Local

ချင်းပြည်နယ် ဖလမ်းမြို့တွင် ဒုတိယအကြိမ် မြေပြိုမှု ဖြစ်ပွား

ချင်ပြည်နယ် ဖလမ်းမြို့တွင် ဇူလိုင် ၂၀ ရက် နံနက် ၃ နာရီခွဲခန့်က မြေပြိုမှုတစ်ခု ဖြစ်ပွားခဲ့ကြောင်း သတင်းရရှိသည်။

ဖလမ်းမြို့ ဗိုလ်ချုပ်လမ်း ကျင်မွာလ်ရပ်ကွက်ရှိ မိသားစုကိုးဦး နေထိုင်သော ဦးကပ်ရူလ်ပါ၏ နေအိမ်၏ အနောက်ဘက်ထောင့်ရှိ မြေကြီးများသည် အနည်းငယ်ပြိုကျမှု ဖြစ်ပွားခဲ့ပြီး နေအိမ်ထောင့်အနည်းငယ် ပျက်စီးခဲ့သည်ဟု သိရသည်။

ကရင်ပြည်နယ်အတွင်း မိုးအဆက်မပြတ်ရွာသွန်းခြင်းကြောင့် လှိုင်းဘွဲမြို့နယ် ရွှေဂွန်းကျေးရွာမှ အိမ်ထောင်စု ၄၉ စု၊ လူဦးရေ ၂၄၀ အား ရေဘေးလွတ်ရာ ကယ်ဆယ်ရေးစခန်းသို့ ရွှေ့ပြောင်း

ကရင်ပြည်နယ်အတွင်း မိုးအဆက်မပြတ် ရွာသွန်းခြင်းကြောင့် တောင်ကျချောင်းရေများဖြင့် သံလွင်မြစ်ရေမြင့်တက်လာခဲ့ကာ လှိုင်းဘွဲမြို့နယ် ရွှေဂွန်းကျေးရွာရှိ အနိမ့်ပိုင်းရပ်ကွက်များမှ လူနေအိမ်များကို ပြောင်းရွှေ့နေရာချထားရာ ဇူလိုင် ၂၀ ရက်အထိ  အိမ်ထောင်စု ၄၉ စု၊ လူဦးရေ ကျား ၁၁၃ ဦး၊ မ ၁၂၇ ဦး၊ စုစုပေါင်းလူဦးရေ ၂၄၀ ကို ရေဘေးလွတ်ရာကယ်ဆယ်ရေးစခန်းသို့ နေရာချထားပေးထားကြောင်း သိရသည်။

ရေတာရှည်မြို့နယ် ရေနီမြို့ အာဇာနည်နေ့ အခမ်းအနားတွင် အုန်းနို့ခေါက်ဆွဲစားမိသော ဘော်ဒါဆောင်ကျောင်းသား ၂၄ ဦး အရေးပေါ် ဆေးကုသမှုခံယူခဲ့ရ

ပဲခူးတိုင်းဒေသကြီး ရေတာရှည်မြို့နယ် ရေနီမြို့တွင် ဇူလိုင် ၁၉ ရက် နံနက်ပိုင်းက ရေနီကျေးရွာအုပ်စု အုပ်ချုပ်ရေးမှူးရုံးရှေ့တွင် ကျင်းပသော အာဇာနည်နေ့ အခမ်းအနားတွင် အုန်းနို့ခေါက်ဆွဲစားမိသော ဘော်ဒါဆောင်ကျောင်းသား ၂၄ ဦး ၀မ်းပျက်ဝမ်းလျှော ဖြစ်ပွားသဖြင့် ရေနီဆေးရုံတွင် အရေးပေါ် ဆေးကုသမှုခံယူခဲ့ရပြီး ကိုးဦးမှာ ဆေးရုံတက်ကုသခဲ့ရကြောင်း သိရသည်။

အောင်လံမြို့မဈေးကြီးရှိ စားသောက်ကုန်များနှင့် ဆေးဆိုင်များကို စားသုံးသူရေးရာဌာနနှင့်သရက်ခရိုင် FDA မှတာဝန်ရှိသူများ စစ်ဆေး

အောင်လံမြို့မဈေးကြီးရှိ စားသောက်များနှင့် ဆေးဆိုင်များကို စားသုံးသူရေးရာဌာနနှင့် သရက်ခရိုင် FDA မှတာဝန်ရှိသူများ ဇူလိုင်၂၀ ရက်က စစ်ဆေးမှုများပြုလုပ်ခဲ့ပြီး ဒေသထုတ်မုန့်အချို့တွင် မြန်မာစာမပါခြင်း ရက်စွဲမပါခြင်းများတွေ့ရှိခဲ့ကာ သတိပေးမှုများ ပြုလုပ်ခဲ့ကြောင်း သိရသည်။

ချင်းတွင်းမြစ်ရေ ကျဆင်းပြီးနောက် မြစ်ကမ်းနံဘေးရှိ မြို့နယ်၊ ကျေးရွာအချို့တွင် ကမ်းပါးပြိုမှု ဆက်တိုက်နီးပါးဖြစ်ပွား

ချင်းတွင်းမြစ်ရေ ကျဆင်းပြီးနောက် မြစ်ကမ်းနံဘေးရှိ ခန္တီးမြို့ မြစ်ကမ်းပါးနှင့် ဖောင်းပြင်မြို့နယ် ပိုးစာကုန်းကျေးရွာတို့တွင် ကမ်းပါးပြိုမှု ဆက်တိုက်ဖြစ်ပွားနေသည်ဟု ဒေသခံများက ပြောကြားသည်။