ဘော်စတွန်တွင် လူမျိုးရေးခွဲခြားမှုကို ဆန့်ကျင်သော လူသောင်းချီ ပါဝင်သည့် ချီတက်ပွဲကြီး ပြုလုပ်

ဘော်စတွန်မြို့တွင် သြဂုတ် ၁၉ ရက် လူမျိုးရေးခွဲခြားမှု ဆန့်ကျင်ရေးချီတက်ပွဲကြီးအား တွေ့ရစဉ် (Photo: AFP)

အမေရိကန်နိုင်ငံ ဘော်စတွန်မြို့၏လမ်းများပေါ်သို့ သြဂုတ် ၁၉ ရက်က လူမျိုးခွဲခြားမှု ဆန့်ကျင်သည့် ဆန္ဒပြသူ ထောင်ပေါင်းများစွာ စုပြုံရောက်လာခဲ့ကြရာ အဆိုပါနေ့မှာပင် ဘော်စတွန်၌ပြုလုပ်သည့် လူဖြူအမျိုးသားရေး ၀ါဒီတို့၏ စုဝေးမှုမှာ သေးနုပ်သွားခဲ့သည်။ သို့သော် လွန်ခဲ့သည့်သီတင်းပတ်က ဗာဂျီးနီးယားဖြစ်စဉ်ကဲ့သို့ အကြမ်းဖက်မှုများကို ရှောင်ကြဉ်နိုင်ခဲ့ကြသည်။

“လွတ်လပ်စွာ ပြောဆိုခွင့်” ဟု အမည်ပေးထားသော လက်ယာစွန်းရောက်အုပ်စုများ၏ ဆန္ဒပြပွဲ မစတင်မီတွင် ပါဝင်မည့်သူ ဒါဇင်ပေါင်းများစွာကို ရဲတပ်ဖွဲ့က လိုက်ပါ စောင့်ကြပ်ခဲ့သည်ဟု သိရသည်။ တန်ပြန်ဆန္ဒပြပွဲတွင်မူ လူပေါင်း ၄၀,၀၀၀ ကျော် ပါဝင်ခဲ့ပြီး လူ ၂၇ ဦး ဖမ်းဆီးခံရကြောင်း သိရသည်။ သို့သော် သြဂုတ် ၁၉ ရက် ညနေပိုင်းတွင် ထို ဆန္ဒဖော်ထုတ်ချီတက်ပွဲမှာ ဖြစ်စဉ်ကြီးကြီးမားမား မရှိဘဲ ပြီးဆုံးသွားသည်ဟု သိရသည်။

ဂျူးတစ်ဦးဖြစ်သော ထရန့်သမီး အီဗင်ကာထရန့်က လူမျိုးရေးခွဲခြားမှု၊ ဂျူးဆန့်ကျင်မှု နှင့် အမုန်းတရားများအား ငြိမ်းချမ်းစွာရှုတ်ချရန်အတွက် နိုင်ငံတစ်ဝန်းမှ လူထောင်ပေါင်းများစွာ တစုတဝေးတည်း ရောက်လာသည်ကို တွေ့ရသည်မှာ ကြည်နူးစရာဖြစ်သည်ဟု သြဂုတ် ၁၉ ရက်ညပိုင်းက Twitter ၌ ရေးခဲ့သည်။

ထိုဆန္ဒပြမှုသည် ယခုသီတင်းပတ်အကုန်တွင် ပြုလုပ်ရန်စီစဉ်ထားကြသည့် ဆန္ဒ ပြပွဲများစွာထဲမှ တစ်ခုဖြစ်သည်။

အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှုကြီးသည် မီးကို ဓာတ်ဆီဖြင့်လောင်းသလို ဖြစ်လိမ့်မည်ဟု မြောက်ကိုရီးယားက သတိပေး

 

သြဂုတ် ၁၅ ရက်က အစိုးရမီဒီယာမှ ထုတ်ပြန်ခဲ့သည် ဓာတ်ပုံထဲ၌ စစ်တပ်အား လာရောက်စစ်ဆေးနေသည့် ခေါင်းဆောင် ကင်ဂျုံအွန်အား တွေ့ရစဉ် (Photo: AFP)

နှစ်စဉ်ကျင်းပနေကျ တောင်ကိုရီးယား နှင့် ပူးတွဲစစ်ရေး လေ့ကျင့်မှုကြီးကို ယခုနှစ်တွင် လုပ်ဆောင်မည်ဆိုပါက အမေရိကန်သည် မီးကို ဓာတ်ဆီဖြင့် ထပ်လောင်းသလို ဖြစ်လိမ့်မည်ဟု မြောက်ကိုရီးယားက သြဂုတ် ၂၀ ရက်တွင် သတိပေးချက် ထုတ်ပြန်ခဲ့သည်။

