library Master Plan ရေးဆွဲခြင်းကဲ့သို့ လှုပ်ရှားမှုများလည်း ယခုနှစ်အတွင်း ရှိခဲ့သည်။

ဆန်းသစ်သည့် စိတ်ကူးများဖြင့် ပေါ်ပေါက်လာသည့် ကိုယ့်အားကိုယ်ကိုး စာကြည့်တိုက်ငယ်များ

အငြင်းပွားမှုများ ရှိခဲ့သည့် ရုပ်ရှင်ထူးချွန်ဆုပေးပွဲ

၂၀၁၆ ခုနှစ် ဧပြီလဆန်းတွင် ရန်ကုန်မြို့၌ ပြုလုပ်ခဲ့ပြီး အငြင်းပွားမှုများစွာ ဖြစ်ပေါ်ခဲ့သည့် ရုပ်ရှင်ထူးချွန်ဆုပေးပွဲကို ၂၀၁၆ ခုနှစ် အနုပညာလောကအတွင်း ထင်ရှားသည့်ဖြစ်ရပ် တစ်ခုအဖြစ် ရွေးချယ် ဖော်ပြအပ်ပါသည်။ ယခုနှစ်တွင် ပြုလုပ်ခဲ့သည့် ရုပ်ရှင်ထူးချွန်ဆုပေးပွဲမှာ ၂၀၁၄ နှင့် ၂၀၁၅ ခုနှစ်များအတွက် ပြုလုပ်ပေးအပ်ခဲ့သည့် အကယ်ဒမီ ထူးချွန်ဆုပေးပွဲဖြစ်ပြီး ထူးချွန်ဆု ရွေးချယ် ပေးအပ်ခဲ့ခြင်းများအပေါ် အငြင်းပွားမှုများစွာ ဖြစ်ပေါ်စေခဲ့သည့် ပွဲတစ်ပွဲလည်း ဖြစ်သည်။

နီနီခင်ဇော်၊ စိုးသူနှင့် ၀ိုင်းစုခိုင်သိန်း အပါအ၀င် အနုပညာရှင် အချို့၏ လူမှုရေး ပြဿနာဂယက်များ

နီနီခင်ဇော်၊ စိုးသူနှင့် ၀ိုင်းစုခိုင်သိန်း အပါအ၀င် အနုပညာရှင်အချို့၏ လူမှုရေး ပြဿနာ ဂယက်များမှာ အွန်လိုင်းလူမှုကွန်ရက် စာမျက်နှာများမှတစ်ဆင့် ပရိသတ်များကြားတွင် ပျံ့နှံ့ခဲ့သည့်အတွက် ၂၀၁၆ ခုနှစ်အတွင်း ထင်ရှားသည့် အနုပညာဖြစ်ရပ် တစ်ခုအဖြစ် ရွေးချယ် ဖော်ပြအပ်ပါသည်။

၂၀၁၆ ခုနှစ်အတွင်း ပေါ်ပေါက်လာသည့် စာအုပ်တိုက်များ၏ အိမ်တိုင်ရာရောက်စာအုပ် ပို့ဝန်ဆောင်မှု

၂၀၁၆ ခုနှစ် စာပေလောကအတွင်း ဈေးကွက်သစ်တစ်ခုအဖြစ် ပေါ်ပေါက်လာသည်မှာ စာအုပ်တိုက်များ၏ အိမ်တိုင်ရာရောက် စာအုပ်ပို့ ၀န်ဆောင်မှု လုပ်ငန်းဖြစ်သည်။

စာဖတ်သူများအတွက် စာအုပ်ဆိုင် ရှားပါးလာခြင်း၊ နယ်မြို့များသို့ အသစ်ထွက် စာအုပ်များ အချိန်နှင့်တစ်ပြေးညီ မရောက်ရှိနိုင်ခြင်းနှင့် အချိန်ရှားပါးသည့် လက်ရှိလူနေမှုဘ၀တွင် ယာဉ်ကြောပိတ်ဆို့မှုများကြောင့် အချိန်မပေးနိုင်သည့် စာဖတ်သူများအတွက် အစရှိသည့် ခေတ်၏တောင်းဆိုမှုများအရ ယခုနှစ်အတွင်း အိမ်တိုင်ရာရောက် စာအုပ်ပို့ဝန်ဆောင်မှုလုပ်ငန်း ပေါ်ပေါက်လာသည်။