မြ၀တီမြို့တွင်​ H1N1 သံသယလူနာတစ်ဦး ထပ်​မံ​တွေ့ရှိ

မြန်​မာ-ထိုင်းနယ်​စပ်​ မြ၀တီမြို့တွင် H1N1 ကိုယ်​၀န်​​ဆောင်​ သံသယလူနာတစ်ဦး ထပ်​မံ​တွေ့ရှိ၍ နှာ​ခေါင်းတို့ဖတ်​များကို ရန်​ကုန်အမျိုးသား ဓာတ်​ခွဲဌာန NHL သို့ ​​ပေးပို့ထား​ကြောင်း သိရသည်​။

ကရင်​ပြည်​နယ်​ မြ၀တီမြို့ အမှတ်​ ( ၃) ရပ်​ကွက်​၊ ကရင်​စာ​​ပေရုံး အနီးတွင် ကိုယ်ဝန်ဆောင် လူနာတစ်​ဦး သံသယလူနာအဖြစ် ထပ်မံတွေ့ရှိခဲ့သဖြင့် ၎င်းလူနာ၏ နှာခေါင်းနှင့် အာခံတွင်း အရည်များကို  NHL အမျိုးသား ဓာတ်ခွဲဌာနသို့ ထပ်မံပေးပို့ထားပြီး အဖြေမရသေးကြောင်းနှင့် အဆိုပါ လူနာအား ဆေးရုံကြီးတွင် ဆေးကုသမှုများ ဆောင်ရွက်ပေးလျက်ရှိကာ ပြည်​သူများ အ​နေဖြင့်​ စိုးရိမ်​မှု လွန်​ကဲရန်​မလိုဘဲ ကျန်းမာ​ရေးဌာနမှ လမ်းညွှန်​ချက်​များကို လိုက်​နာ​နေထိုင်​ကြဖို့ လိုအပ်ေ​ကြာင်း မြ၀တီခရိုင်​​ဆေးရုံကြီး ​ဒေါက်​တာ သီတာစိုးက ​ပြောကြားသည်။

ကရင်​ပြည်​နယ်​ မြ၀တီမြို့​ သောင်​ရင်းခန်းမ၌ သြဂုတ်​ ၁၉ ရက်​ မွန်းလွဲ ၂ နာရီခန့်က ပြုလုပ်​သည့်​ ပြည်​သူလူထုနှင့်​​ တွေ့ဆုံပြီး ကျန်းမာ​ရေး အသိပညာ​ပေး ​ဆွေး​နွေးပွဲတွင်​​ ပြောကြားခဲ့ခြင်းဖြစ်သည်​။

မြ၀တီမြို့တွင် သြဂုတ်​ ၁၄ ရက်​​က H1N1 သံသယလူနာ သုံးဦး တွေ့ရှိခဲ့ပြီး အမျိုးသားဓာတ်ခွဲဌာန၏ ပြန်ကြားချက်အရ နှစ်​ဦးမှာ H1N1 Positive ဟု အ​ဖြေရရှိခဲ့ပြီး မြ၀တီဆေးရုံကြီးတွင် လိုအပ်သည့် ဆေးဝါးကုသမှုများ ဆောင်ရွက်ပေးလျက်ရှိရာ လူနာနှစ်ဦးစလုံး စိုးရိမ်စရာ မရှိဘဲ အခြေအနေ ကောင်းမွန်နေသည်။

ကဆုန်းဒေသမှ စစ်ဘေးဒုက္ခသည်များအား ကူညီရန်လာသည့် ဖားကန့် ကချင်အမျိုးသား လူမှုဖွံ့ဖြိုးရေး အဖွဲ့မှ လိုင်စင်မဲ့ ယာဉ်လေးစီးကို အမှုဖွင့်ထားပြီး ကာမိုင်းရဲစခန်း၌ လူစုလူဝေးဖြင့် ပဋိပက္ခအသွင် ဖြစ်ပေါ်ခဲ့

