ကဆုန်းဒေသမှ စစ်ဘေးဒုက္ခသည်များအား ကူညီရန်လာသည့် ဖားကန့် ကချင်အမျိုးသား လူမှုဖွံ့ဖြိုးရေး အဖွဲ့မှ လိုင်စင်မဲ့ ယာဉ်လေးစီးကို အမှုဖွင့်ထားပြီး ကာမိုင်းရဲစခန်း၌ လူစုလူဝေးဖြင့် ပဋိပက္ခအသွင် ဖြစ်ပေါ်ခဲ့

ကဆုန်းဒေသမှ စစ်ဘေးဒုက္ခသည်များကို ကူညီရန် လာသည့် ဖားကန့်မြို့မှ ကချင်အမျိုးသား လူမှုဖွံ့ဖြိုးရေးအဖွဲ့မှ လိုင်စင်မဲ့ ယာဉ်လေးစီးကို သွင်းကုန်ပို့ကုန် ဥပဒေပုဒ်မ (၈) ဖြင့် အမှုဖွင့်ထားပြီး သြဂုတ် ၁၉ ရက်တွင် ကာမိုင်းရဲစခန်းအနီးတွင် လူစုလူဝေးဖြင့် ပဋိပက္ခအသွင် ဖြစ်ပေါ်ခဲ့ကြောင်း သတင်းရရှိသည်။

ကချင်အမျိုးသား လူမှုဖွံ့ဖြိုးရေးအဖွဲ့မှ ဦးနော်လောန်က “မနက် ၁၁ နာရီကတော့ အမျိုးသမီးတွေနဲ့ ရဲတပ်ဖွဲ့တွေ အဓိကရုဏ်း ဖြစ်ကြတယ်။ ပုတ်လား၊ ရိုက်လား ဖြစ်သွားတာ။ အမျိုးသမီးသမီးတစ်ဦးက ကာမိုင်းဆေးရုံ ပို့လိုက်ရတယ်။ ဒီမှာလည်း လူတွေက တစ်ရာကျော်၊ နှစ်ရာလောက် ဖြစ်နေတယ်။ ဦးယော်ထုံနဲ့ လဘန်ရှိန် နှစ်ဦးကို ရဲက ခေါ်သွားတယ်။ အခြေအနေက လူစုလူဝေး ဖြစ်နေတယ်။ အားလုံးကလည်း ဒီကိစ္စ မတရားဘူး ထင်နေကြတာလေ။ အခုတော့ ရဲတွေက စခန်းကုန်းမှာ ထမင်းစားနေကြတယ်။ ကျွန်တော်တို့ လူအုပ်ကြီးက အောက်ဘက်မှာပါ။ လိုင်စင်မဲ့ကား ဖမ်းရင်လည်း အားလုံးဖမ်းကြပေါ့။ ဒီလို ကွက်ပြီးဖမ်းတာ မလိုချင်ဘူးဆိုပြီး လူတွေက မကျေနပ်ဘူးလေ။ ကျွန်တော်တို့ကတော့ တပ်က အဆင့်ဆင့်ညွှန်ကြားပြီး ဖမ်းတယ်လို့ သိရတယ်။ အခု စခန်းကလူတွေ စီးနေတဲ့ကားလည်း Without တွေပဲလေ” ဟု ပြောကြားသည်။

အဆိုပါဖြစ်စဉ်နှင့် ပတ်သက်၍ ကချင်ပြည်နယ် ရဲတပ်ဖွဲ့သို့ ဆက်သွယ်မေးမြန်းရာ သြဂုတ် ၁၈ ရက်က ယင်းဂိတ်တွင် လိုင်စင်မဲ့ကား ရှစ်စီးကို ဖမ်းဆီးအမှုဖွင့်ထားကြောင်း၊ ကာမိုင်းရဲစခန်း အနီးတွင် လူစုလူဝေးဖြင့် ဆူပူမှု ဖြစ်နေသဖြင့် ရဲတပ်ဖွဲ့အင်အားကိုလည်း တိုးမြှင့်ချထားကြောင်း ပြည်နယ်ရဲမှူးကြီးက ပြောကြားသည်။

