ဧရာဝတီမြစ်​​ရေ မြင့်တက်မှုကြောင့် စစ်​ကိုင်းမြို့ ရပ်​ကွက်အချို့နှင့်​ အနီးတစ်ဝိုက်​ရှိ ​ကျေးရွာအချို့တို့မှ ရေဘေးသင့်ပြည်သူများ ပြောင်းရွှေ့နေရ

စစ်​ကိုင်းမြို့၊ အနိမ့်​ပိုင်းရပ်​ကွက်​ အချို့နှင့်​ အနီးတစ်ဝိုက်​ရှိ ​ကျေးရွာအချို့တို့တွင်​ ဧရာဝတီမြစ်​​ရေ တက်​လာမှုကြောင့်​ ​ရေ​ဘေးသင့်​ ပြည်​သူများသည်​ ဘုရားများနှင့်​ ဘုန်း​ကြီး​ကျောင်းများ၏ ပုရဝုဏ်​​များအတွင်း ​ပြောင်း​ရွှေ့​နေထိုင်​ လျက်​ရှိ​ကြောင်း သိရသည်​။

ဧရာဝတီမြစ်​​ရေသည်​ သြဂုတ်​လ ၂၀ ရက်​​နေ့ ည​နေ ၆ နာရီတိုင်းတာချက်​အရ ၁၁၇၃ စင်​တီမီတာ ရှိလာ​သော​ကြောင့်​ စိုးရိမ်​အမှတ်​ ၁၁၅၀ စင်​တီမီတာ ထက်​ ​ကျော်​လွန်​ခဲ့​ကြောင်း၊ ယခင်​နှစ်​ အမြင့်​ဆုံး​ရေအမှတ်​မှာ ၁၂၁၈ ထိ ရှိခဲ့​ကြောင်း၊ ယခုရေများ ပြန်လည်​​ကျဆင်းမှုမှာ ၄၈ နာရီ​ စောင့်​ဆိုင်းရမည်​ ဖြစ်​​ကြောင်း မိုး​လေဝသနှင့်​ ဇလဗေဒ ညွှန်​ကြားမှု ဦးစီးဌာန ခရိုင်းရုံး (စစ်​ကိုင်းမြို့) မှ သိရသည်​။

 

ရန်ကုန်မြို့ တိုက်ကြီးမြို့နယ် အတွင်းရှိ ရပ်ကွက်တစ်ခုတွင် ကျန်းမာရေး ချို့ယွင်း၍ လုပ်ကိုင်မစားသောက် နိုင်တော့သည့် မိသားစုနှစ်စုအား ပတ်ဝန်းကျင်က အလှူခံ ကျွေးမွေးနေရ

ရန်ကုန်တိုင်းဒေသကြီး တိုက်ကြီးမြို့နယ်အတွင်းရှိ ရှမ်းစုရပ်ကွက်၊ ပြည်တော်သာအပိုင်းရှိ စိုက်ပျိုးရေးခြံများတွင် ခြံစောင့်အဖြစ် နေထိုင်သော မိသားစုနှစ်စုသည် ကျန်းမာရေးချို့ယွင်း၍ လုပ်ကိုင်မစားသောက် နိုင်သောကြောင့် ပတ်ဝန်းကျင်က အလှူခံကျွေးမွေး စောင့်ရှောက်ထားရကြောင်း သိရသည်။

အဆိုပါ မိသားစုနှစ်စုတွင် တစ်စုသည် အသက် ၇၀ ခန့်ရှိ အဘိုးအိုတစ်ဦးနှင့် မီးဖွားထားပြီး အာဟာရမပြည့်ဝ၍ ကျန်းမာရေးချို့ယွင်းနေသည့် သမီးဖြစ်သူ မဖြူဖြူတို့မိသားစု ဖြစ်ကြပြီး ကျန်တစ်စုသည် လင်မယား နှစ်ယောက်စလုံး ကျန်းမာရေး ချို့ယွင်းနေသည့်အပြင် ကလေးငယ် လေးယောက်ရှိသည့် ကိုပိုင်စိုးတင့်နှင့် မအေးအေးနွယ် မိသားစုတို့ ဖြစ်ကြောင်း အလှူခံကျွေးမွေးရာတွင် ပါဝင်ခဲ့သည့် ဒေါ်သဲမာချိုက ပြောကြားသည်။