ကဆုန်းဒေသမှ စစ်ဘေးဒုက္ခသည်များကို ကူညီရန် လာသည့် ဖားကန့်မြို့မှ ကချင်အမျိုးသား လူမှုဖွံ့ဖြိုးရေးအဖွဲ့မှ လိုင်စင်မဲ့ ယာဉ်လေးစီးကို သွင်းကုန်ပို့ကုန် ဥပဒေပုဒ်မ (၈) ဖြင့် အမှုဖွင့်ထားပြီး သြဂုတ် ၁၉ ရက်တွင် ကာမိုင်းရဲစခန်းအနီးတွင် လူစုလူဝေးဖြင့် ပဋိပက္ခအသွင် ဖြစ်ပေါ်ခဲ့ကြောင်း သတင်းရရှိသည်။

ကချင်အမျိုးသား လူမှုဖွံ့ဖြိုးရေးအဖွဲ့မှ ဦးနော်လောန်က “မနက် ၁၁ နာရီကတော့ အမျိုးသမီးတွေနဲ့ ရဲတပ်ဖွဲ့တွေ အဓိကရုဏ်း ဖြစ်ကြတယ်။ ပုတ်လား၊ ရိုက်လား ဖြစ်သွားတာ။ အမျိုးသမီးသမီးတစ်ဦးက ကာမိုင်းဆေးရုံ ပို့လိုက်ရတယ်။ ဒီမှာလည်း လူတွေက တစ်ရာကျော်၊ နှစ်ရာလောက် ဖြစ်နေတယ်။ ဦးယော်ထုံနဲ့ လဘန်ရှိန် နှစ်ဦးကို ရဲက ခေါ်သွားတယ်။ အခြေအနေက လူစုလူဝေး ဖြစ်နေတယ်။ အားလုံးကလည်း ဒီကိစ္စ မတရားဘူး ထင်နေကြတာလေ။ အခုတော့ ရဲတွေက စခန်းကုန်းမှာ ထမင်းစားနေကြတယ်။ ကျွန်တော်တို့ လူအုပ်ကြီးက အောက်ဘက်မှာပါ။ လိုင်စင်မဲ့ကား ဖမ်းရင်လည်း အားလုံးဖမ်းကြပေါ့။ ဒီလို ကွက်ပြီးဖမ်းတာ မလိုချင်ဘူးဆိုပြီး လူတွေက မကျေနပ်ဘူးလေ။ ကျွန်တော်တို့ကတော့ တပ်က အဆင့်ဆင့်ညွှန်ကြားပြီး ဖမ်းတယ်လို့ သိရတယ်။ အခု စခန်းကလူတွေ စီးနေတဲ့ကားလည်း Without တွေပဲလေ” ဟု ပြောကြားသည်။

အဆိုပါဖြစ်စဉ်နှင့် ပတ်သက်၍ ကချင်ပြည်နယ် ရဲတပ်ဖွဲ့သို့ ဆက်သွယ်မေးမြန်းရာ သြဂုတ် ၁၈ ရက်က ယင်းဂိတ်တွင် လိုင်စင်မဲ့ကား ရှစ်စီးကို ဖမ်းဆီးအမှုဖွင့်ထားကြောင်း၊ ကာမိုင်းရဲစခန်း အနီးတွင် လူစုလူဝေးဖြင့် ဆူပူမှု ဖြစ်နေသဖြင့် ရဲတပ်ဖွဲ့အင်အားကိုလည်း တိုးမြှင့်ချထားကြောင်း ပြည်နယ်ရဲမှူးကြီးက ပြောကြားသည်။

