News

ကယားပြည်နယ်ခရီးစဉ်တွင် ဒေါ်အောင်ဆန်းစုကြည်အတွက် ဧည့်စာရင်းမတိုင်သဖြင့် လွိုင်ကော်မြို့မှ နန်းထိုက်စံ ဧည့်ရိပ်မွန်ပိုင်ရှင်အား ရပ်ကွက်အုပ်ချုပ်ရေးမှူးက ခေါ်ယူသတိပေး

 
အမျိုးသားဒီမိုကရေစီအဖွဲ့ချုပ် ဥက္ကဋ္ဌဒေါ်အောင်ဆန်းစုကြည်၏ ကယားပြည်နယ် ခရီးစဉ်အတွင်း တစ်ညတာ တည်းခိုခဲ့သော နန်းထိုက်စံဧည့်ရိပ်မွန်ပိုင်ရှင်အား ဧည့်စာရင်းမတိုင်သဖြင့် ရပ်ကွက်အုပ်ချုပ်ရေးမှူးက ခေါ်ယူသတိပေးသည်ဟု သိရသည်။ ဒေါ်အောင်ဆန်းစုကြည်သည် လွိုင်ကော်မြို့သို့ စက်တင်ဘာ  ၁၀ ရက် မွန်းလွဲ၂ နာရီတွင် ရောက်ရှိပြီး ဒီးမော့ဆို၊ ဖရူဆို၊ ဘောလခဲမြို့များတွင် လူထု နှင့်တွေ့ဆုံပြီး ရွေးကောက်ပွဲအောင်နိုင်ရေး မဲဆွယ်ဟောပြောပွဲများတွင် တက်ရောက် ဟောပြောပြီး ဘောလခဲမြို့တွင် ခေတ္တ ညအိပ်ရပ်နားခဲ့ကြောင်း သိရသည်။
 

Human Rights Tulip Award ဆုအတွက် မဖြိုးဖြိုးအောင် ထိပ်ဆုံးမှ ဦးဆောင်

နယ်သာလန် နိုင်ငံခြားရေးဝန်ကြီးဌာနမှ ချီးမြှင့်သည့် Human Rights Tulip  ဆုအတွက် ရွေးချယ်ထားသူ ၃၀ စာရင်းတွင် မဖြိုးဖြိုးအောင်က မဲအများဆုံးဖြင့် ထိပ်ဆုံးမှ ဦးဆောင်နေလျက် ရှိသည်။
 
အဆိုပါ ဆုသည် လူ့အခွင့်အရေး တက်ကြွလှုပ်ရှားသူများကို နယ်သာလန်နိုင်ငံခြားရေးဝန်ကြီးဌာနမှ ရွေးချယ်ချီးမြှင့်ခြင်းဖြစ်ပြီး ၂၀၀၈ ခုနှစ်မှ စတင်ကာ နိုင်ငံပေါင်းများစွာမှ လူ့အခွင့်အရေးလှုပ်ရှားသူများနှင့် အဖွဲ့အစည်းများကို စတင်ချီးမြှင့်ခဲ့ခြင်း ဖြစ်သည်။
 

စည်းကမ်းဖောက်သည့် ယာဉ်များအတွက် အမှုသေးဒဏ်ကြေးငွေ ကျပ် ၃၀၀၀၀ သတ်မှတ်လိုက်၍ ဘတ်စ်ကားလိုင်းအချို့ ပြေးဆွဲမှုရပ်နား

စက်တင်ဘာလဆန်းပိုင်းက ပြဋ္ဌာန်းလိုက်သော မော်တော်ယာဉ် ဥပဒေသစ်အရ စည်းကမ်းဖောက်ဖျက်သည့် ယာဉ်များအတွက် အမှုသေး ဒဏ်ကြေးငွေ အနည်းဆုံး ကျပ် ၃၀၀၀၀ အထိ သတ်မှတ်လိုက်၍ စက်တင်ဘာ ၁၅ ရက်မှ စတင်ကာ ဘတ်စ်ကားလိုင်း အချို့ပြေးဆွဲမှု ရပ်နားထားရကြောင်း ပြေးဆွဲမှုရပ်နားထားသည့် ဘတ်စ်ကားလိုင်းများထံမှ သိရသည်။
 
၁၉၆၄ မော်တော်ယာဉ်ဥပဒေအရ စည်းကမ်းဖောက်သည့် ဒဏ်ကြေးငွေ ကျပ် ၁၅၀၀ သာ ပေးဆောင်စေခဲ့ရသော်လည်း မော်တော်ယာဉ် ဥပဒေသစ် ထွက်လာချိန်တွင် အမှုသေးဒဏ်ကြေးငွေအား ကျပ် ၃၀၀၀၀ အထိ ဖြစ်သွားကြောင်း ယာဉ်ပိုင်ရှင်များက ဆိုသည်။
 

NLD ပါတီ၏ လွှတ်တော်ကိုယ်စားလှယ်လောင်းများနှင့် လူငယ်ရေးရာ တာဝန်ရှိသူများ၏ Facebook Account များ မကြာခဏ ဖျက်ဆီးခံလာရ

ရွေးကောက်ပွဲအချိန် နီးကပ်လာချိန်တွင် NLD ပါတီ၏ လွှတ်တော်ကိုယ်စားလှယ်လောင်းများနှင့် လူငယ်ရေးရာ တာဝန်ရှိသူများ၏ Facebook Account များ မကြာခဏ အမည်မသိသူများ၏ Report ထု ဖျက်ဆီးခံရမှုများကို ကြုံတွေ့လာရကြောင်း သတင်းရရှိသည်။
 

တရားစွဲခံရသော အလုပ်သမားအရေး ကူညီဆောင်ရွက်ပေးသူနှစ်ဦး၏ ရုံးချိန်းတွင် လိမ္မော်ရောင် ဖဲကြိုးလှုပ်ရှားမှု ပြုလုပ်

 
လုပ်ခလစာ တိုးမြှင့်ပေးရေးအတွက် ဆန္ဒပြမှုကြောင့် ပုဒ်မ ၅၀၅(ခ)ဖြင့် တရားစွဲခံထားရသော အလုပ်သမားအရေး ကူညီဆောင်ရွက်ပေးသူ ကိုသူဇော်ကြည်ဝင်းနှင့် ကိုနိုင်ဇော်ကြည်ဝင်းတို့အား စက်တင်ဘာ ၁၅ ရက် ရန်ကင်းတရားရုံး၌ ဆက်လက်ရုံးထုတ်ခဲ့ပြီး ၎င်းတို့နှစ်ဦးနှင့် မြန်မာ့ဒီမိုကရေစီအရေး တက်ကြွလှုပ်ရှားသူများ ပူးပေါင်းကာ လိမ္မော်ရောင်ဖဲကြိုးကမ်ပိန်း ပြုလုပ်ခဲ့ကြောင်း သိရသည်။