ကချင်ပြည်နယ်မှ ရဲမှူးကြီးထွန်းဦးက “မနက်ပိုင်းက လူစုလူဝေးနဲ့ ဆူပူမှုဖြစ်လို့ ရဲတပ်ဖွဲ့အင်အားကိုလည်း တိုးမြှင့်ထားပါတယ်။ သူတို့ပါလာတဲ့ ယာဉ်ရှစ်စီးထဲက လေးစီးက တရားမ၀င်မို့ သြဂုတ် ၁၈ ရက်က ပို့ကုန်သွင်းကုန် ဥပဒေပုဒ်မ (၈) နဲ့ အရေးယူထားပါတယ်။ သိမ်းလို့တော့ မရသေးပါဘူး။ တစ်ဦးကိုလည်း ဖမ်းထားပါတယ်။ ဖမ်းတာက ကွက်ပြီးဖမ်းတာ မဟုတ်ပါဘူး။ မိုးမောက်မှာ ဆိုင်ကယ်နဲ့ မိုင်းခွဲ လုပ်ကြံမှု ပြီးကတည်းက လုံခြုံရေး အစည်းအဝေးမှာ တရားမ၀င်ကားတွေကိုလည်း ဖောက်ခွဲမှုမှာ အသုံးပြုလာနိုင်လို့ ပညာပေး ကာလအဖြစ် သြဂုတ် ၁၆ ရက်အထိ ဂိတ်တွေမှာ ကြေညာထားပါတယ်။ ဖားကန့်က အဖွဲ့တွေကို ဖမ်းတာက သြဂုတ် ၁၇ ရက်မှာပါ။ အားလုံး လိုင်စင်မဲ့ကား ရှစ်စီး ဖမ်းထားပါတယ်။ နန့်စီးအောင်၊ ဗန်းမော်၊ ရွှေကူဂိတ်တွေမှာက ပညာပေးကာလ မရှိပါဘူး။ အရင်ကတည်းက ဖမ်းနေပါပြီ။ အခု ပြည်နယ်အစိုးရရုံးမှာ စည်းဝေးပြီး ပညာပေးကာလကို သြဂုတ်လကုန်အထိ ပြန်သတ်မှတ်ထားပါတယ်။ အခု ကာမိုင်းစခန်းမှာ အမှုဖွင့်ထားတာက ပြန်ဖြုတ်လို့ မရပါဘူး” ဟု ပြောကြားသည်။

လှူဒါန်းရန်ပါဝင်သည့် ပစ္စည်းများ ပို့ဆောင်ရန်အတွက်လည်း ကားများ အဆင်သင့် လုပ်ပေးထားပြီး အဓိကရုဏ်း ဖြစ်လာပါက ဥပဒေအရ အရေးယူမှုများ ပြုလုပ်သွားမည် ဖြစ်ကြောင်း ၎င်းက ပြောကြားသည်။

ပို့ကုန်သွင်းကုန် ဥပဒေပုဒ်မ (၈) သည် သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်သော ပုဒ်မဖြစ်ပြီး အာမခံ မရကြောင်း သိရသည်။

ယင်းအဖွဲ့၏ အခက်အခဲများကို ပြည်နယ်အစိုးရနှင့် တိုင်ပင်ပြီး ကူညီနေသည့် ငြိမ်းချမ်းရေး အကျိုးဆောင်အဖွဲ့က ပြည်နယ်အစိုးရနှင့် ဆွေးနွေးထားပြီး မည်ကဲ့သို့ ဆောင်ရွက်ကြမည်ကို မသိရသေးကြောင်း ပြောကြားသည်။

ကချင်အမျိုးသား လူမှုဖွံ့ဖြိုးရေး အဖွဲ့က သြဂုတ် ၁၇ ရက် နံနက်ပိုင်းတွင် ပါဂျဲရိုးယာဉ် ရှစ်စီးဖြင့် လူ ၃၀ ကျော်နှင့် ကူညီရန် ပစ္စည်းများ တင်ဆောင်ပြီး ထွက်လာစဉ် ကာမိုး-လ၀ါး စုပေါင်းဂိတ်တွင် ဖမ်းဆီးခံရခြင်းဖြစ်ကြောင်း သိရသည်။