ကချင်ပြည်နယ်မှ ရဲမှူးကြီးထွန်းဦးက “မနက်ပိုင်းက လူစုလူဝေးနဲ့ ဆူပူမှုဖြစ်လို့ ရဲတပ်ဖွဲ့အင်အားကိုလည်း တိုးမြှင့်ထားပါတယ်။ သူတို့ပါလာတဲ့ ယာဉ်ရှစ်စီးထဲက လေးစီးက တရားမ၀င်မို့ သြဂုတ် ၁၈ ရက်က ပို့ကုန်သွင်းကုန် ဥပဒေပုဒ်မ (၈) နဲ့ အရေးယူထားပါတယ်။ သိမ်းလို့တော့ မရသေးပါဘူး။ တစ်ဦးကိုလည်း ဖမ်းထားပါတယ်။ ဖမ်းတာက ကွက်ပြီးဖမ်းတာ မဟုတ်ပါဘူး။ မိုးမောက်မှာ ဆိုင်ကယ်နဲ့ မိုင်းခွဲ လုပ်ကြံမှု ပြီးကတည်းက လုံခြုံရေး အစည်းအဝေးမှာ တရားမ၀င်ကားတွေကိုလည်း ဖောက်ခွဲမှုမှာ အသုံးပြုလာနိုင်လို့ ပညာပေး ကာလအဖြစ် သြဂုတ် ၁၆ ရက်အထိ ဂိတ်တွေမှာ ကြေညာထားပါတယ်။ ဖားကန့်က အဖွဲ့တွေကို ဖမ်းတာက သြဂုတ် ၁၇ ရက်မှာပါ။ အားလုံး လိုင်စင်မဲ့ကား ရှစ်စီး ဖမ်းထားပါတယ်။ နန့်စီးအောင်၊ ဗန်းမော်၊ ရွှေကူဂိတ်တွေမှာက ပညာပေးကာလ မရှိပါဘူး။ အရင်ကတည်းက ဖမ်းနေပါပြီ။ အခု ပြည်နယ်အစိုးရရုံးမှာ စည်းဝေးပြီး ပညာပေးကာလကို သြဂုတ်လကုန်အထိ ပြန်သတ်မှတ်ထားပါတယ်။ အခု ကာမိုင်းစခန်းမှာ အမှုဖွင့်ထားတာက ပြန်ဖြုတ်လို့ မရပါဘူး” ဟု ပြောကြားသည်။

လှူဒါန်းရန်ပါဝင်သည့် ပစ္စည်းများ ပို့ဆောင်ရန်အတွက်လည်း ကားများ အဆင်သင့် လုပ်ပေးထားပြီး အဓိကရုဏ်း ဖြစ်လာပါက ဥပဒေအရ အရေးယူမှုများ ပြုလုပ်သွားမည် ဖြစ်ကြောင်း ၎င်းက ပြောကြားသည်။

ပို့ကုန်သွင်းကုန် ဥပဒေပုဒ်မ (၈) သည် သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်သော ပုဒ်မဖြစ်ပြီး အာမခံ မရကြောင်း သိရသည်။

ယင်းအဖွဲ့၏ အခက်အခဲများကို ပြည်နယ်အစိုးရနှင့် တိုင်ပင်ပြီး ကူညီနေသည့် ငြိမ်းချမ်းရေး အကျိုးဆောင်အဖွဲ့က ပြည်နယ်အစိုးရနှင့် ဆွေးနွေးထားပြီး မည်ကဲ့သို့ ဆောင်ရွက်ကြမည်ကို မသိရသေးကြောင်း ပြောကြားသည်။

ကချင်အမျိုးသား လူမှုဖွံ့ဖြိုးရေး အဖွဲ့က သြဂုတ် ၁၇ ရက် နံနက်ပိုင်းတွင် ပါဂျဲရိုးယာဉ် ရှစ်စီးဖြင့် လူ ၃၀ ကျော်နှင့် ကူညီရန် ပစ္စည်းများ တင်ဆောင်ပြီး ထွက်လာစဉ် ကာမိုး-လ၀ါး စုပေါင်းဂိတ်တွင် ဖမ်းဆီးခံရခြင်းဖြစ်ကြောင်း သိရသည်။

