International

အမေရိကန်၏ အလိုရှိဆုံး အကြမ်းဖက်သမား ခေါင်းဆောင်တစ်ဦး ဖိလစ်ပိုင်ရှိ မြို့မှ ထွက်ပြေးခဲ့ဖွယ်ရှိဟု ဖိလစ်ပိုင်စစ်ဘက် ထုတ်ပြန်

အမေရိကန်၏ အလိုရှိဆုံး စာရင်းဝင် အကြမ်းဖက်သမား ခေါင်းဆောင်များအနက် တစ်ဦးဖြစ်သူသည် ဖိလစ်ပိုင်တောင်ပိုင်းရှိ မာရာဝီမြို့တွင် စစ်တပ်နှင့် အစ္စလာမ္မစ် စစ်သွေးကြွများအကြား ငါးပတ်ကြာမြင့်လာပြီဖြစ်သော တိုက်ပွဲများအတွင်း ထွက်ပြေးသွားဖွယ်ရှိဟု စစ်ဘက်က ဇွန် ၂၄ ရက်တွင် ထုတ်ပြန်ခဲ့သည်။ IS အဖွဲ့၏ အရှေ့တောင်အာရှဆိုင်ရာ ခေါင်းဆောင်ဖြစ်ဖွယ် ရှိသည်ဟု ယူဆရသော ၀ါရင့် ဖိလစ်ပိုင်စစ်သွေးကြွ အစ္စနီလန်ဟာပီလန်အား မာရာဝီမြို့ တိုက်ပွဲတွင် မြင်တွေ့ခဲ့ရခြင်း မရှိကြောင်း ဖိလစ်ပိုင်စစ်ဘက်၏ အနောက် မင်ဒါနာအို ကွပ်ကဲတပ် အကြီးအကဲ ဒုတိယ ဗိုလ်ချုပ်ကြီး ကာလီတိုဂယ်ဗက်ဇ်က ပြောကြားခဲ့သည်။

မိုဒီ၏ အမေရိကန်ခရီးစဉ် မတိုင်မီ အိန္ဒိယရှိ ရွာတစ်ရွာက ထရန့်ကျေးရွာဟု အမည်ပြောင်း

အိန္ဒိယ၀န်ကြီးချုပ် နရင်ဒရာမိုဒီ အမေရိကန်နိုင်ငံသို့ မသွားရောက်မီ ထူးထူးခြားခြား သင်္ကေတတစ်ခုအဖြစ် ရေနှင့်လျှပ်စစ်မီး အနည်းငယ်သာ ရရှိသော အိန္ဒိယရှိ ကျေးရွာတစ်ရွာက ထရန့်ရွာဟု ဇွန် ၂၃ ရက်တွင် အမည်ပြောင်းလဲခဲ့ကြောင်း သိရသည်။

စိုက်ပျိုးရေးကို အဓိကထား လုပ်ကိုင်ကြသော နိုင်ငံမြောက်ပိုင်း ဟာရာနာပြည်နယ်ထဲမှ မာရိုရာဟု တရားဝင် အမည်ရှိသော ရွာဇနပုဒ်ငယ်ကို ထရန့်ရွာဟု အမည်ပြောင်းခဲ့ခြင်း ဖြစ်သည်။ ရွာ၏ အ၀င်ဝတွင် ကြီးမားသော ဘုတ်ကြီးပေါ်၌ အားပါးတရ ပြုံးနေသော ထရန့်၏ ရုပ်ပုံနှင့်အတူ ဟိန္ဒီနှင့် အင်္ဂလိပ် နှစ်ဘာသာဖြင့် ‘ထရန့်ကျေးရွာမှ ကြိုဆိုပါသည်’ ဟု ရေးသားထားကြောင်း သိရသည်။

ပူတင်သည် ထရန့်အား မြှင့်တင်ပေးရန် ကြိုးစားခဲ့ကြောင်း စီအိုင်အေက သြဂုတ်ကတည်းက သိရှိခဲ့

