International

အင်အား ၇ ဒသမ ၉ အဆင့်ရှိ အင်ဒိုနီးရှား ငလျင်ကြောင့် ဆူနာမီ သတိပေးချက် ထုတ်ပြန်

အင်ဒိုနီးရှားနိုင်ငံ ဆူမတြားကျွန်း အနောက်တောင်ဘက် ပင်လယ်ပြင်အောက်ဘက်၌ လှုပ်ခတ်ခဲ့သော အင်အား ၇ ဒသမ ၉ အဆင့်ရှိ အင်ဒိုနီးရှား ငလျင်ကြောင့် ဆူနာမီ သတိပေးချက် ထုတ်ပြန်ထားကြောင်း သိရသည်။

ဒေသစံတော်ချိန် ညနေ ၆ နာရီ ၅၀ မိနစ်ခန့်က လှုပ်ခတ်ခဲ့သော အဆိုပါ ငလျင်၏ ဗဟိုချက်သည် Mentawai ကျွန်းစုနှင့် ကီလိုမီတာ ရာဂဏန်းခန့်သာ ကွာဝေးပြီး ထိုကျွန်းစုသည် အင်ဒိုနီးရှား၏ အနောက်တောင်ဘက်တွင် ရှိသော ဆူမတြားကျွန်း၏ အနောက်ဘက်တွင် တည်ရှိပါသည်။

ဘင်လာဒင်၏ သေတမ်းစာထဲ၌ ဂျီဟတ်များအတွက် ဒေါ်လာ ၂၉ သန်း ချန်ထားခဲ့

မတ် ၂ ရက်က ထုတ်ပြန်ခဲ့သော အယ်ကေးဒါးခေါင်းဆောင် အိုစမာဘင်လာဒင် ရေးထားသည့် သေတမ်းစာထဲတွင် ဘင်လာဒင်က ဆူဒန်တွင် ၀ှက်ထားသည့် သူ၏ ပိုင်ဆိုင်မှု ဒေါ်လာသန်းပေါင်းများစွာ ရှိကြောင်း နှင့် ယင်းတို့ထဲမှ အများစုကို ဂျီဟတ်များအား ထောက်ပံ့လိုကြောင်း ဖော်ပြထားခဲ့သည်။

ပိတ်မိနေသော ရွှေ့ပြောင်းအခြေချများကို ကိုင်တွယ်နိုင်ရန် ရုန်းကန်နေရသော ဂရိကို ဥရောပသမဂ္ဂက ကူညီရန်စီစဉ်

ဘော်လ်ကန်နိုင်ငံများက ၎င်းတို့၏ နယ်စပ်များအား ထိန်းချုပ်မှုကို တင်းကျပ်လိုက်ပြီးနောက် နယ်စပ်တွင် သောင်တင်နေသည့် ရွှေ့ပြောင်းအခြေချများကို ကိုင်တွယ်နိုင်ရန် ရုန်းကန်နေရသော ဂရိအား အရေးပေါ်အကူအညီများ ပေးမည့်အစီအစဉ်များကို ဥရောပသမဂ္ဂက မတ် ၂ ရက်တွင် ကြေညာခဲ့သည်။ ဒုက္ခသည် ၁၀၀၀၀၀ ခန့် အား ခိုလှုံစရာပေးနိုင်ရန်အတွက် အကူအညီ ယူရိုသန်း ၄၈၀ (ဒေါ်လာသန်း ၅၂၀) ခန့် ပေးရန် ဂရိက တောင်းခံခဲ့သည်။

ဥရောပအကြီးဆုံး လေယာဉ်ထုတ်လုပ်ရေးလုပ်ငန်း အဲဘတ်စ်က တရုတ်တွင် စက်ရုံသစ် စတင်တည်ဆောက်

ဥရောပအကြီးဆုံး လေယာဉ်ထုတ်လုပ်ရေးလုပ်ငန်း အဲဘတ်စ်သည် မတ် ၂ ရက်က တရုတ်တွင် လေယာဉ်စက်ရုံသစ် တည်ဆောက်မှုစတင်ခဲ့ပြီး တရုတ်ဈေးကွက် ဝေစုကို ပြိုင်ဘက် ဘိုးရင်းနှင့် ယှဉ်ပြိုင်ရယူရန် ဆောင်ရွက်ခဲ့သည်။ မြောက်ပိုင်းဆိပ်ကမ်းမြို့ ထျန်ကျင်းတွင် တည်ဆောက်သည့် စက်ရုံသည် အဲဘတ်စ် A330 လေယာဉ်နှစ်စင်း တပ်ဆင်ထုတ်လုပ်မည် ဖြစ်သည်။

အဲဘတ်စ်သည် ထျန်ကျင်းမြို့တွင် A320 လေယာဉ်တပ်ဆင်ရေးစက်ရုံ ရှိထားပြီးဖြစ်ပြီး ယင်းစက်ရုံကို ချဲ့ထွင်ခြင်းဖြစ်သည်။ ကမ္ဘာ့ ဒုတိယအကြီးဆုံးစီးပွားရေး တရုတ်သည် အာရှတွင် လေယာဉ်အများဆုံး ၀ယ်ယူသည့်နိုင်ငံဖြစ်သည်။

ဗီယက်နမ်တွင် နှစ် ၉၀ အတွင်း အဆိုးရွားဆုံး မိုးခေါင်မှုနှင့် ကြုံတွေ့နေရ

ဗီယက်နမ်နိုင်ငံသည် နှစ် ၁၀၀ နီးပါးကာလအတွင်း အဆိုးရွားဆုံး မိုးခေါင်မှုနှင့် မြေဆီလွှာ ဆားဓာတ်လွန်ကဲမှုတို့ကို တွေ့ကြုံနေရသည်ဟု ကျွမ်းကျင်သူများက မတ် ၁ ရက်တွင် ပြောကြားခဲ့သည်။ အထူးသဖြင့် အရေးပါသည့် မဲခေါင်မြစ်ဝှမ်းတောင်ပိုင်းမှ လယ်သမားများက ယင်းဒုက္ခများကို အဆိုးရွားဆုံး ရင်ဆိုင်နေကြရသည်။