“ကိုယ်ပိုင်ယာပိုင်တော့ မရှိကြဘူးပေါ့။ သူတို့က ခြံစောင့်နေကြတာ။ ယောက်ျားက ပထမတစ်ခါ တီဘီဖြစ်တယ်။ အစိုးရကပေးတဲ့ ဆေးတွေဘာတွေနဲ့ သက်သာသွားတယ် ဆိုပါတော့။ အခုတစ်ခါ ဆေးယဉ်ပါး တီဘီဆိုပြီး ထပ်ဖြစ်တယ်။ ရောဂါဖြစ်နေလို့ အာဟာရစားဖို့ ဆိုတာကလည်း အမျိုးသမီးကလည်း မွေးခါနီး ဖွားခါနီး ဖြစ်နေတဲ့ အချိန်ဆိုတော့ သူလည်း ခြေထောက်တွေ ရောင်တယ်။ ကျန်းမာရေး မကောင်းဘူး။ လိုက်ပြီးအကူညီတောင်း အစ်မတို့ကလည်း အကူညီပေးတယ်။ တို့တွေကလည်း ရှိတဲ့သူတွေ မဟုတ်တော့ ဖူလုံမှု မရှိဘူးပေါ့။ ဒီကလေးတွေရဲ့ကျန်းမာရေးတွေအတွက် မဖြစ်သင့်ဘဲ ဖြစ်သွားမှာတွေကို မလိုချင်လို့ မရှက်မရွံ့ဘဲ ၅၀ ဖြစ်ဖြစ် ၁၀၀ ဖြစ်ဖြစ် ထောက်ပံ့ကြေးလေးပေ့ါနော်။ သူတို့မိသားစု စားဝတ်နေရေးရော ဆေးထိုးဆေးသောက်ဖို့ အာဟာရအတွက် အကူအညီပေးကြပါဆိုပြီး လိုက်လုပ်တော့ ပေးတော့ ပေးကြတာပေ့ါနော်။ ကလေးလေးယောက်ကို နှစ်ယောက်က သူတို့စာသွားသင်တဲ့ ဘုန်းကြီးကျောင်းက ကျွေးတယ်ပေ့ါနော်။ နောက်မိသားစု တစ်စုကတော့ ကောင်မလေးက မီးဖွားထားတော့ အာဟာရကလည်း မရှိတော့ မွေးထားတော့ ကလေးကလည်း မသန်စွမ်းလေးလိုပဲ။ သူကလည်း အဖေအိုကြီးနဲ့နေတော့ စားဝတ်နေရေးက ချို့တဲ့ပြန်ရော။ ကိုယ်ပိုင်နေကြတာလည်း မဟုတ်တော့ အဆင်မပြေဘူး” ဟု ၎င်းက ပြောကြားသည်။

မဖြူဖြူတို့ မိသားစုသည် လက်ရှိအချိန်တွင် ဖခင်ဖြစ်သူ အဘိုးအိုက ထင်းခြောက်များကို တတ်နိုင်သမျှ ရှာဖွေကာ ရသည့်ဈေးဖြင့် ရောင်းချနေရခြင်းကြောင့် လုံလောက်မှုမရှိကြောင်း သိရပြီး ကိုပိုင်စိုးတင့်နှင့် မအေးအေးနွယ်တို့ မိသားစုသည် လင်မယားနှစ်ယောက်စလုံး ကျန်းမာရေးချို့ယွင်းနေသဖြင့် လုပ်ကိုင် စားသောက်နိုင်ခြင်း မရှိသောကြောင့် ပတ်ဝန်းကျင်ကို အကူအညီ တောင်းရခြင်းဖြစ်ကြောင်း မအေးအေးနွယ်က ပြောကြားသည်။