ရုရှားသမ္မတ ဗလာဒီမာပူတင်က အမေရိကန်သမ္မတ ရွေးကောက်ပွဲ၌ ဒေါ်နယ်ထရန့် အနိုင်ရရှိရေး ကူညီရန် လုပ်ငန်းစဉ်တစ်ရပ်ကို ပုဂ္ဂိုလ်ရေးအရ အမိန့်ပေးခဲ့ကြောင်းကို လွန်ခဲ့သော သြဂုတ်လကတည်းက သိရှိခဲ့သည့် ထိပ်တန်းအဆင့် ထောက်လှမ်းမှုရှိကြောင်း ၀ါရှင်တန်ပို့စ် သတင်းစာက ဇွန် ၂၃ ရက်တွင် ဖော်ပြခဲ့သည်။

ယင်းထောက်လှမ်းမှုသည် အိမ်ဖြူတော်ကို တုန်လှုပ်သွားစေခဲ့ပြီး အမေရိကန် လုံခြုံရေး အကြီးအကဲများအား မည်သို့မည်ပုံ တုံ့ပြန်ခဲ့သည်ကို ဖော်ထုတ်ရန် ခြေရာခံနေသည့် ထိပ်တန်းလျှို့ဝှက် ပဋိပက္ခ တစ်ခုအတွင်းသို့ ရောက်ရှိသွားစေခဲ့သည်။

အတိုက်အခံခေါင်းဆောင် နာဗာညီ ရွေးကောက်ပွဲယှဉ်ပြိုင်ရန် အရည်အချင်း မပြည့်မီဟု ရုရှားရွေးကောက်ပွဲကော်မရှင် ထုတ်ပြန်

သမ္မတရွေးကောက်ပွဲ ယှဉ်ပြိုင်နိုင်ရန်အတွက် အရှိန်မြှင့် ကြိုးပမ်းနေသော အတိုက်အခံခေါင်းဆောင် အလက်ဇီနာဗာညီသည် ရွေးကောက်ပွဲ ယှဉ်ပြိုင်ရန်အတွက် အရည်အချင်း မပြည့်မီကြောင်း ရုရှားဗဟိုရွေးကောက်ပွဲ ကော်မရှင်က ဇွန် ၂၃ ရက်တွင် ကြေညာခဲ့သည်။ လူမှုမီဒီယာများအား အမိအရ အသုံးချမှုနှင့်အတူ အကျင့်ပျက်ခြစားမှု တိုက်ဖျက်ရေး လှုံ့ဆော်သူ နာဗာညီသည် ၂၀၁၈ ခုနှစ် သမ္မတရွေးကောက်ပွဲတွင် ယှဉ်ပြိုင်မည်ဟု ပြီးခဲ့သော ဒီဇင်ဘာ၌ ကြေညာခဲ့သည်။

တောင်ကိုရီးယား သမ္မတဟောင်း ပက်ကွမ်ဟီး၏ မိတ်ဆွေ ချွိုင်ဆွန်စီ ထောင်ဒဏ်သုံးနှစ် ချမှတ်ခံရ

တောင်ကိုရီးယား အကျင့်ပျက်ခြစားမှု အရှုပ်တော်ပုံတွင် အခရာကျခဲ့သည့် အမျိုးသမီးဖြစ်သူ ချွိုင်ဆွန်စီသည် ၎င်းအပေါ် စွဲဆိုထားသော ပြစ်မှုဆိုင်ရာ အမှုများစွာအနက် ပထမတစ်မှုတွင် လာဘ်ထိုးမှုအတွက် ဇွန် ၂၃ ရက်၌ ထောင်ဒဏ်သုံးနှစ် ချမှတ်ခံခဲ့ရကြောင်း သိရသည်။ နာမည်ပျက်ဖြင့် ရာထူးမှ ဆင်းပေးခဲ့ရသော သမ္မတဟောင်း ပက်ကွမ်ဟီး၏ ကာလရှည်ကြာ မိတ်ဆွေဖြစ်သူ ချွိုင်သည် ၎င်း၏ သမီးဖြစ်သူအား ဆိုးလ်ရှိ ဂုဏ်သိက္ခာကြီးမားသော Ewha Woman's University သို့ တက်ရောက်ခွင့်ရရန်နှင့် အတန်းမတက်သော်လည်း အဆင့်ကောင်းကောင်းရရန် ပါမောက္ခသုံးဦးအား လာဘ်ထိုးခဲ့မှုတွင် ပြစ်မှုထင်ရှားသဖြင့် ထောင်ဒဏ်သုံးနှစ် ချမှတ်ခဲ့ကြောင်း ဆိုးလ်ဗဟိုခရိုင် တရားရုံးက ထုတ်ပြန်ခဲ့