Business

စီမံကိန်း အကျိုးအမြတ်၊ ပြည်သူတွေဘက်က ရလဒ်နဲ့ လက်ပံတောင်းတောင် ပဋိပက္ခ

ကားအခွန်နှုန်းထားတွေကို ၁၅၀၀ စီစီကနေ စတင်ကောက်ခံဖို့၊ ရွှေထည်လက်ဝတ် ရတနာကနေ ကုန်သွယ်လုပ်ငန်းခွန် တစ်ရာခိုင်နှုန်း ကောက်ခံဖို့၊ အခွန်အကောက်ကနေ အခွန်ဝန်ထမ်းတွေကို တစ်ရာခိုင်နှုန်း ချီးမြှင့်ဖို့ စတဲ့အချက်တွေ ပါဝင်တဲ့ ၂၀၁၇ ခုနှစ် ပြည်ထောင်စု၏ အခွန်အကောက်ဥပဒေ အတည်ပြုနိုင်ခဲ့တဲ့ ဒီရက်သတ္တပတ်မှာဆိုရင် ကျပ်ကိုးသိန်းကျော်အထိ မြင့်တက်ခဲ့တဲ့ ရွှေဈေး၊ ကျပ်သိန်း တစ်သောင်းအထိ ဆုချီးမြှင့်မယ့် ကျပ် ၅၀၀ တန် အောင်ဘာလေထီ စသည်ဖြင့် စီးပွားရေးအရ အကျိုးသက်ရောက်မှု ကြီးမားတဲ့ သတင်းတွေ ရှိခဲ့ပါတယ်။

ပြည်တွင်းငွေလဲနှုန်းကို ဗဟိုဘဏ်မှ သတ်မှတ်သည့်နှုန်း မဟုတ်ဘဲ ဘဏ်အချင်းချင်း အမှန်တကယ် ရောင်းဝယ်သည့်နှုန်းထားဖြင့် သတ်မှတ်တော့မည်

ပြည်တွင်းငွေလဲနှုန်းကို ဗဟိုဘဏ်မှ သတ်မှတ်သည့်နှုန်း မဟုတ်တော့ဘဲ ဘဏ်အချင်းချင်း အမှန်တကယ် ရောင်းဝယ်သည့်နှုန်းထားဖြင့် သတ်မှတ်တော့မည်ဖြစ်ကြောင်း ဗဟိုဘဏ်ဒုတိယဥက္ကဋ္ဌ ဦးဆက်အောင်က ပြောကြားသည်။

ရခိုင်ပြည်နယ်အတွင်း ပထမဆုံးသော အထည်ချုပ်စက်ရုံကို စစ်တွေမြို့တွင် ဖွင့်လှစ်

ရခိုင်ပြည်နယ်အတွင်း ပထမဆုံးသော အထည်ချုပ်စက်ရုံ တစ်ခုကို ဖေဖော်ဝါရီ ၂၅ ရက် နံနက်ပိုင်းက စစ်တွေမြို့၊ ဆတ်ရိုးကျရပ်ကွက်တွင် စတင်ဖွင့်လှစ်ခဲ့ကြောင်း သိရသည်။

အဆိုပါ အထည်ချုပ်စက်ရုံသည် အလုပ်အကိုင် အခွင့်အလမ်း ရရှိရေးအတွက် ဦးစားပေး လုပ်ကိုင်ခဲ့ခြင်းဖြစ်ကြောင်းနှင့် ရခိုင်ပြည်နယ် အစိုးရအဖွဲ့၏ ကူညီပံ့ပိုးမှုကို ရယူကာ လုပ်ဆောင်ခဲ့ခြင်းဖြစ်ကြောင်း သိရပြီး ဆက်လက်၍ အလုပ်သမား အများအပြား အလုပ်အကိုင် အခွင့်အလမ်း ရရှိအောင် ကြိုးပမ်းသွားမည် ဖြစ်ကြောင်းလည်း သိရသည်။

သီလ၀ါအထူးစီးပွားရေးဇုန် Zone A ၌ ရင်းနှီးမြှုပ်နှံမှု ပမာဏ ဒေါ်လာတစ်ဘီလျံကျော် ရှိနေပြီး Zone B တွင်လည်း အလုပ်အကိုင် အခွင့်အလမ်းနှင့် ပို့ကုန်တိုးမြှင့်နိုင်မည့် မူဝါဒ ချမှတ်ထား

သီလ၀ါ အထူးစီးပွားရေးဇုန် Zone A တွင် လက်ရှိအချိန်၌ မြန်မာနိုင်ငံမှ လုပ်ငန်းရှင်များ အပါအ၀င် နိုင်ငံတကာမှ ရင်းနှီးမြှုပ်နှံမှု ပမာဏ အမေရိကန်ဒေါ်လာ တစ်ဘီလျံကျော်အထိ ရှိနေကြောင်း သီလ၀ါ အထူးစီးပွားရေးဇုန် စီမံခန့်ခွဲမှု ကော်မတီ ဥက္ကဋ္ဌ ဦးဆက်အောင်က ပြောကြားသည်။

ပြည်တွင်းရွှေဈေးနှုန်း ကျပ် ၉၀၂၄၀၀ အထိ ဆက်လက်မြင့်တက်လာပြီး စံချိန်တင်ဈေးနှုန်းကို ကျော်လွန်ရန် ကျပ် ၁၁၀၀ ခန့်သာလို

ဖေဖော်ဝါရီ ၂၅ ရက်တွင် ပြည်တွင်း ရွှေဈေးနှုန်း ကျပ် ၉၀၂၄၀၀ အထိ ဆက်လက် မြင့်တက်လာပြီး ရွှေဈေးကွက်အတွင်း ဖြစ်ပေါ်ခဲ့ဖူးသော စံချိန်တင်ဈေးနှုန်းကို ကျော်လွန်ရန် ကျပ် ၁၁၀၀ ခန့်သာလိုတော့ကြောင်း ရွှေရောင်းဝယ်သူများထံမှ သိရသည်။