“အစ်မအမျိုးသားကလည်း အရင်တုန်းကတော့ အလုပ်လုပ်ပါတယ်။ နေထိုင်မကောင်းဖြစ်တော့ သူလည်း မလုပ်နိုင်တော့ဘူး။ သူမလုပ်နိုင်တော့ ကျွန်မလည်း ခြံထဲက ရတာလေးတွေကို ဈေးရောင်းပါသေးတယ်။ နောက်ပိုင်း ကိုယ်ဝန်ကလည်း ရင့်လာတယ်။ ခြေထောက်တွေလည်း ရောင်လာတာရှိတယ်။ နေမကောင်းတော့ လုံးဝမလုပ်နိုင်တော့ဘူး။ ခြံပိုင်ရှင်ကတော့ ကူညီပေးတာတွေ ရှိပါတယ်။ ဒါပေမဲ့ ဆေးဖိုးနဲ့ စားသောက်ဖို့ အတွက်က ဘယ်လိုမှ အဆင်မပြေဘူး။ ဟိုတလောက မသဲမာချိုတို့ အလှူခံပေးတဲ့ ဆန်လေးပြည်လောက်ရယ် ငါးခြောက်နှစ်ထုပ်ရယ် ပိုက်ဆံ ၁၈၀၀ ရယ်ရတယ်။ ဒီလိုစားရတာပေ့ါ” ဟု ၎င်းက ပြေကြားသည်။

လက်ရှိအချိန်တွင် ကူညီဆောင်ရွက်ပေးသူများ အနေဖြင့်လည်း စားဝတ်နေရေး တစ်ဖက်ဖြင့် ကူညီပေးနေရခြင်း ဖြစ်သောကြောင့် ပြည့်စုံလုံလောက်မှု မရှိကြောင်း သိရပြီး သက်ဆိုင်ရာ အဖွဲ့အစည်းများနှင့် ပရဟိတအဖွဲ့များ အနေဖြင့် လာရောက်ကူညီပေးမည် ဆိုပါက ၀၉၂၅၂၆၀၈၅၉၉ (မသဲမာချို)၊ ၀၉၂၅၄၉၁၅၃၅၂ (ကိုကျော်ကြီး) ထံသို့ ဆက်သွယ် ကူညီပေးရန် ဆန္ဒရှိကြောင်း သိရသည်။

 

ပဲခူးတိုင်း၊ မွန်ပြည်နယ်နှင့် ကချင်ပြည်နယ်တို့တွင် အကျဉ်းသား ၁၀၀၀ ဆံ့သည့် ထောင်သုံးခု မကြာမီဖွင့်လှစ်မည်

ပဲခူးတိုင်းဒေသကြီး၊ မွန်ပြည်နယ်နှင့် ကချင်ပြည်နယ်တို့တွင် အကျဉ်းသား ၁၀၀၀ ဆံ့သည့် အကျဉ်းထောင်သုံးခုကို မကြာမီ ဖွင့်လှစ်တော့မည်ဖြစ်ကြောင်း သြဂုတ် ၂၀ ရက်တွင် မြန်မာနိုင်ငံအကျဉ်းဦးစီးဌာနမှ စုံစမ်းသိရသည်။

အဆိုပါ ဖွင့်လှစ်မည့်အကျဉ်းထောင်သုံးခုမှာ ပဲခူးတိုင်းဒေသကြီးရှိ ဒိုက်ဦးမြို့နယ်တွင် လည်းကောင်း၊ မွန်ပြည်နယ်ရှိ ကျိုက်မရောမြို့နယ်တွင် လည်းကောင်း၊ ကချင်ပြည်နယ်ရှိ မိုးညှင်းမြို့နယ်တွင် လည်းကောင်း အသီးသီး ဖွင့်လှစ်သွားမည်ဖြစ်ကြောင်း သိရသည်။

ထို့ပြင် မကွေးတိုင်းဒေသကြီးတွင်လည်း အကျဉ်းသား ၁၀၀၀ ဆံ့သည့် ထောင်တစ်ခု တည်ဆောက်ရန် စီစဉ်လျက်ရှိပြီး အဆိုပါထောင်အား ၂၀၁၇ ခုနှစ်အတွင်း၌ အပြီး တည်ဆောက်သွားမည်ဟု သိရသည်။