ကဆုန်းဒေသမှ စစ်ရှောင်သူများသည် သြဂုတ် ၁၁ ရက်တွင် တပ်မတော်နှင့် ကေအိုင်အေတို့ ပစ်ခတ်မှုများကြောင့် နမ္မတီးမြို့ လမ်းခွကျေးရွာ နှစ်ခြင်းခရစ်ယာန် ဘုရားကျောင်းတွင် ၅၉၃ ဦး၊ ရိုမန်ကစ်သလစ် ဘုရားကျောင်းတွင် ၅၅၂ ဦးရှိပြီး စုစုပေါင်း ၁၀၄၇ ဦးရှိကြောင်း၊ ကျောင်းသားကျောင်းသူ ၃၂၅ ဦး ပါဝင်ကြောင်း သိရသည်။

နိုင်ငံတကာ အဖွဲ့အစည်းများ အနေဖြင့် ရခိုင်ပြည်နယ် အတွင်းသို့ ၀င်ရောက်လာမည် ဆိုပါက ပြည်နယ်အစိုးရအဖွဲ့၏ သဘောတူညီချက် ရယူပြီးမှသာ MoU ရေးထိုးရမည်

နိုင်ငံတကာ အဖွဲ့အစည်းများဖြစ်သော INGO၊ NGO များ အနေဖြင့် ရခိုင်ပြည်နယ် အတွင်းသို့ ၀င်ရောက်လာမည် ဆိုပါက ပြည်နယ်အစိုးရအဖွဲ့၏ သဘောတူညီချက် ရယူပြီးမှသာ MoU ရေးထိုးရမည်ဖြစ်ကြောင်း၊ ကောင်းကျိုးမပေးသည့် INGO များအား ၀င်ခွင့်ပေးမည် မဟုတ်ကြောင်း ရခိုင်ပြည်နယ် အစိုးရအဖွဲ့ စိုက်ပျိုးရေး၊ မွေးမြူရေးနှင့် သတ္တုတွင်းဝန်ကြီး ဦးကျော်လွင်က ပြောကြားသည်။

သြဂုတ် ၁၉ ရက်က စစ်တွေဟိုတယ်၌ ပြုလုပ်သော ပြည်နယ်အစိုးရ၊ လူထုအခြေပြု အဖွဲ့အစည်းများနှင့် သတင်းမီဒီယာတို့၏ နှီးနှောဖလှယ်ပွဲအပြီးတွင် ထိုသို့ပြောကြားခဲ့ခြင်းဖြစ်ပြီး အချို့သော INGO၊ NGO များ အနေဖြင့် ဘက်လိုက်လုပ်ဆောင်၍ ခွဲခြားဆက်ဆံနေမှုများကို တွေ့ရှိနေရကြောင်း ၀န်ကြီးက ပြောကြားသည်။