ကဆုန်းဒေသမှ စစ်ရှောင်သူများသည် သြဂုတ် ၁၁ ရက်တွင် တပ်မတော်နှင့် ကေအိုင်အေတို့ ပစ်ခတ်မှုများကြောင့် နမ္မတီးမြို့ လမ်းခွကျေးရွာ နှစ်ခြင်းခရစ်ယာန် ဘုရားကျောင်းတွင် ၅၉၃ ဦး၊ ရိုမန်ကစ်သလစ် ဘုရားကျောင်းတွင် ၅၅၂ ဦးရှိပြီး စုစုပေါင်း ၁၀၄၇ ဦးရှိကြောင်း၊ ကျောင်းသားကျောင်းသူ ၃၂၅ ဦး ပါဝင်ကြောင်း သိရသည်။

နိုင်ငံတကာ အဖွဲ့အစည်းများ အနေဖြင့် ရခိုင်ပြည်နယ် အတွင်းသို့ ၀င်ရောက်လာမည် ဆိုပါက ပြည်နယ်အစိုးရအဖွဲ့၏ သဘောတူညီချက် ရယူပြီးမှသာ MoU ရေးထိုးရမည်

နိုင်ငံတကာ အဖွဲ့အစည်းများဖြစ်သော INGO၊ NGO များ အနေဖြင့် ရခိုင်ပြည်နယ် အတွင်းသို့ ၀င်ရောက်လာမည် ဆိုပါက ပြည်နယ်အစိုးရအဖွဲ့၏ သဘောတူညီချက် ရယူပြီးမှသာ MoU ရေးထိုးရမည်ဖြစ်ကြောင်း၊ ကောင်းကျိုးမပေးသည့် INGO များအား ၀င်ခွင့်ပေးမည် မဟုတ်ကြောင်း ရခိုင်ပြည်နယ် အစိုးရအဖွဲ့ စိုက်ပျိုးရေး၊ မွေးမြူရေးနှင့် သတ္တုတွင်းဝန်ကြီး ဦးကျော်လွင်က ပြောကြားသည်။

သြဂုတ် ၁၉ ရက်က စစ်တွေဟိုတယ်၌ ပြုလုပ်သော ပြည်နယ်အစိုးရ၊ လူထုအခြေပြု အဖွဲ့အစည်းများနှင့် သတင်းမီဒီယာတို့၏ နှီးနှောဖလှယ်ပွဲအပြီးတွင် ထိုသို့ပြောကြားခဲ့ခြင်းဖြစ်ပြီး အချို့သော INGO၊ NGO များ အနေဖြင့် ဘက်လိုက်လုပ်ဆောင်၍ ခွဲခြားဆက်ဆံနေမှုများကို တွေ့ရှိနေရကြောင်း ၀န်ကြီးက ပြောကြားသည်။