ယင်းကဲ့သို့ အကျဉ်းထောင်များအား တိုး ချဲ့ဆောက်လုပ်နေသော်လည်း NLD အစိုးရလက်ထက်တွင် အကျဉ်းထောင်အသီးသီး၌ အကျဉ်းကျခံနေရသည့် နိုင်ငံရေးအကျဉ်းသားများနှင့် တရားရင်ဆိုင်နေရဆဲ နိုင်ငံရေး အကျဉ်းသားများ ရှိနေဆဲပင်ဖြစ်ကြောင်း သိရသည်။

၂၀၁၇ ခုနှစ် ဇူလိုင်လကုန်အထိ နိုင်ငံရေးလှုပ်ရှားမှုကြောင့် ဖမ်းဆီးထိန်းသိမ်းခံရသူ ၂၂၅ ဦးရှိသည့်အနက် နိုင်ငံရေးအကျဉ်းသား ၃၅ ဦး အကျဉ်းကျခံနေရပြီး ကျန်တရားရင်ဆိုင်နေရသူ ၁၈၆ ဦးတွင် ၅၀ မှာ အကျဉ်းထောင်အတွင်းမှ တရားရင်ဆိုင်နေရကြောင်း AAPP (နိုင်ငံရေးအကျဉ်းသား ကူညီစောင့်ရှောက်ရေးအသင်း-မြန်မာနိုင်ငံ) ၏ သြဂုတ် ၁၆ ရက်တွင် ထုတ်ပြန်သည့် လစဉ်အစီရင်ခံစာမှ သိရသည်။

ဝန်ကြီးချုပ်အချို့အား တိုင်ကြားမှုများ ရှိခဲ့ပြီး လွှတ်တော်ကိုယ်စားလှယ်များအား တိုင်ကြားမှု ၂၀၀ ကျော်အနက် ၂၀ ကျော်ကို သတိပေးပြစ်ဒဏ်မှစ၍ ပါတီတာဝန်ရပ်ဆိုင်းသည်အထိ အရေးယူမှုရှိခဲ့ဟု ဆို

 

လွှတ်တော်ကိုယ်စားလှယ်များအား တိုင်ကြားမှု ၂၀၀ ကျော်ရှိခဲ့ပြီး ၂၀ ကျော်ကို သတိပေးပြစ်ဒဏ်မှစ၍ ပါတီတာဝန်ရပ်ဆိုင်းသည်အထိ အရေးယူမှုရှိခဲ့ကြောင်း NLD ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဒေါက်တာမျိုးညွန့်က ပြောကြားသည်။

ထိုသို့ တိုင်ကြားမှုများတွင် ပြည်သူလူထုအား မောက်မာစွာဆက်ဆံခြင်း၊ လွှတ်တော်ကိုယ်စားလှယ်အချင်းချင်း ဆက်ဆံရာတွင် ပြေပြစ်မှုမရှိခြင်း၊ အလုပ်အမှုဆောင်အဖွဲ့များ နှင့် ပူးပေါင်းဆောင်ရွက်မှု မရှိခြင်း၊ ပါတီ၏မူဝါဒ၊ ညွှန်ကြားချက်များကို မလိုက်နာခြင်း စသည်တို့ပါဝင်ကြောင်းနှင့် တိုင်ကြားစာများ နှင့် ပတ်သက်၍ ပါတီတွင်း စည်းမျဉ်းစည်းကမ်းများနှင့်သာ အရေးယူခြင်းဖြစ်ပြီး ဥပဒေ ကြောင်းအရ ပတ်သက်မှုရှိလာပါက ပါဝင် ဆောင်ရွက်ခြင်း မရှိကြောင်း ဒေါက်တာမျိုးညွန့်က ပြောကြားသည်။

“ကျွန်တော်တို့ အရေးယူမှုမျိုးကလည်း ပါတီတွင်း အရေးယူမှုမျိုးပါ။ သတိပေးတာကနေ စမယ်။ ဒဏ်ငွေ ပေးဆောင်ခိုင်းတာတွေ၊ နောက်ဆုံး ကျွန်တော်တို့ကပါတီက ထုတ်ပယ်တဲ့အထိ ဒါပါတီစည်းကမ်းအရပဲ အရေးယူတာပါ။ ဥပဒေအရ ငြိစွန်းရင် ဥပဒေအရပဲ ဆက်လုပ်ဆောင်ဖို့ တစ်ခါတည်း ညွှန်ကြားလိုက်ပါတယ်” ဟု ဒေါက်တာမျိုးညွန့်က ပြောကြားသည်။