“ပြည်ထောင်စု အစိုးရနဲ့ MoU ထိုးတဲ့ INGO၊ NGO တွေအနေနဲ့ ကျွန်တော်တို့ ရခိုင်ပြည်နယ် အစိုးရအဖွဲ့ရဲ့ သဘောတူညီချက်ကို နောက်ပိုင်းဆိုရင် ယူရပါလိမ့်မယ်။ နောက်ပြီးတော့ သူတို့ရဲ့ Mandate တွေ၊ MoU တွေ၊ Plan  အသေးစိတ်ကိုလည်း ကျွန်တော်တို့ ရခိုင်ပြည်နယ်ကို လာလို့ရှိရင် ပြကိုပြရပါလိမ့်မယ်။ ပြပြီးမှ ကျွန်တော်တို့က ခွင့်ပြုသင့်တယ်လို့ ယူဆရင် ဥပဒေနဲ့အညီ ခွင့်ပြုမယ်။ ခွင့်မပြုသင့်တဲ့ အဖွဲ့တွေကိုတော့ ပြည်ထောင်စု အစိုးရနဲ့ ကျွန်တော်တို့ ပြန်လည်ညှိနှိုင်း ဆွေးနွေးပါမယ်။ ပြီးတော့ မြေပြင်မှာ ပေးနေတာတွေ အကုန်လုံးကတော့ တိုင်းရင်းသား လူမျိုးတွေထက် တစ်ဖက်အဖွဲ့အစည်းကို ပိုပြီးပေးနေတာကို တွေ့နေရပါတယ်။ မျှတမှုတော့ ဒီနေ့အခြေနေမှာ ရှိတယ်လို့ ပြောလို့ မရဘူး။ ပြီးတော့ သူတို့ကို Action ယူဖို့ဆိုတာထက် ပြည်နယ်စုအစိုးရနဲ့ MoU ရေးထိုးထားလို့ ရှိရင်တော့ အခုနက ကျွန်တော် ပြောသလိုပါပဲ။ ပြည်နယ်အစိုးရနဲ့ ပူးပေါင်းဆောင်ရွက်မယ်။ နောက်ပိုင်းမှာ ကျွန်တော်တို့ဒေသမှာ အကူအညီပေးမယ် ဆိုလို့ရှိရင် အကုန်လုံး မျှမျှတတ ဖြစ်ရပါလိမ့်မယ်။ INGO၊ NGO အားလုံးကိုတော့ မဆိုလိုပါဘူး။ ဒါပေမဲ့ ဒေသဖွံ့ဖြိုးရေးအတွက် တောင်သူတွေအတွက် အကျိုးပြုတဲ့ NGO တွေလည်း ရှိပါတယ်။ ဒေသမှာ အနှောင့်အယှက်ဖြစ်မယ့်၊ ဒေသတွင်း တည်ငြိမ်အေးချမ်းရေးကို ထိခိုက်စေတဲ့ NGO အဖွဲ့အစည်းတွေလည်း ရှိပါတယ်။ ဒါပေမဲ့ ဒေသတွင်း အကျိုးရှိမယ့် အဖွဲ့အစည်းဆိုရင် ဘယ်အဖွဲ့အစည်းမဆို ပြည်ထောင်စုနဲ့ ပေါင်းစပ်ညှိနှိုင်းပြီးတော့ ကျွန်တော်တို့ အကောင်းဆုံးဖြစ်အောင် ဆောင်ရွက်မယ်။ တကယ်လို့ ဒေသအတွက် အကျိုးမရှိဘူးဆိုလို့ရှိရင် ဘယ် NGO အဖွဲ့အစည်းမဆို၊ ဘယ်လောက်ပဲ ဖိအားပေးပေး ကျွန်တော်တို့ကတော့ လုံးဝ လက်ခံမှာ မဟုတ်ဘူး။ ဒါကြောင့် ပြည်သူတွေ ဆန္ဒပြတာကိုလည်း ကန့်ကွက်စရာ မရှိဘူး။ အဲဒီအပေါ်မှာ ဥပဒေနဲ့အညီ ရခိုင်ပြည်နယ် အစိုးရအဖွဲ့ အနေနဲ့ အဖွဲ့စည်းတွေနဲ့ ပူးပေါင်းဆောင်ရွက်သွားမှာ ဖြစ်ပါတယ်” ဟု ရခိုင်ပြည်နယ် အစိုးရအဖွဲ့၏ စိုက်ပျိုးရေး၊ မွေးမြူရေးနှင့် သတ္တုတွင်းဝန်ကြီး ဦးကျော်လွင်က ပြောကြားသည်။

နိုင်ငံတကာ အဖွဲ့အစည်းများဖြစ်သည့် INGO များ အနေဖြင့် ခွဲခြားဆက်ဆံသည်ဟု ဆိုကာ ရခိုင်ပြည်နယ် အတွင်းမှ ထွက်သွားပေးရေးအတွက် သြဂုတ် ၁၃ ရက်က ရခိုင်ပြည်နယ်ရှိ မြို့အများစုနှင့် ကျေးရွာကြီးများတွင် ကန့်ကွက်ဆန္ဒထုတ်ဖော်မှုများ ပြုလုပ်မှုများ ရှိခဲ့ကြောင်း သိရပြီး လက်ရှိအခြေအနေတွင် ရခိုင်ပြည်နယ်အတွင်း INGO အဖွဲ့ ၇၀ ခန့် ရှိကြောင်း သိရသည်။

ရာထူးတိုးစာမေးပွဲဖြေဆိုရန် ဖိအားပေးခြင်းခံရသည့်အတွက် နည်းပညာတက္ကသိုလ်မှ ဆရာဆရာမများက သတင်းစာရှင်းလင်းပွဲပြုလုပ်ခဲ့ပြီး နောက်ဆုံးအဆင့် လမ်းမပေါ်အထိ တက်ရောက်တောင်းဆိုသွားမည်ဟုဆို