မြောက်ကိုရီးယားသည် အမေရိကန်ပိုင် ဂူအမ်ကျွန်းသို့ ဒုံးကျည်နှင့်ပစ်မည့် အစီအစဉ်ကို ပြီးခဲ့သည့်သီတင်းပတ်အတွင်းက ရပ်ဆိုင်းလိုက်သည်။ သို့သော် အမေရိကန်၏ နောက်ထပ်ခြေလှမ်းအပေါ်မူတည်ပြီး ဂူအမ်သို့ ဒုံ ကျည် ပစ်မပစ်ကို ဆုံးဖြတ်မည်ဟု မြောက်ကိုရီးယားက သတိပေးထားသည်။ ထိုကဲ့သို့ မြောက်ကိုရီးယားက အကြီးအကျယ် ခြိမ်းခြောက်နေသည့်ကြားမှ အမေရိကန်နှင့် တောင်ကိုရီးယားတို့သည် Ulchi freedom Guardian (UFG) စစ်ရေးလေ့ကျင့်မှုကြီးကို သြဂုတ် ၂၁ ရက်တွင် စတင်မည်ဖြစ်သည်။ မြောက်ကိုရီးယားက ၎င်းတို့ကို ကျူးကျော်ရန် ပြင်ဆင်နေသည်ဟုရှုမြင်သော ထိုစစ်ရေးလေ့ကျင့်မှုကြီးထဲတွင် တပ်ဖွဲ့ဝင်ထောင်နှင့်ချီပြီး ပါဝင်မည်ဖြစ်သည်။

“ဒီ စစ်ရေးလေ့ကျင့်မှုကြီးဟာ ကျွန်တော်တို့အပေါ် ရန်လိုနေတဲ့အကြောင်းကို အပွင့်လင်းဆုံး ပြသလိုက်တာဖြစ်ပါတယ်။ ဒီစစ်ရေးလေ့ကျင့်မှုကြီးဟာ တကယ်အစစ်အမှန် တိုက်ပွဲအဖြစ် ပြောင်းမသွားဘူးလို့ ဘယ်သူကမှ အာမမခံပေးနိုင်ပါဘူး” ဟု မြောက်ကိုရီးယား၏ အစိုးရသတင်းစာ ရိုဒေါင်ရှင်မွန်၏ အယ်ဒီတာ့အာဘော်တွင် ရေးသားခဲ့ခြင်းဖြစ်သည်။ “ Ulchi freedom Guardian ပူးတွဲစစ်ရေးလေ့ကျင့်မှုတွေဟာ မီးကို ဓာတ်ဆီနဲ့ ထပ်လောင်းသလိုဖြစ်ပြီး ကိုရီးယားကျွန်းဆွယ်ရဲ့ အခြေအနေကို ပိုပြီးဆိုးရွားလာစေလိမ့်မယ်” ဟုလည်း ရေးသားထားသည်။

အမေရိကန်နှင့် တောင်ကိုရီးယားတို့သည် ယခုစစ်ရေးလေ့ကျင့်မှုတွင် လေယာဉ်တင် သင်္ဘောကြီးနှစ်စင်းကို ထည့်သုံးမည့် ကနဦးအစီအစဉ်အား ဖျက်သိမ်းရန် စဉ်းစားနေသည်ဟု သိရသည်။

တောင်ကိုရီးယားဘက်မှ ထိပ်တန်းစစ်တပ် အရာရှိတစ်ဦးက လက်ရှိကိုရီးယားကျွန်းဆွယ် အခြေအနေသည် မည်သည့်အချိန်ကထက်မဆို စိုးရိမ်စရာဖြစ်နေသည်ဟု သြဂုတ် ၂၀ ရက်မှာပင် ပြောကြားခဲ့သည်။ “ရန်သူက ရန်စလာမယ်ဆိုရင်တော့ ကျွန်တော့်စစ်တပ်ဟာ ရန်သူတွေကို ဆိုးဆိုးရွားရွား နောင်တရအောင် လက်တုံ့ပြန်ရမှာဖြစ်ပါတယ်” ဟု တပ်ပေါင်းစုအကြီးအကဲ ဗိုလ်ချုပ်ကြီး ဂျောင်ကျောင်ဒိုက ပြောကြားခဲ့သည်။

