International

အိန္ဒိယတွင် မင်္ဂလာပွဲအတွက် ငွေအလွန်အကျွံ သုံးစွဲမှုကို ကန့်သတ်ရန် လွှတ်တော်အမတ်က အဆိုပြု

ဆင်များ၊ နိုင်ငံခြား အကအဖွဲ့များနှင့် အစားအစာ ခုနစ်မယ်တည်ခင်းမှုများ ပါဝင်သည့် ခမ်းနားကြီးကျယ်သော အိန္ဒိယမင်္ဂလာပွဲများအား တားဆီးရန်အတွက် မင်္ဂလာပွဲ များတွင် ဧည့်သည်အရေအတွက်နှင့် တည်ခင်းဧည့်ခံမည့် ဟင်းပွဲများကို ကန့်သတ်မည့် ဥပဒေမူကြမ်းတစ်ခုကို အတိုက်အခံ ကွန်ဂရက်ပါတီမှ လွှတ်တော်အမတ် ဂျက်ရန်ဂျင်က အဆိုပြုခဲ့ကြောင်း သိရသည်။

ထိုင်းနိုင်ငံတွင် မက်သာဖက်တမင်း ဆေးပြား ခုနစ်သန်းကျော်ကို ဖမ်းမိ

ထိုင်းနိုင်ငံတွင် ဖေဖော်ဝါရီ ၁၈ ရက်က ရဲများသည် ရုပ်ရှင်ဆန်ဆန် ကားဖြင့် လိုက်လံဖမ်းဆီးမှု ပြုလုပ်ခဲ့ပြီးနောက် မက်သာဖက်တမင်းဆေးပြား ခုနစ်သန်းကျော်ကို ဖမ်းဆီးမိခဲ့သည်ဟု သိရသည်။

ယင်းဖမ်းဆီးမှုသည် နာမည်ဆိုးဖြင့်ကျော်ကြားသော ရွှေတြိဂံဒေသမှ မူးယစ်ဆေးဝါးများသည် ထိုင်းနိုင်ငံထဲသို့ ဒလဟော ဆက်လက်စီးဝင်နေသည့် ဖြစ်စဉ်ကို ထင်ရှားစေခဲ့သည်။

မလေးရှားလေဆိပ်မှ မြောက်ကိုရီးယား လုပ်ကြံမှုတွင် အဆိပ်ရှာဖွေရေးမှာ အခက်ခဲဆုံးအပိုင်း ဖြစ်နေ

ယုံမှားသံသယ လွန်ကဲနေသော အာဏာရှင်တစ်ဦးနှင့် ဆက်ဆံရေး မပြေလည်သည့် အစ်ကိုကို လူများပြည့်ကျပ်နေသော အပြည်ပြည်ဆိုင်ရာ လေဆိပ်တစ်ခု၌ နာရီပိုင်းအတွင်း သေဆုံးစေခဲ့သည့် ငယ်ရွယ်သော အမျိုးသမီးလုပ်ကြံသူနှစ်ဦး အသုံးပြုခဲ့သည့်အဆိပ်မှာ ပဟေဠိဆန်လျက် ရှိသည်။

ထိုအဆိပ်သည် စိတ်လှုပ်ရှားဖွယ် သူလျှိုဝတ္ထုဇာတ်လမ်း တစ်ပုဒ်အတွက်မူ ပြီးပြည့်စုံသော အဆိပ်တစ်မျိုး ဖြစ်မည်ဖြစ်သည်။ “ သေနတ်ဆိုတာမျိုးဟာ သူ မကောင်းဘူးဆိုတာ ကို  ပေါ်ပေါ်ထင်ထင်ပဲ  ကြေညာထားပါတယ်။ ဒါပေမဲ့ အဆိပ်ကတော့ ရှမ်ပိန်တစ်ငုံစာလောက်မှာလည်း ခိုးကြောင်ခိုးဝှက်နဲ့ ပါသွားနိုင်ပါတယ်”ဟု နယူးယောက်ရှိ Syracuse တက္ကသိုလ်မှ ကျွမ်းကျင်သူ ရောဘတ်သွန်မဆင်က ဆိုသည်။

ဒုတိယကမ္ဘာစစ်အတွင်းက ဟစ်တလာသုံးခဲ့သော တယ်လီဖုန်းကို လေလံတင်မည်

ဒုတိယကမ္ဘာစစ်အတွင်းက အဒေါ့ဟစ်တလာသည် ၎င်း၏အရေးကြီး အမိန့်များစွာကို ညွန်ကြားရာ၌ အသုံးပြုခဲ့သည့် ကိုယ်ရေးကိုယ်တာသုံး တယ်လီဖုန်းတစ်လုံးကို ယခုသီတင်းပတ်ကုန်ရက်တွင် လေလံတင်မည် ဖြစ်ကြောင်း အမေရိကန် လေလံလုပ်ငန်းက ကြေညာခဲ့သည်။

မူလက အနက်ရောင်ဖြစ်သော ဘကီလိုက် တယ်လီဖုန်းကို နောက်ပိုင်းတွင်ကြက်သွေးရောင်ဖြင့် ဆေးခြယ်ခဲ့ကာ ဟစ်တလာ၏ အမည်ကို ရေးထိုးထားသည်။ ဒုတိယကမ္ဘာစစ်တွင် ဂျာမနီစစ်ရှုံးပြီးနောက် ၁၉၄၅ ခုနှစ်က ဘာလင်မြို့ရှိ နာဇီခေါင်းဆောင် ဟစ်တလာ၏ ဗုံးခိုကျင်းထဲတွင် ထိုတယ်လီဖုန်းကို တွေ့ရှိခဲ့ခြင်း ဖြစ်သည်။

မူးယစ်ဆေးနှိမ်နင်းရေးစစ်ပွဲ ရပ်သွားသော်လည်း ဖိလစ်ပိုင်တွင် လူသတ်မှုများ ဆက်လက်ဖြစ်ပွား

 ဖိလစ်ပိုင်ရဲတပ်ဖွဲ့သည် လူအမြောက်အမြားကို သေဆုံးစေခဲ့သော မူးယစ်ဆေးနှိမ်နင်းမှုစစ်ပွဲမှ ဆုတ်သွားကြပြီ ဖြစ်သော်လည်း အရိပ်လူသတ်သမားများက ဆင်းရဲသားများကို ဆက်လက်သတ်ဖြတ်နေဆဲ ဖြစ်သည်ဟု လူ့အခွင့်အရေး လှုပ်ရှားသည့် အဖွဲ့တစ်ဖွဲ့က ဖေဖော်ဝါရီ ၁၇ ရက်တွင် ထုတ်ပြန်ခဲ့သည်။ တစ်ချိန်တည်းမှာပင် သမ္မတရိုဒရီဂိုဒူတာတေးအား ထိပ်တန်းဝေဖန်သူတစ်ဦးသည် မူးယစ်ဆေးနှင့် ဆက်နွှယ်သော စွဲချက်များဖြင့် အမှုဖွင့်ခံထားရသည်။