“ပြည်ထောင်စု အစိုးရနဲ့ MoU ထိုးတဲ့ INGO၊ NGO တွေအနေနဲ့ ကျွန်တော်တို့ ရခိုင်ပြည်နယ် အစိုးရအဖွဲ့ရဲ့ သဘောတူညီချက်ကို နောက်ပိုင်းဆိုရင် ယူရပါလိမ့်မယ်။ နောက်ပြီးတော့ သူတို့ရဲ့ Mandate တွေ၊ MoU တွေ၊ Plan  အသေးစိတ်ကိုလည်း ကျွန်တော်တို့ ရခိုင်ပြည်နယ်ကို လာလို့ရှိရင် ပြကိုပြရပါလိမ့်မယ်။ ပြပြီးမှ ကျွန်တော်တို့က ခွင့်ပြုသင့်တယ်လို့ ယူဆရင် ဥပဒေနဲ့အညီ ခွင့်ပြုမယ်။ ခွင့်မပြုသင့်တဲ့ အဖွဲ့တွေကိုတော့ ပြည်ထောင်စု အစိုးရနဲ့ ကျွန်တော်တို့ ပြန်လည်ညှိနှိုင်း ဆွေးနွေးပါမယ်။ ပြီးတော့ မြေပြင်မှာ ပေးနေတာတွေ အကုန်လုံးကတော့ တိုင်းရင်းသား လူမျိုးတွေထက် တစ်ဖက်အဖွဲ့အစည်းကို ပိုပြီးပေးနေတာကို တွေ့နေရပါတယ်။ မျှတမှုတော့ ဒီနေ့အခြေနေမှာ ရှိတယ်လို့ ပြောလို့ မရဘူး။ ပြီးတော့ သူတို့ကို Action ယူဖို့ဆိုတာထက် ပြည်နယ်စုအစိုးရနဲ့ MoU ရေးထိုးထားလို့ ရှိရင်တော့ အခုနက ကျွန်တော် ပြောသလိုပါပဲ။ ပြည်နယ်အစိုးရနဲ့ ပူးပေါင်းဆောင်ရွက်မယ်။ နောက်ပိုင်းမှာ ကျွန်တော်တို့ဒေသမှာ အကူအညီပေးမယ် ဆိုလို့ရှိရင် အကုန်လုံး မျှမျှတတ ဖြစ်ရပါလိမ့်မယ်။ INGO၊ NGO အားလုံးကိုတော့ မဆိုလိုပါဘူး။ ဒါပေမဲ့ ဒေသဖွံ့ဖြိုးရေးအတွက် တောင်သူတွေအတွက် အကျိုးပြုတဲ့ NGO တွေလည်း ရှိပါတယ်။ ဒေသမှာ အနှောင့်အယှက်ဖြစ်မယ့်၊ ဒေသတွင်း တည်ငြိမ်အေးချမ်းရေးကို ထိခိုက်စေတဲ့ NGO အဖွဲ့အစည်းတွေလည်း ရှိပါတယ်။ ဒါပေမဲ့ ဒေသတွင်း အကျိုးရှိမယ့် အဖွဲ့အစည်းဆိုရင် ဘယ်အဖွဲ့အစည်းမဆို ပြည်ထောင်စုနဲ့ ပေါင်းစပ်ညှိနှိုင်းပြီးတော့ ကျွန်တော်တို့ အကောင်းဆုံးဖြစ်အောင် ဆောင်ရွက်မယ်။ တကယ်လို့ ဒေသအတွက် အကျိုးမရှိဘူးဆိုလို့ရှိရင် ဘယ် NGO အဖွဲ့အစည်းမဆို၊ ဘယ်လောက်ပဲ ဖိအားပေးပေး ကျွန်တော်တို့ကတော့ လုံးဝ လက်ခံမှာ မဟုတ်ဘူး။ ဒါကြောင့် ပြည်သူတွေ ဆန္ဒပြတာကိုလည်း ကန့်ကွက်စရာ မရှိဘူး။ အဲဒီအပေါ်မှာ ဥပဒေနဲ့အညီ ရခိုင်ပြည်နယ် အစိုးရအဖွဲ့ အနေနဲ့ အဖွဲ့စည်းတွေနဲ့ ပူးပေါင်းဆောင်ရွက်သွားမှာ ဖြစ်ပါတယ်” ဟု ရခိုင်ပြည်နယ် အစိုးရအဖွဲ့၏ စိုက်ပျိုးရေး၊ မွေးမြူရေးနှင့် သတ္တုတွင်းဝန်ကြီး ဦးကျော်လွင်က ပြောကြားသည်။