အိန္ဒိယတွင် ရထားလမ်းချော်၍ ၂၃ ဦး သေဆုံး

အိန္ဒိယမြောက်ပိုင်းတွင် သြဂုတ် ၁၉ ရက်က အမြန်ရထားတစ်စင်း လမ်းချော်သွားခဲ့ပြီး ၂၃ ဦး သေဆုံးခဲ့ကြောင်း တာဝန်ရှိသူတစ်ဦးက ပြောကြားခဲ့သည်။

အတွဲ ၁၄ တွဲပါရထားသည် ဥတာပရာဒေ့ရ်ှပြည်နယ် မူဇာဖာနာဂါ ခရိုင်အနီး၌ ရထားတွဲများ တိမ်းမှောက်သွားခဲ့ပြီး အရေးပေါ်ကယ်ဆယ်ရေး အလုပ်သမားများသည် ရထားတွဲများအတွင်းမှ လူများကို ဆွဲထုတ်ကယ်ဆယ်ခဲ့ရသည်။

ရထားတိမ်းမှောက်မှုဖြစ်ပွားသည့်နေရာ၌ ရောက်ရှိနေသော ရဲအရာရှိတစ်ဦးက ဒဏ်ရာရသူ ၅၀ ခန့်ကို ဆေးရုံသို့ ပို့ခဲ့ရကြောင်း ပြောကြားခဲ့သည်။

သတ္တုဖြတ်စက်များနှင့် ကရိန်းများကို အသုံးပြုပြီး ပျက်စီးနေသော ရထားတွဲများအတွင်းသို့ ၀င်ရောက်ခဲ့ကြရကြောင်း နောက်ထပ်တာဝန်ရှိသူ တစ်ဦးက ပြောကြားခဲ့သည်။ ကယ်ဆယ်ရေးအထူးကိရိယာများ နှင့် အနံ့ခံခွေးများ ပါဝင်သည့် ကယ် ဆယ်ရေးအဖွဲ့ကို ဗဟိုအစိုးရအဖွဲ့က အလျင်အမြန်စေလွှတ်ခဲ့ကြောင်း သိရသည်။

“လူ ၂၃ ဦး သေဆုံးခဲ့ပြီး လူ ဒါဇင်နှင့်ချီပြီး ဒဏ်ရာရရှိခဲ့ပါတယ်။ ဒဏ်ရာရရှိသူ အများစုကို ဆေးရုံသို့ ခေါ်ဆောင်သွားနေပါတယ်” ဟု ဒေသဆိုင်ရာ ကျန်းမာရေး အရာရှိ ပီအက်မီရှရာက အေအက်ဖ်ပီကို ဖုန်းဖြင့် ပြောကြားခဲ့သည်။

ဓာတ်ပုံများနှင့် ရုပ်သံအပိုင်းများတွင် ရုပ်ပျက်ဆင်းပျက်ဖြစ်သွားသော ရထားတွဲများ၏ ပုံကို မြင်တွေ့ခဲ့ရပြီး လူများက ခရီးသည်များကို ကယ်ထုတ်ရန် ကြိုးပမ်းနေကြသည်ကိုလည်း တွေ့ခဲ့ရသည်။

ယခု မတော်တဆမှုသည် အိန္ဒိယ၏ လူဦးရေအများဆုံးပြည်နယ် ဥတာပရာဒေ့ရ်ှတွင် နောက်ဆုံး ဖြစ်ပွားခဲ့သော မတော်တဆမှုကြီး ဖြစ်ခဲ့သည်။ ဆေးရုံတစ်ရုံတွင် အောက်ဆီဂျင်ပြတ်လပ်မှုကြောင့် ကလေးများ ဒါဇင်ချီသေဆုံးခဲ့ပြီးနောက် တစ်ပတ်ခန့်အကြာတွင် ဥတာပရာဒေ့ရှ်၌ ရထားမတော်တဆမှုဖြစ်ပွားခဲ့ခြင်းဖြစ်သည်။

အိန္ဒိယ၏ ရထားကွန်ရက်သည် ကျယ်ပြောလှသောနိုင်ငံတွင် ခရီးဝေးသွားလာမှုအတွက် အဓိက ရွေးချယ်မှုဖြစ်နေဆဲဖြစ်သည်။ သို့သော်လည်း ရန်ပုံငွေသုံးစွဲမှုနည်းပါးပြီး ပြင်းထန်သော မတော်တဆမှုများ မကြာခဏဖြစ်ပွားသည်။ လွန်ခဲ့သည့် တစ်နှစ်ခန့်က ဥတာပရာဒေ့ရ်ှပြည်နယ်တွင် အလားတူ ရထားမတော်တဆမှုကြောင့် လူ ၁၄၆ ဦး သေဆုံးခဲ့သည်။