နည်းပညာတက္ကသိုလ် မန္တလေးမှ ဆရာ/ဆရာမများအား တွေ့ရစဉ်

နည်းပညာတက္ကသိုလ်မှ ဆရာ/ဆရာမများအနေဖြင့် ရာထူးတိုးစာမေးပွဲဖြေဆိုရန် ဖိအားပေးခြင်းခံရသည့်အတွက် သြဂုတ် ၁၉ ရက် မနက် ၁၁ နာရီက Mandalay Media Centre တွင် သတင်းစာရှင်းလင်းပွဲပြုလုပ်ခဲ့ပြီး မျှတသည့်မူဝါဒများ ချမှတ်မပေးလျှင် နောက်ဆုံးအဆင့် လမ်းမပေါ်ထိ တက်ရောက်တောင်းဆိုသွားမည်ဖြစ်ကြောင်း သိရသည်။

“အခုကျွန်မတို့လုပ်ရတဲ့ သတင်းစာရှင်းပွဲမှာ တင်ပြပေးချင်တာကတော့ BRC Campaign ရဲ့ရည်ရွယ်ချက်ရယ် ဘာကြောင့်လုပ်ရတယ်ဆိုတာ အဓိကပြောချင်ပါတယ်။ ကျွန်မတို့ BRC Campaign စလုပ်ကာစတုန်းကတော့ ရာထူးတိုးမူဝါဒ မျှတရေးနဲ့ နစ်နာမှုများကို ဖြေရှင်းပေးရေးဆိုတဲ့ ခေါင်းစဉ်နဲ့ လှုပ်ရှားခဲ့ပါတယ်။ ၃၁.၇ လမှာစတင်လှုပ်ရှားခဲ့ပြီး ၄ ရက်နေ့အထိပဲ လုပ်မယ်လို့ စီစဉ်ထားခဲ့ပေမယ့် ၃ ရက်နေ့မှာ လ/ထ ကထိကတွေရဲ့ ရာထူးတိုးတွေထွက်သွားခဲ့ပြီး ကျွန်မတို့ကမပါခဲ့ပါဘူး။ ကျွန်မတို့ရဲ့ ငြိစွန်းမှုမရှိတဲ့ မူဝါဒအသစ်တစ်ခုဖြစ်တဲ့ ရေးဖြေစာမေးပွဲဖြေမှ ရာထူးတိုးမယ်ဆိုပြီး မူဝါဒဆွဲပြီး စာမေးပွဲဖြေခိုင်းခဲ့တဲ့အတွက် မဖြေနိုင်ဘူးဆိုတာကို ကြော်ငြာခဲ့တယ်။ ပါချူပ်အစည်းအဝေးကနေတစ်ဆင့် ဖြေဖို့ဖိအားပေးခြင်းခံရပါတယ်။ လုံးဝမဖြေကြားနိုင်ဘူးဆိုတာရယ်။ မကြာခဏ ပြောင်းလဲနေတဲ့မူဝါဒကို ကျွန်မတို့ဘက်က လုံးဝမျှတမှုမရှိဘူးဆိုတာကို သိစေချင်ပါတယ်။ နိုင်ငံတော်ပုန်ကန်တာ၊ မူဝါဒကိုဆန့်ကျင်တာ တစ်ခုမှမပါပါဘူး။ ဒီပညာရေးဝန်ကြီးဌာနရဲ့ တာဝန်ယူမှုကင်းမဲ့တဲ့ မဖြေရှင်းပေးတဲ့ ပြဿနာတွေအတွက်ကို တင်ပြခြင်းသာဖြစ်ပါတယ်။ နောက်ဆုံးဘယ်လိုမှမရတဲ့ အဆုံးမှာလမ်းပေါ်ထွက်ပြီး မူဝါဒမျှတရေးကို တောင်းဆိုဖို့အထိရှိပါတယ်။ အခုနိုင်ငံတော် အတိုင်ပင်ခံအထိကို စာတင်ထားပါတယ်။ မြန်နိုင်သမျှမြန်အောင် စီစဉ်မှာပါ” ဟု နည်းပညာတက္ကသိုလ် မန္တလေးမှ သရုပ်ပြဆရာမ ဒေါ်ယဉ်ဝေလွင်က ပြောကြားသည်။

