International

တရုတ်နှင့် ဟောင်ကောင်တို့သည် ပစ္စည်းအတုများအတွက် ဗဟိုချက်များ ဖြစ်သည်ဟု ယူရိုပို ထုတ်ပြန်

တရုတ်နှင့် ဟောင်ကောင်တို့သည် ကမ္ဘာတစ်ဝန်း ရောင်းချနေသော ပစ္စည်းအတုများအား အများဆုံး ပို့ဆောင်နေသည့် ဗဟိုချက်များဖြစ်ကြောင်း ဥရောပရဲတပ်ဖွဲ့ အေဂျင်စီ (ယူရိုပို) က ဇွန် ၂၂ ရက်တွင် အစီရင်ခံစာ၌ ပြောကြားခဲ့ပြီး ခေတ်မီသော အတုပြုလုပ်သူများအား နှိမ်နင်းမှုသည် ကျယ်ပြန့်လာပြီး ရှုပ်ထွေးလာကြောင်း ဖော်ပြနေခြင်းဖြစ်သည်။ ၂၀၁၅ ခုနှစ်တွင် ကမ္ဘာလုံးဆိုင်ရာ ပစ္စည်းအတုများ၏ ၈၆ ရာခိုင်နှုန်းသည် တရုတ်နှင့် ဟောင်ကောင်တို့မှ ဖြစ်ပြီး ပစ္စည်းအတုများ၏ တန်ဖိုးသည် ဒေါ်လာ ၃၉၆ ဒသမ ၅ ဘီလျံရှိကြောင်း စာမျက်နှာ ၇၄ မျက်နှာပါသော ယင်းအစီရင်ခံစာတွင် ဖော်ပြခဲ့ပြီး ဉာဏပစ္စည်း ခိုးယူမှုသည် အကျိုးအမြတ်အများဆုံး ရာဇ၀တ်မှုတစ်ခု ဖြစ်ကြောင်းလည်း

ကာတာ၏ အိမ်နီးချင်းများက ပဋိပက္ခ အဆုံးသတ်ရန် ရှည်လျားသော တောင်းဆိုချက်စာရင်း ထုတ်ပြန်

ကာတာနိုင်ငံကို အဆက်အသွယ် ဖြတ်တောက်ထားခဲ့သော ဆော်ဒီအာရေဗျနှင့် အခြား အာရပ်နိုင်ငံများက ဇွန် ၂၂ ရက်တွင် ရှည်လျားသော တောင်းဆိုချက်စာရင်းကို ထုတ်ပြန်ခဲ့သည်။ ယင်းတွင် အယ်ဂျားဇီးယား သတင်းဌာနကို ပိတ်ပစ်ရန်၊ အီရန်နှင့် သံတမန် အဆက်အသွယ် ဖြတ်တောက်ရန်နှင့် မွတ်စလင်ဘရားသားဟုဒ်နှင့် အဆက်အသွယ်အားလုံး ဖြတ်တောက်ရန်တို့ ပါဝင်သည်။

အချက် ၁၃ ချက်ပါဝင်သော တောင်းဆိုချက်စာရင်းကို ပဋိပက္ခ စေ့စပ်ညှိနှိုင်းရေးကို ကူညီနေသည့် ကူဝိတ်က ကာတာသို့ တင်ပြခဲ့ခြင်းဖြစ်ပြီး ယင်းနိုင်ငံများက ကာတာနိုင်ငံတွင် တူရကီစစ်တပ် ရှိနေခြင်းကို အဆုံးသတ်ရန်လည်း တောင်းဆိုထားသည်။

ထုတ်ပယ်ခံ ဂျိမ်းကိုမေနှင့် သီးသန့်တွေ့ဆုံ ပြောဆိုမှု မှတ်တမ်းတိပ်ခွေများ မရှိဟု ထရန့် ၀န်ခံ