အိန္ဒိယ၏ ရထားလမ်းများတွင် နှစ်စဉ် လူ ၁၅၀၀၀ နီးပါး သေဆုံးနေကြောင်း ၂၀၁၂ ခုနှစ် အစီရင်ခံစာတွင် အိန္ဒိယအစိုးရက ပြောကြားခဲ့သည်။ အိန္ဒိယ၏ရထားလမ်းများ အဆင့်မြှင့်တင်ရန်အတွက် ငါးနှစ်အတွင်း ဒေါ်လာ ၁၃၇ ဘီလျံ ရင်းနှီး မြှုပ်နှံမည်ဟု ၀န်ကြီးချုပ် နရင်ဒရာမိုဒီ၏ အစိုးရက ကတိပြုထားသည်။

 

 

 

ဂျပန်က ပိုမိုကောင်းမွန်သော ဂျီပီအက်စ်စနစ် ဖြစ်လာစေရန် တတိယမြောက် ဂြိုဟ်တု လွှတ်တင်

သြဂုတ် ၁၉ ရက်က ဂျပန်တောင်ပိုင်းရှိ အာကာသစခန်းမှ H-IIA ဒုံးပျံအား လွှတ်တင်နေစဉ် (Photo: AP)

စမတ်ဖုန်းမြေပုံများ၊ ကားလမ်းညွှန်စနစ်များ၌ စင်တီမီတာအထိ တိတိကျကျ ဖော်ပြနိုင်စေရန်အတွက် ပထ၀ီတည်နေရာပြ ပြည်တွင်းစနစ်တစ်ခု တည်ဆောက်ရန် ကြိုးပမ်းနေသော ဂျပန်သည် သြဂုတ် ၁၉ ရက်က တတိယမြောက် ဂြိုဟ်တုကို လွှတ်တင်လိုက်ကြောင်း သိရသည်။

H-IIA ဒုံးပျံကို ဂျပန်တောင်ပိုင်းရှိ Tanegashima အာကာသစခန်းမှ ဒေသစံတော်ချိန် နေ့လယ်နှစ်နာရီခွဲ အချိန်က လွှတ်တင်လိုက်သည်ဟု ဂျပန်အာကာသ စူးစမ်းရှာဖွေရေး အေဂျင်စီ (JAXA) က ထုတ်ပြန်ခဲ့သည်။ ဒုံးပျံသည် ပစ်လွှတ်ပြီး မိနစ် ၃၀ အကြာတွင် Michibiki No.3 ဂြိုဟ်တုကို အာကာသထဲသို့ အောင်မြင်စွာ ပို့နိုင်ခဲ့သည်။

အမေရိကန် စစ်တပ်က စတင် ဒီဇိုင်းထွင်ခဲ့သော ဂြိုဟ်တုဖြင့် ပထ၀ီတည်နေရာပြ စနစ်များသည် လက်ရှိတွင် ကားလမ်းညွှန်မှအစ မိုဘိုင်ဖုန်းဖြင့် အင်တာနက်ရှာဖွေမှုအထိ အမျိုးမျိုးသော အသုံးချမှုများအတွက် ထောက်ပံ့မှုပေးနေသည်။

လက်ရှိတွင် အမေရိကန်၏ Global Positioning System (GPS) အပေါ် မှီခိုနေသော်လည်း ပြည်တွင်းစနစ် တစ်ခုကို တည်ဆောက်ရန် ကြိုးပမ်းနေသည့် ဂျပန်သည် ဂြိုဟ်တုလေးခုအထိ လွှတ်တင်ရန် စီစဉ်နေခြင်းဖြစ်သည်။ ပထမဆုံး ဂြိုဟ်တုကို ၂၀၁၀ ပြည့်နှစ်က ပတ်လမ်းထဲသို့ ပို့ခဲ့ခြင်းဖြစ်ပြီး ဒုတိယတစ်ခုကို ဇွန်လက လွှတ်တင်ခဲ့ခြင်းဖြစ်သည်။ ဂျပန်သည် GPS စနစ်ကို ကျယ်ကျယ်ပြန့်ပြန် အသုံးပြုဆဲ ဖြစ်သော်လည်း နိုင်ငံထဲမှ အထပ်မြင့်တိုက်များ၊ တောင်တန်းများက GPS အချက်ပြမှုများအတွက် အနှောင့်အယှက် ဖြစ်နေသဖြင့် နောက်ထပ် ထောက်ပံ့ရေး ဂြိုဟ်တုများကို ထပ်မံလိုအပ်နေခြင်း ဖြစ်သည်။

Ref: AFP