International

တောင်ကိုရီးယား သမ္မတဟောင်း ပက်ကွမ်ဟီးအား ခြစားမှုဖြင့် စွဲချက်တင်

ရာထူးမှ ဖြုတ်ချခံထားရသော တောင်ကိုရီးယားသမ္မတ ပက်ကွမ်ဟီးအား ဒေါ်လာသန်းပေါင်းများစွာ လာဘ်ပေးလာဘ်ယူမှု အရှုပ်တော်ပုံအတွက် ခြစားမှုဖြင့် စွဲချက်တင်ခဲ့ကြောင်း အစိုးရရှေ့နေများက ဧပြီ ၁၇ ရက်တွင် ပြောကြားခဲ့သည်။

ခြစားမှု အရှုပ်တော်ပုံကြောင် ရာထူးမှ ဖြုတ်ချခံခဲရသည့် ပက်သည် အာဏာအလွဲသုံးစားပြုမှုနှင့် နိုင်ငံတော် လျှို့ဝှက်ချက်များ ပေါက်ကြားစေမှုတို့ဖြင့်လည်း စွဲချက်များ ရင်ဆိုင်နေရသည်။

အာဖဂန်နစ္စတန်တွင် အမေရိကန်က ဧရာမဗုံး ကြဲချခဲ့မှုကြောင့် IS တို့ ၁၁၀ ကျော်အထိ သေဆုံးခဲ့

အမေရိကန်စစ်တပ်၏ နျူကလီးယား မဟုတ်သော ဗုံးများတွင် အကြီးဆုံးဖြစ်သည့် “ဗုံးတကာတို့၏ မိခင်ဗုံး” ကို အာဖဂန်နစ္စတန် အရှေ့ပိုင်းတွင် ဧပြီ ၁၄ ရက်က ကြဲချခဲ့ရာ IS အကြမ်းဖက်သမားတို့ ၁၁၂ ဦးအထိ သေဆုံးခဲ့ကြောင်း အာဖဂန်နစ္စတန် အာဏာပိုင်များက ဧပြီ ၁၆ ရက်၌ ပြောကြားခဲ့သည်။

အာဖဂန်နစ္စတန် နန်ဂါဟာပြည်နယ်ရှိ IS တို့၏ ခြေကုပ်နေရာများအား အမေရိကန် ဦးဆောင်သော ညွှန့်ပေါင်းတို့က ရှင်းလင်းမှု စစ်ဆင်ရေးများအတွင်း GBU – 43/B Massive Ordance Air Blast ဗုံးကို အမေရိကန်က ပထမဆုံးအကြိမ် ကြဲချခဲ့ခြင်းဖြစ်သည်။

ဘေးလွတ်ရာသို့ ရွှေ့ပြောင်းလာသည့် ဆီးရီးယားများ လိုက်ပါလာသော ဘတ်စ်ကားယာဉ်တန်း ဗုံးခွဲတိုက်ခိုက်ခံရရာ ၄၃ ဦး သေဆုံး

ဆီးရီးယားတွင် ၀န်းရံပိတ်ဆို့ခံထားရသော အစိုးရထိန်းချုပ်ထားသည့် ဒေသများမှ ကယ်ထုတ်လာသူတို့ကို သယ်ဆောင်လာသည့် ဘတ်စ်ကားများသည် ဧပြီ ၁၅ ရက်က အသေခံကားဗုံးခွဲ တိုက်ခိုက်ခံခဲ့ရာ လူ ၄၃ ဦး သေဆုံးခဲ့ကြောင်း သိရသည်။ အမေရိကန်က ကျောထောက်နောက်ခံပေးထားသော တိုက်ခိုက်ရေး သမားများသည် IS တို့ ခြေကုပ်ယူရာ ရာကာမြို့သို့ စစ်ဆင်ရေးဆင်နွှဲနေကြစဉ် ယခုဖြစ်စဉ်ပေါ်ပေါက်ခဲ့ခြင်း ဖြစ်သည်။

တရုတ်၌ ဆေးလိပ်သောက်သုံးမှုကြောင့် ယခုရာစုနှစ်တွင် လူသန်း ၂၀၀ အထိ သေဆုံးနိုင်

တရုတ်တွင် ယခုရာစုနှစ်၌ ဆေးလိပ်နှင့် ဆက်နွှယ်သော ရောဂါများကြောင့် လူသန်း ၂၀၀ အထိသေဆုံးပြီး လူသန်းပေါင်းများစွာ ဆင်းရဲမွဲတေသွားနိုင်ကြောင်း ကမ္ဘာ့ကျန်းမာရေးအဖွဲ့နှင့် ကုလသမဂ္ဂဖွံ့ဖြိုးရေး အစီအစဉ်တို့က ထုတ်ပြန်သည့် အစီရင်ခံစာတွင် ဖော်ပြခဲ့သည်။

တရုတ်သည် ကမ္ဘာတွင် ဆေးလိပ်အများဆုံး ထုတ်လုပ်ပြီး ဆေးလိပ်သောက်သုံးသူအများဆုံး နိုင်ငံလည်း ဖြစ်သည်။ ဆေးလိပ်နှင့် ဆက်နွှယ်သော လုပ်ငန်းများက တရုတ်အစိုးရကို ၀င်ငွေအမြောက်အမြား ရရှိစေသည်။

သီရိလင်္ကာတွင် အမှိုက်ပုံပြိုကျမှုကြောင့် သေဆုံးသူ ၂၁ ဦးအထိရှိလာ

သီရိလင်္ကာမြို့တော် ကိုလံဘို၏ အရှေ့မြောက်ဘက်အစွန်ရှိ ကိုလွန်နာဝါတွင် ဧရာမအမှိုက်ပုံကြီး ပြိုကျမှုကြောင့် ၂၁ ဦးထက်မနည်း သေဆုံးခဲ့ကြောင်း တာဝန်ရှိသူများက ပြောကြားခဲ့သည်။

၉၁ မီတာ (ပေ ၃၀၀) အမြင့်ရှိသော အမှိုက်ပုံကြီးသည် ဧပြီ ၁၄ ရက်က ပြိုကျမှုကြောင့် အနီးနားရှိ နေအိမ်များ အမှိုက်ပိခဲ့ကြပြီး သေဆုံးသူများထဲတွင် ကလေးလေးဦး ပါဝင်ကြောင်း ကိုလံဘိုအမျိုးသား ဆေးရုံကြီး၏ ပြောခွင့်ရပုဂ္ဂိုလ် ပူရှပါဆိုဆာက ပြောကြားခဲ့သည်။