အိမ်ဖြူတော်ရုံးခန်းတွင် လျှို့ဝှက်မှတ်တမ်း တိပ်ခွေများ ရှိနေသည်ဟု ခန့်မှန်းမှုများ သီတင်းပတ်နှင့်ချီ ထွက်ပေါ်ခဲ့ပြီးနောက် အမေရိကန်သမ္မတ ဒေါ်နယ်ထရန့်က ၎င်းနှင့် ထုတ်ပယ်ခံ အက်ဖ်ဘီအိုင်ညွှန်ကြားရေးမှူး ဂျိမ်းကိုမေတို့အကြား သီးသန့်တွေ့ဆုံ ပြောဆိုမှု အသံသွင်းမှတ်တမ်း တိတ်ခွေများ မရှိကြောင်း ဇွန် ၂၂ ရက်တွင် ၀န်ခံခဲ့သည်။

ယင်းကဲ့သို့ အချိန်နှောင်းမှ ၀န်ခံမှုသည် ၎င်း၏ မဲဆွယ်အဖွဲ့နှင့် ရုရှားတို့အကြား ဖြစ်နိုင်ခြေရှိသော ပူးပေါင်းဆောင်ရွက်မှုအား စုံစမ်းစစ်ဆေးမှုကို ထိန်းချုပ်ရန် ကြိုးစားခဲ့ကြောင်း ထရန့်ကို စွပ်စွဲချက်များအား အားလျော့စေရန် အနည်းငယ်သာ သက်ရောက်မှု ရှိခဲ့သည်။

တရားမ၀င် မူးယစ်ဆေးဝါးဈေးကွက် ကြီးထွားရှင်သန်နေဟု ကုလသမဂ္ဂ ထုတ်ပြန်

ကိုကင်းနှင့် ဘိန်းထုတ်လုပ်မှု မြင့်တက်လာပြီး မူးယစ်ဆေးနှင့် အလားတူဆေးဝါးများက အကြီးအကျယ် ပျက်စီးစေမှုနှင့်အတူ ကမ္ဘာတစ်ဝန်း မူးယစ်ဆေးဝါးဈေးကွက်သည် ကြီးထွားရှင်သန်နေသည်ဟု ကုလသမဂ္ဂ ရာဇ၀တ်မှုနှင့် မူးယစ်ဆေးဝါး အေဂျင်စီ (UNODC) က ဇွန် ၂၂ ရက်တွင် ထုတ်ပြန်ခဲ့သည့် နှစ်ပတ်လည် အကဲဖြတ်မှု အစီရင်ခံစာ၌ ဖော်ပြထားသည်။

ဖိလစ်ပိုင်နိုင်ငံ တောင်ပိုင်းသို့ သြစတြေးလျက သူလျှိုလေယာဉ်များ စေလွှတ်

ဖိလစ်ပိုင်နိုင်ငံ တောင်ပိုင်း၌ အကြမ်းဖက်လုပ်ရပ်များ ဆောင်ရွက်နေသည့် အစ္စလာမ္မစ် စစ်သွေးကြွတို့ကို နှိမ်နင်းရာတွင် သြစတြေးလျက အကူအညီပေးသည့် အနေဖြင့် သြစတြေးလျ၏ သူလျှိုလေယာဉ်များ၏ စစ်ဆင်ရေး စတင်တော့မည်ဖြစ်ကြောင်း သြစတြေးလျအစိုးရအဖွဲ့က ဇွန် ၂၃ ရက်တွင် ထုတ်ပြန်ခဲ့သည်။

မင်ဒါနာအိုပြည်နယ်၊ မာရာဝီမြို့ထဲတွင် IS အဖွဲ့၏ ဆက်စပ်နေသော တိုက်ခိုက်ရေးသမားများနှင့် ဖိလစ်ပိုင်စစ်တပ်တို့ အကြား စစ်ပွဲသည် တစ်လကျော် ကြာမြင့်လာပြီ ဖြစ်သည့်အပြင် သေဆုံးသူဦးရေမှာလည်း ရာနှင့်ချီ များပြားလာပြီဖြစ်သည်။