ထိုသို့အရေးယူဆောင်ရွက်ရာတွင် ပါတီမှ သတိပေးပြစ်ဒဏ်မှစ၍ ပါတီတာဝန် ရပ်ဆိုင်းခြင်းများ လက်ရှိအချိန်အထိ ပြုလုပ်ခဲ့ပြီး အချို့ကို ပါတီဝင်အဖြစ်မှ ထုတ်ပယ်ရန် စီစဉ်လျက်ရှိကြောင်း ဒေါက်တာမျိုးညွန့်က ပြောကြားသည်။

ထို့ပြင် တိုင်းဒေသကြီး၊ ပြည်နယ်ဝန်ကြီးချုပ်အချို့ကိုလည်း ဥပဒေမဲ့လုပ်ဆောင်မှုများ ရှိသည်ဟုဆိုကာ တိုင်ကြားချက်များရှိပြီး လက်ရှိအချိန်အထိ အရေးယူနိုင်သည့်ပြစ်မှု ထင်ရှားတွေ့ရှိခြင်း မရှိကြောင်းလည်း ဒေါက်တာမျိုးညွန့်က ပြောကြားသည်။

အဆိုပါ ဗဟိုအလုပ်အမှုဆောင် အစည်းအဝေးတွင် အမျိုးသားဒီမိုကရေစီအဖွဲ့ချုပ် (NLD) ကယားပြည်နယ်နှင့် ချောင်းဆုံမြို့နယ် ပါတီအမှုဆောင်အဖွဲ့များ ပြန်လည်ဖွဲ့စည်းမည် ဖြစ်ကြောင်းနှင့် လူငယ်ဖွဲ့စည်းရေး ကိစ္စများကို ယခုနှစ်အတွင်း အပြီးသတ်ဆောင်ရွက်သွားရန် ဆွေးနွေးခဲ့ကြောင်း၊ ထိုသို့ လူငယ်စည်းရုံးရေး လုပ်ဆောင်ရာတွင် အသက် ၃၀ အထိသာ ခွင့်ပြုရန်သတ်မှတ်ထားကြောင်းလည်း ဗဟိုအလုပ်အမှုဆောင်အဖွဲ့ အတွင်းရေးမှူး အဖွဲ့ဝင် ဦးဝင်းထိန်က ပြောကြားသည်။

“ကယားပြည်နယ်ကပြန်ဖွဲ့မယ်။ ဥက္ကဋ္ဌက ဦးသောင်းဌေး၊ ဒုဥက္ကဋ္ဌက နန်းထွေးသူ လွှတ်တော်ကိုယ်စားလှယ်၊ ဦးသောင်းဌေးကတော့ အစကတည်းက EC ထဲမှာပါတာ။ အတွင်းရေးမှူးကတော့ ဒေါက်တာအောင်ကျော်ဌေး၊ ကျန်တဲ့ EC တွေကတော့ အကုန်တူတူပဲ” ဟု ဦးဝင်းထိန်က ပြောကြားသည်။

၂၀၁၇ ခုနှစ် ကြားဖြတ်ရွေးကောက်ပွဲတွင် ကယားပြည်နယ်အတွင်းရှိ လစ်လပ်မဲဆန္ဒနယ်တွင် အမျိုးသားဒီမိုကရေစီအဖွဲ့ချုပ်မှ ၀င်ရောက်ယှဉ်ပြိုင်မည့် ကိုယ်စားလှယ်လောင်း အမည်စာရင်းတင်သွင်းရန် ပျက်ကွက်မှုကြောင့် ပါတီ ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဥာဏ်ဝင်း ဦးဆောင်သည့် စစ်ဆေးရေးအဖွဲ့မှ စစ်ဆေး၍ ပြည်နယ် အမှုဆောင်အဖွဲ့ဥက္ကဋ္ဌ ဒေါက်တာခင်စည်သူကို ဥက္ကဋ္ဌရာထူးမှ ဖယ်ရှားခဲ့ပြီးနောက် ထိုသို့ ပြန်လည်ဖွဲ့စည်းခြင်းဖြစ်သည်။