နိုင်ငံတကာ အဖွဲ့အစည်းများဖြစ်သည့် INGO များ အနေဖြင့် ခွဲခြားဆက်ဆံသည်ဟု ဆိုကာ ရခိုင်ပြည်နယ် အတွင်းမှ ထွက်သွားပေးရေးအတွက် သြဂုတ် ၁၃ ရက်က ရခိုင်ပြည်နယ်ရှိ မြို့အများစုနှင့် ကျေးရွာကြီးများတွင် ကန့်ကွက်ဆန္ဒထုတ်ဖော်မှုများ ပြုလုပ်မှုများ ရှိခဲ့ကြောင်း သိရပြီး လက်ရှိအခြေအနေတွင် ရခိုင်ပြည်နယ်အတွင်း INGO အဖွဲ့ ၇၀ ခန့် ရှိကြောင်း သိရသည်။

ရန်ကုန်တိုင်းဒေသကြီးတွင် လတ်တလော ပြင်းထန်အသက်ရှူလမ်းကြောင်း ပိုးဝင်ရောဂါဖြင့် ဆေးရုံတက်ရောက်သူ ၃၃၅ ဦးရှိပြီး H1N1 ပိုးတွေ့လူနာ ၈၂ ဦးနှင့် သေဆုံးသူ ခုနစ်ဦးရှိ

 

H1N1 ရောဂါ ကာကွယ်သည့်အနေဖြင့် နှာခေါင်းစည်းတပ်၍ သွားလာနေကြသူများအား ရန်ကုန်မြို့လယ်တွင် တွေ့ရစဉ်

သြဂုတ် ၁၈ ရက်အထိ ရရှိသည့်အချက်အလက်အရ ရန်ကုန်တိုင်းဒေသကြီးတွင် လတ်တလော ပြင်းထန်အသက်ရှူလမ်းကြောင်း ပိုးဝင်ရောဂါဖြင့် ဆေးရုံတက်ရောက်သူ ၃၃၅ ဦးရှိပြီး ယင်းတို့အနက် H1N1 ပိုးတွေ့ ဓာတ်ခွဲအတည်ပြုလူနာ ၈၂ ဦးနှင့် သေဆုံးသူခုနစ်ဦးရှိကြောင်း တရားဝင်ထုတ်ပြန်သော အချက်အလက်များအရ သိရသည်။

သြဂုတ် ၁၈ ရက်အထိ အထူးကုဆေးရုံ (ဝေဘာဂီ) တွင် ဆေးရုံတက်ရောက် ကုသမှုခံယူနေသော လူနာဦးရေလေးဦးရှိပြီး သြဂုတ် ၁၇ ရက်တွင် ဆေးရုံဆင်းလူနာမရှိကြောင်းနှင့် ရောဂါဖြစ်ပွားမှုနှုန်းအများဆုံး တိုင်းဒေသကြီး/ ပြည်နယ်များဖြစ်သည့် ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ပဲခူးတိုင်းဒေသကြီးတို့တွင် ရောဂါကြိုတင်ကာကွယ်ရေး၊ တုံ့ပြန်ဆောင်ရွက်ခြင်းလုပ်ငန်းများကို အထူးဦးစားပေး လုပ်ဆောင်လျက်ရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

သြဂုတ် ၁၇ ရက်မှ သြဂုတ် ၁၈ ရက်အထိ သံသယလူနာ ၂၂ ဦးအား ဓာတ်ခွဲစမ်းသပ်စစ်ဆေးခဲ့ရာ H1N1 ပိုးတွေ့လူနာငါးဦး တွေ့ရှိခဲ့ကြောင်း၊ ဇူလိုင်၂၁ ရက်မှ သြဂုတ် ၁၈ ရက်အထိ လတ်တလော ပြင်းထန်အသက်ရှူလမ်းကြောင်း ပိုးဝင်ရောဂါဖြင့် ဆေးရုံတက်ရောက်ကုသသူ စုစုပေါင်း ၇၄၇ ဦးအနက် H1N1 ပိုးတွေ့လူနာစုစုပေါင်း ၂၈၂ ဦးရှိခဲ့ပြီး သြဂုတ်၁၈ရက်အထိ တစ်နိုင်ငံလုံး၌ သေဆုံးသူစုစုပေါင်း ၂၉ ဦးရှိကြောင်း H1N1 ဖြစ်ပွားမှုနှင့်ပတ်သက်၍ သတင်းထုတ်ပြန်ချက် အမှတ်စဉ် (၂၆) တွင် ဖော်ပြချက်အရ သိရသည်။