အဆိုပါ ဖဲကြိုးပြာလှုပ်ရှားမှုကို ၂၀၁၇ ခုနှစ်ဇူလိုင် ၃၁ ရက်မနက်မှ စတင်ကာပြုလုပ်ခဲ့ကြောင်း၊ ပညာရေးဝန်ကြီးဌာန လက်အောက်ရှိ DTVET ဦးစီးဌာနအနေဖြင့် GTHS၊ GTI၊ GTC အသီးသီးတွင် တာဝန်ထမ်းဆောင်နေသည့် ဆရာ/ဆရာမများအတွက် အမိန့်ကြော်ငြာစာအမှတ် (၃၅/၂၀၁၇) ဖြင့် ရာထူးတိုးအော်ဒါများ တိုးမြှင့်ပေးခဲ့ကြောင်း၊ နည်းပညာတက္ကသိုလ်၊ ကွန်ပျူတာတက္ကသိုလ်များမှ ဆရာ/ဆရာမများထံမှ ရာထူးတိုးနစ်နာမှုများကို စစ်တမ်းများကောက်ယူခဲ့ကြောင်း၊ ရာထူးတိုး မညီမျှမှုနစ်နာမှုများကို သက်ဆိုင်ရာ တာဝန်ရှိသူများသိရှိနိုင်ရန် ဖဲကြိုးပြာလှုပ်ရှားမှု စတင်ခဲ့ခြင်းဖြစ်ကြောင်း သိရသည်။

“ပညာရေးဝန်ကြီး ဒေါက်တာမျိုးသိမ်းကြီးက ကျွန်တော်တို့ကျောင်းကို ၁၃.၅.၂၀၁၆ ရက်က တွေ့ဆုံပွဲလာခဲ့ပါတယ်။ ဆရာတစ်ယောက်ရဲ့ ရာထူးတိုးနစ်နာမှုများကို တင်ပြတဲ့အခါမှာ ၀န်ကြီးကနောင်လာမယ့် ရာထူးတိုးတွေနဲ့ပတ်သက်လို့ အားလုံးဝန်ကြီးဌာန တစ်ခုတည်းဖြစ်တဲ့အတွက်ကြောင့် အားလုံးကတစ်ပြေးညီ ဖြစ်စေရမယ်လို့ အားလုံးကတစ်ပြေးညီ ဖြစ်ရစေမယ်လို့ အာမခံခဲ့တဲ့ ကတိက၀တ်ရှိပါတယ်။ အဲဒီလိုကတိက၀တ်ခံခဲ့ပြီး ၁၀.၈.၂၀၁၆ မှာတော့ ကျွန်တော်တို့ ၀ိဇ္ဇာသိပ္ပံတက္ကသိုလ်တွေက နည်းပြ/သရုပ်ပြတွေက ကထိကရာထူးတိုးခဲ့တယ်။ နည်းပညာတက္ကသိုလ်တွေက နည်းပြသရုပ်ပြတွေက အခုချိန်ထိ လ/ထ ကထိက အဆင့်မြင့်ရာထူးမရရှိခဲ့ပါဘူး” ဟု မန္တလေးနည်းပညာတက္ကသိုလ် မြန်မာစာမှ သရုပ်ပြဆရာ ဦးမင်းမင်းသန်းက ပြောကြားသည်။

