International

မာဒူရိုနှင့် သူ၏ဖွဲ့စည်းပုံအခြေခံဥပဒေ ပြန်လည်ရေးဆွဲရေးအစီအစဉ်ကို ဗင်နီဇွဲလားပြည်သူ ခုနစ်သန်းကျော်က ကန့်ကွက်မဲပေး

ဗင်နီဇွဲလားအတိုက်အခံများက ပြုလုပ်သော ပြည်လုံးကျွတ် ဆန္ဒခံယူပွဲတွင် ဗင်နီဇွဲလားပြည်သူ ခုနစ်သန်းကျော်က မာဒူရိုနှင့် သူ၏ဖွဲ့စည်းပုံအခြေခံဥပဒေ ပြန်လည်ရေးဆွဲရေး အစီအစဉ်ကို ဇူလိုင် ၁၆ ရက်တွင် ကန့်ကွက်မဲပေးခဲ့ကြပြီး ယင်းအောင်မြင်မှုအား အသုံးပြုလျက် အကြမ်းဖက်ဆန္ဒပြမှုများ လေးလနီးပါးကြာဖြစ်ပွားပြီးချိန်၌ အစိုးရအဖွဲ့ အပြောင်းအလဲလုပ်ရန် တောင်းဆိုနိုင်လိမ့်မည်ဟု မျှော်လင့်ထားသည်။
    

ရာသီဥတုဖောက်ပြန်မှုသည် အာရှအတွက် ကံဆိုးမိုးမှောင်ကျမှုဖြစ်လာလိမ့်မည်ဟု ADB ဘဏ်က သတိပေး

ရာသီဥတုဖောက်ပြန်ပြောင်းလဲခြင်းအတွက် တစ်စုံတစ်ရာ မလုပ်ဆောင်ဘဲ ထူးမခြားနည်းလမ်းဖြင့် ဆက်လက်ချဉ်းကပ်နေခြင်းသည် အာရှတိုက်အတွက် ကံဆိုးမိုးမှောင်ကျမှု တစ်ခု ဖြစ်လာလိမ့်မည်ဖြစ်ပြီး ဒေသ၏စီးပွားရေး ဖွံ့ဖြိုးမှု များကို ပြောင်းပြန်ဖြစ်သွားစေလိမ့်မည်ဟု အာရှဖွံ့ဖြိုးရေးဘဏ် (ADB) က ဇူလိုင် ၁၄ ရက်၌ ထုတ်ပြန်လိုက်သည့် အစီရင်ခံစာတွင် သတိပေးခဲ့သည်။

အိန္ဒိယတွင် တိဘက်ကျောင်းသားတစ်ဦး ကိုယ့်ကိုယ်ကိုယ် မီးရှို့သတ်သေမှု ဖြစ်ပွား

အိန္ဒိယတွင် တိဘက်ကျောင်းသားတစ်ဦးသည် လွတ်လပ်ခွင့်ဟု ဟစ်အော်ခဲ့ပြီးနောက် ကိုယ့်ကိုယ်ကိုယ် မီးရှို့သတ်သေခဲ့ရာ  ဒဏ်ရာပြင်းပြင်းထန်ထန် ရရှိခဲ့သည်ဟု ရဲတပ်ဖွဲ့က ဇူလိုင် ၁၅ ရက်တွင် ထုတ်ပြန်ခဲ့သည်။

ဥရုဂွေးရှိ ဆေးဆိုင်များ၌ လာမည့် သီတင်းပတ်အတွင်း ဆေးခြောက် စတင်ရောင်းချမည်

ဥရုဂွေးနိုင်ငံသည် ဆေးဆိုင်များအား လာမည့်ဗုဒ္ဓဟူးနေ့တွင် ဆေးခြောက်များ စတင်ရောင်းချရန်  ခွင့်ပြုမည်ဖြစ်ကြောင်း သိရသည်။ ဥပဒေပြုမှု နောက်ဆုံးအဆင့်က တောင်အမေရိက နိုင်ငံငယ်ကလေးအား ကမ္ဘာပေါ်တွင် ဆေးခြောက် ထုတ်လုပ်ရောင်းချမှုကို ပထမဆုံး ဥပဒေပြုကာ ကြီးကြပ်သည့်နိုင်ငံ ဖြစ်လာစေသည်။

၂၀၁၃ ခုနှစ်တွင် အတည်ပြုခဲ့သည့် ဥပဒေအရ ဥရုဂွေးနိုင်ငံသားများ အနေဖြင့် ဆေးခြောက်ကို ကိုယ်တိုင်စိုက်ပျိုးခွင့်နှင့် ကလပ်များ၌ သောက်သုံးခွင့် ရရှိခဲ့သည်။

မက်ခရွန်နှင့် ထရန့်တို့ ပြင်သစ်နိုင်ငံ၏ ဘက်စတီးနေ့အထိမ်းအမှတ် ဆင်နွှဲ

ပြင်သစ်သမ္မတ အီမန်နျူယယ်မက်ခရွန်နှင့် အမေရိကန်သမ္မတ ဒေါ်နယ်ထရန့်တို့သည် ဇူလိုင် ၁၄ ရက်၌ ပြင်သစ်နိုင်ငံ၏ အမျိုးသားနေ့အထိမ်းအမှတ် စစ်ရေးပြအခမ်းအနားတစ်ရပ်သို့ အတူတကွ တက်ရောက်ခဲ့ကြောင်း သိရသည်။ ယင်းသည် အမေရိကန်သမ္မတအား နှစ်ထောင်းအားရဖြစ်စေပြီး နှစ်နိုင်ငံခေါင်းဆောင်များအကြား နွေးထွေးသောဆက်ဆံရေးကို ပြသရာရောက်ခဲ့သည်။