သြဂုတ် ၁၈ ရက်အထိ အထူးကုဆေးရုံ (ဝေဘာဂီ)တွင် H1N1 ပိုးတွေ့အတွင်းလူနာလေးဦး၊ အခြားတိုင်းဒေသကြီး/ပြည်နယ် ဆေးရုံကြီးများတွင် H1N1 ပိုးတွေ့အတွင်း လူနာ ၄၆ ဦးစုစုပေါင်း ၅၀ ဆက်လက်ဆေးကုသမှု ခံယူနေဆဲဖြစ်ကြောင်းနှင့် H1N1 ပိုးတွေ့ရှိသော်လည်း ရာသီတုပ်ကွေးရောဂါ၏ နောက်ဆက်တွဲဆိုးကျိုးကြောင့် သေဆုံးခြင်းမဟုတ်ဘဲ အခြားရောဂါအခံများကြောင့် သေဆုံးသူစုစုပေါင်း ၁၉ ဦးရှိကြောင်းလည်း သိရသည်။

ကမ္ဘာ့ကျန်းမာရေးအဖွဲ့၏ Flu Net Website တွင်ဖော်ပြချက်အရ ၂၀၁၇ ခုနှစ် ဇန်န၀ါရီမှ သြဂုတ်လ ပထမပတ်အထိ ခုနစ်လတာကာလအတွင်း အရှေ့တောင်အာရှဒေသနိုင်ငံများနှင့် မြန်မာနိုင်ငံ၏ အိမ်နီးချင်းနိုင်ငံ၏ သတင်းပေးပို့ချက်အရ ရာသီတုပ်ကွေးရောဂါ ဖြစ်ပွားမှုအခြေအနေမှာ တရုတ်နိုင်ငံတွင် ၁၂၀၆၀၊ အိန္ဒိယနိုင်ငံတွင် ၁၃၁၈ ဦး၊ နီပေါနိုင်ငံတွင် ၄၈၀၊ သီရိလင်္ကာနိုင်ငံတွင် ၃၇၃၊ မော်ဒိုက်နိုင်ငံတွင် ၂၈၉ ဦး၊ ဘင်္ဂလားဒေ့ရ်ှနိုင်ငံတွင်၂၇၄ ဦး၊ မြန်မာတွင် ၁၃၆ ဦး၊ ထိုင်းနိုင်ငံတွင် ၁၀၉ ဦး၊ မလေးရှားနိုင်ငံတွင် ၅၉ ဦး၊ ဘူတန်နိုင်ငံတွင် ၄၈ ဦးနှင့် အင်ဒိုနီးရှားနိုင်ငံတွင် နှစ်ဦးဖြစ်ပွားခဲ့ကြောင်းနှင့် ရာသီတုပ်ကွေးရောဂါ ကူးစက်ဖြစ်ပွားမှု အခြေအနေမှာ မြန်မာနိုင်ငံတွင်သာမက နယ်နိမိတ်ချင်း ထိစပ်နေသောနိုင်ငံများနှင့် အရှေ့တောင်အာရှ ဒေသတွင်းနိုင်ငံများအနက် အများစုတွင် အမျိုးအစားတူရာ သီတုပ်ကွေးရောဂါ ကူးစက်ဖြစ်ပွားနေသည့် ကာလဖြစ်ကြောင်း သိရသည်။