အဆိုပါ Campaign ကို မျှတမှုရှိသည့် ရာထူးတိုး မူဝါဒလမ်းစဉ်ချမှတ်ပေးသည်အထိ ရက်အကန့်အသတ်မရှိ Blue Ribbon Campaign ဆက်လက်လုပ်ဆောင်မည်ဖြစ်ကြောင်း၊ ၂၀၁၅ ခုနှစ်တွင် နှစ်ကြိမ်၊ ၂၀၁၆ ခုနှစ်တွင် တစ်ကြိမ်၊ ၂၀၁၇ ခုနှစ်တွင် တစ်ကြိမ် ရာထူးတိုးရန်အတွက် လျှောက်လွှာများ လေးကြိမ်တိတိတင်ခဲ့ရကြောင်း၊ ၂၀၁၇ ခုနှစ် ဇူလိုင် ၅ ရက် ရက်စွဲဖြင့် ရာထူးတိုးစာမေးပွဲဖြေဆိုရန် အမိန့်ကြော်ငြာစာ ထွက်လာကြောင်း၊ သရုပ်ပြဆရာ၊ ဆရာမများမှ ရာထူးတိုးစာမေးပွဲ ၀င်ရောက်ဖြေဆိုမည်မဟုတ်ကြောင်း၊ တိကျသော မူဝါဒလမ်းစဉ်များ ချမှတ်ပေးရေးနှင့် နစ်နာမှုများအတွက် ဆက်လက်လုပ်ဆောင်သွားမည်ဖြစ်ကြောင်း၊ ရာထူးတိုးစာမေးပွဲဖြေဆိုရန် ဖိအားပေးခြင်းခံရသောကြောင့် သတင်းစာရှင်းလင်းခဲ့ခြင်းဖြစ်ကြောင်း၊ ရာထူးတိုးအတွက် လျှောက်ထားသည့် တက္ကသိုလ်များမှ ဆရာ၊ ဆရာမဦးရေ ၁၈၀၀ ကျော်ခန့်ရှိကြောင်း၊ ရာထူးတိုးမျှတသည့် မူဝါဒများချမှတ်ပေးရေးနှင့် နစ်နာမှုများကို နိုင်ငံတော်၏ အတိုင်ခံပုဂ္ဂိုလ်အထိ စာတင်ထားကြောင်း သိရသည်။

“ကျွန်တော်တို့ ဆရာ/ဆရာမတွေ ရာထူးတိုးစာမေးပွဲမဖြေပါဘူး။ မဖြေချင်ပါဘူးလို့ အကြိမ်ကြိမ် တင်ပြထားပါတယ်။ ဒါပေမဲ့လည်း မနေ့က ရာထူးတိုးစာမေးပွဲဖြေရမယ်ဆိုပြီး သူတို့ဘက်က လုပ်လာပါတယ်။ သူတို့ဘက်က တာဝန်ယူမှု၊ တာဝန်ခံမှုမရှိဘဲနဲ့ အတင်းဇွတ်စီစဉ်တယ်လို့ ယူဆပါတယ်။ အဲဒီအတွက် ဆရာ/ဆရာမတွေဘက်က ဘာဖြစ်ချင်လည်း ဖြစ်ချင်တာတွေကို တစ်တပ်တစ်အားနဲ့ နည်းပညာတက္ကသိုလ် မန္တလေးဆရာများသမဂ္ဂကနေ ပါဝင်ဆောင်ရွက်ပေးသွားမှာပါ” ဟု နည်းပညာတက္ကသိုလ် မန္တလေးဆရာများသမဂ္ဂမှ ဥက္ကဋ္ဌဦးကျော်ကျော်က ပြောကြားသည်။

Writer – သီရိ

ဒေါ်လာ သန်း ၂၂၀ ရင်းနှီးမြှုပ်နှံထားသည့် Lotte Hotel, Resort & Service Apartment စီမံကိန်း လာမည့် ၂၀၁၇ ခုနှစ် စက်တင်ဘာ ၁ ရက်တွင် ဖွင့်လှစ်မည်


ရန်ကုန်မြို့တွင် ဖွင့်လှစ်မည့် Lotte Hotel, Resort & Service Apartment စီမံကိန်းကို တွေ့ရစဉ် (ဓာတ်ပုံ-Lotte)

ယခင်က တပ်မတော်အရာရှိကြီးများအား နေထိုင်ခွင့်ပေးခဲ့သော ဆင်ဖြူရှင်ရိပ်သာမြေနေရာတွင် ဆောင်ရွက်နေသည့် ဒေါ်လာသန်း ၂၂၀ ရင်းနှီးမြှုပ်နှံထားသော Lotte Hotel, Resort & Service Apartment စီမံကိန်းကို လာမည့် ၂၀၁၇ ခုနှစ် စက်တင်ဘာ ၁ ရက်တွင် တရားဝင်ဖွင့်လှစ်မည်ဖြစ်ကြောင်း Lotte ၏ထုတ်ပြန်ကြေညာချက်များအရ သိရသည်။

