Local

(၃) ကြိမ်မြောက် ကျပ် ၅၀၀ တန် အောင်ဘာလေထီ ရောင်းရငွေ ကျပ် ၁၅ ဘီလျံခန့်ရှိပြီး (၃) ကြိမ်အတွင်း ထီရောင်းရငွေပေါင်း ကျပ်ဘီလျံ ၄၀ ကျော်ရှိ

(၃) ကြိမ်မြောက် ကျပ် ၅၀၀ တန်အောင်ဘာလေထီ စုစုပေါင်းရောင်းရငွေမှာ ကျပ်သန်းပေါင်း ၁၄၇၂၇ ဒသမ ၂၄ (ကျပ် ၁၅ ဘီလျံခန့်) ရှိကြောင်း သိရသည်။ (၃) ကြိမ်မြောက် အောင်ဘာလေထီမှာ ဇွန် ၁ ရက်တွင် ဖွင့်လှစ်မည်ဖြစ်ပြီး ရောင်းရငွေ၏ ရာခိုင်နှုန်း ၆၀ ဖြစ်သော ကျပ်သန်းပေါင်း ၈၈၃၆ ဒသမ ၃၃၄ (ကျပ်ရှစ်ဘီလျံကျော်) ထီဆုငွေအဖြစ် ဖွင့်လှစ်ပေးအပ်မည်ဖြစ်ကြောင်း အောင်ဘာလေ သိန်းဆုဌာနခွဲမှ သတင်းရရှိသည်။

ရေရှည်တည်တံ့စေမည့် ကမ်းရိုးတန်း ငါးလုပ်ငန်းစီမံကိန်းကို ရခိုင်ပြည်နယ်နှင့် တနင်္သာရီတို့တွင် အကောင်အထည်ဖော်မည်

ရေရှည်တည်တံ့စေမည့် ကမ်းရိုးတန်း ငါးလုပ်ငန်းစီမံကိန်းကို ရခိုင်ပြည်နယ်နှင့် တနင်္သာရီတို့တွင် အကောင်အထည်ဖော်မည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ သိရသည်။

ဒိန်းမတ်အစိုးရ၏ ထောက်ပံ့မှုဖြင့် ဒိန်းမတ်-မြန်မာ ရေရှည်တည်တံ့စေမည့် ကမ်းရိုးတန်း ငါးလုပ်ငန်းစီမံကိန်းကို အကောင်အထည်ဖော် ဆောင်ရွက်ရန်အတွက် မြန်မာနိုင်ငံဆိုင်ရာ ဒိန်းမတ်သံရုံးနှင့် ငါးလုပ်ငန်းဦးစီးဌာနတို့အကြား စီမံခန့်ခွဲမှု သဘောတူချက်ကို ယခင်နှစ်ကတည်းက ရေးထိုးခဲ့ပြီး စီမံကိန်းလုပ်ငန်းစဉ်များ ထိရောက်စွာ အအကောင်အထည်ဖော်ရေးအတွက် ဦးဆောင်ကော်မတီတစ်ရပ် ဖွဲ့စည်းခဲ့ကြောင်း သိရသည်။

နှစ်စဉ် သောက်သုံးရေ ရှားပါးလေ့ရှိသည့် ဘိုကလေးမြို့နယ် ချောင်းဗြဲကြီးကျေးရွာတွင် Eleven Media Group နှင့်စေတနာရှင် အလှူရှင်များ လှူဒါန်းသော မြေသားမိုးရေလှောင်ကန် တူးဖော်ပြီးစီး

နှစ်စဉ် သောက်သုံးရေ ရှားပါးလေ့ရှိသည့် ဘိုကလေးမြို့နယ် ချောင်းဗြဲကြီးကျေးရွာတွင် Eleven Media Group နှင့်စေတနာရှင် အလှူရှင်များ လှူဒါန်းသော ပေ ၁၀၀ ပတ်လည်ရှိ မြေသားမိုးရေလှောင်ကန် တူးဖော်လှူဒါန်းမှု ပြီးစီးခဲ့ပြီဖြစ်၍ ယခုနှစ်မိုးရာသီတွင် သောက်သုံးရေချိုများ စတင်သိုလှောင်ထားနိုင်တော့မည် ဖြစ်ကြောင်း သတင်းရရှိသည်။

လီဆူတိုင်းရင်းသားများ အသတ်ခံရမှုတွင် နှစ်ဦးကိုသာ အမှုဖွင့်ထားကြောင်း ပြည်နယ်ရဲမှူးကြီး ပြောကြား

ကချင်ပြည်နယ်အတွင်း လီဆူတိုင်းရင်းသားများ အသတ်ခံရမှု နှစ်ဦးကိုသာ အမှုဖွင့်ထားကြောင်း ပြည်နယ်ရဲတပ်ဖွဲ့ရုံးမှ ပြည်နယ်ရဲမှူးကြီးက ပြောကြားသည်။

လီဆူတိုင်းရင်းသား ခေါင်းဆောင်းများက ၂၀၁၆ ခုနှစ်နှင့် ၂၀၁၇ ခုနှစ်များတွင် လီဆူတိုင်းရင်းသားခြောက်ဦး အသတ်ခံရနှင့် ပတ်သက်ပြီး ကချင်ပြည်နယ် ရဲတပ်ဖွဲ့ရုံးရဲမှုးကြီး ထွန်းဦးအား တွေ့ဆုံမေးမြန်စဉ် ဆဒုံးဒေသမှတစ်ဦးနှင့် ၂၀၁၇ ခုနှစ် ဧပြီလအတွင်း မြစ်ကြီးနားမြို့နယ်တွင် ဖြစ်ပွားခဲ့သော နှစ်ဦးကိုသာ အမှုဖွင့်ထားကြောင်း ဖြေကြားခဲ့ခြင်းဖြစ်သည်။

တိုက်ပွဲများ ဖြစ်ပွားနေမှုကြောင့် ဒေသခံအချို့ နမ္မတူမြို့ပေါ်သို့ ထပ်မံရောက်ရှိလာပြီး မြို့ပေါ်ရှိ စစ်ဘေးရှောင်စခန်းလေးခုတွင် စစ်ဘေးဒုက္ခသည် ၈၀၀ နီးပါးရှိလာ

ရှမ်းပြည်နယ်မြောက်ပိုင်း နမ္မတူမြို့အနီး ပန်ဝိုးကျေးရွာဘက်တွင် မေ ၂၆ ရက်ညနေပိုင်းက တိုက်ပွဲများဖြစ်ပွားမှုကြောင့် အဆိုပါ ကျေးရွာအနီးရှိ ဒေသခံများ နမ္မတူမြို့ပေါ်သို့ ထွက်ပြေးတိမ်းရှောင်လာကြောင်း သိရသည်။