အဆိုပါစီမံကိန်းသည် ရန်ကုန်မြို့၏ အဓိကလမ်းမကြီးတစ်ခုဖြစ်သည့် ပြည်လမ်း (လှိုင်မြို့နယ်) ပေါ်တွင်တည်ရှိပြီး အင်းလျားကန်နှင့်လည်း ဆက်စပ်နေသည့် မြေနေရာတစ်ခုဖြစ်ကာ ၆ ဧက၀န်းကျင် ကျယ်ဝန်းသည်။ စီမံကိန်းတွင် ဟိုတယ်နှင့် Service Apartment အဆောက်အအုံနှစ်လုံးပါဝင်သည်။ ဟိုတယ်အဆောက်အအုံသည် အထပ်ပေါင်း ၁၅ ထပ်အမြင့်ရှိကာ အခန်းပေါင်း ၃၄၆ ခန်းပါဝင်ပြီး Service Apartment အဆောက်အအုံတွင် အထပ်ပေါင်း ၂၉ ထပ်ရှိကာ အခန်းပေါင်း ၃၁၅ ခန်းပါဝင်သည်။ Service Apartment တွင် အိပ်ခန်းတစ်ခန်းမှ လေးခန်းအထိပါဝင်သော အခန်းများဖြင့် ဖွဲ့စည်းထားခြင်းဖြစ်ကြောင်း သိရသည်။

ယင်းစီမံကိန်းဆောင်ရွက်နေသော မြေနေရာသည် ကာကွယ်ရေးဝန်ကြီးဌာနပိုင် မြေနေရာဖြစ်ပြီး ၂၀၁၂ ခုနှစ်တွင် တင်ဒါအောင်မြင်ခဲ့ကာ ၂၀၁၃ ခုနှစ်မေလတွင် ကိုရီးယားနှင့် မြန်မာနှစ်ဦးသဘောတူစာချုပ် ချုပ်ဆိုခဲ့ခြင်းဖြစ်သည်။ မြေကို BOT စနစ်ဖြင့် နှစ် ၇၀ စာချုပ်ဖြင့်ငှားရမ်းခဲ့ပြီး မြန်မာနိုင်ငံ ရင်းနှီးမြှုပ်နှံမှုကော်မရှင်က ခွင့်ပြုချက် ချထားပေးခဲ့သည်။ စာချုပ်အရ တောင်ကိုရီးယား စုပေါင်းရင်းနှီးမြှုပ်နှံမှုအဖွဲ့က ၈၅ ရာခိုင်နှုန်း၊ IGE က ၁၅ ရာခိုင်နှုန်း ရင်းနှီးမြှုပ်နှံထားခြင်းဖြစ်သည်။ တောင်ကိုရီးယား စုပေါင်းရင်းနှီးမြှုပ်နှံမှုအဖွဲ့တွင် KDB Daewoo Securities က ၃၉ ရာခိုင်နှုန်း၊ Daewoo International က ရာခိုင်နှုန်း ၃၀၊ Posco E & C က ရာခိုင်နှုန်း၂၀၊ Lotte က ၁၀ ရာခိုင်နှုန်းပါဝင်ကြောင်း သိရသည်။

Lotte Hotel, Resort & Service Apartment စီမံကိန်းကို တောင်ကိုရီးယား ဆောက်လုပ်ရေး လုပ်ငန်းတစ်ခုဖြစ်သော Posco E & C မှ တာဝန်ယူ ဆောက်လုပ်ပေးခြင်းဖြစ်ပြီး Lotte က ဟိုတယ်နှင့် Service Apartment စီမံခန့်ခွဲမှုများကို ဆောင်ရွက်မည်ဖြစ်သည်။ အဆိုပါစီမံကိန်းတွင် ကိုရီးယားနှင့် နိုင်ငံတကာ စားသောက်ဆိုင်များ၊ မင်္ဂလာဧည့်ခံပွဲအပါအ၀င် ပွဲအမျိုးမျိုးပြု လုပ်နိုင်မည့်ခန်းမများ၊ ရေကူးကန်၊ Gym & Fitness စင်တာစသည်တို့ပါဝင်သည်။

ရန်ကုန်မြို့ရှိ Lotte Hotel သည် ယင်းလုပ်ငန်းစု၏ ရှစ်လုံးမြောက် ပြည်ပဟိုတယ်ဖြစ်လာပြီး အခြားဟိုတယ်များကို အမေရိကန်၊ ရုရှား၊ ဗီယက်နမ်၊ ဥဇဘတ်ကစ္စတန်နိုင်ငံတို့တွင် ဖွင့်လှစ်ထားခြင်းဖြစ်ကြောင်း သိရသည်။