ရခိုင်ပြည်နယ်မြောက်ပိုင်းတွင် ဒေသတွင်း ပိုမိုကောင်းမွန်သည့် အုပ်ချုပ်ရေး၊ လုံခြုံရေး အစီအမံများ ချမှတ်ပြီး အမြန်ဆုံး အကောင်အထည်ဖော် ဆောင်ရွက်ရန် အစိုးရအား တိုက်တွန်းကြောင်းအဆို ပြည်သူ့လွှတ်တော်၌ တင်သွင်း

ရခိုင်ပြည်နယ် မြောက်ပိုင်းဒေသ မောင်တော၊ ဘူးသီးတောင်နှင့် ရသေ့တောင်မြို့နယ်များတွင် ဖြစ်ပေါ်လျက်ရှိသော ဘင်္ဂါလီလူမျိုး အစွန်းရောက် အဖွဲ့အစည်းများ၏ ရာဇ၀တ်မှုများ ကျူးလွန်နေကြခြင်းသည် နိုင်ငံတော်လုံခြုံရေး၊ တရားဥပဒေ စိုးမိုးရေး၊ နယ်မြေတည်တံ့ ခိုင်မြဲရေးနှင့် အသက်အိုးအိမ် လုံခြုံရေးတို့ကို များစွာထိပါးနှောင့်ယှက်လာသည်ဖြစ်၍ ဒေသတွင်း ပိုမိုကောင်းမွန်သည့် အုပ်ချုပ်ရေး၊ လုံခြုံရေး အစီအမံများ ချမှတ်ကာ အမြန်ဆုံး အကောင်အထည်ဖော် ဆောင်ရွက်ရန် နိုင်ငံတော်အစိုးရအား တိုက်တွန်းကြောင်း အဆိုကို သြဂုတ် ၁၈ ရက်က ပြည်သူ့လွှတ်တော်၌ တင်သွင်းခဲ့သည်။

ယင်းအဆိုကို ရသေ့တောင်မဲဆန္ဒနယ်မှ လွှတ်တော်ကိုယ်စားလှယ် ဒေါ်ခင်စောဝေက တင်သွင်းခဲ့ခြင်းဖြစ်ပြီး ရခိုင်ပြည်နယ်ရှိ ဘူးသီးတောင်၊ မောင်တောနှင့် ရသေ့တောင် ဒေသများ၏ အခြေအနေကို တည်ငြိမ်အောင် ထိန်းသိမ်းနိုင်ရေးမှာ တရားဥပဒေ စိုးမိုးရေး၊ အချုပ်အခြာအာဏာ တည်တံ့ခိုင်မြဲရေး ကိစ္စရပ်ဖြစ်ပြီး အချိန်နှင့် တစ်ပြေးညီ မြန်မြန်ဆန်ဆန် လုပ်ဆောင်ရန် လိုအပ်နေပြီး အစွန်းရောက် မွတ်စလင်အဖွဲ့အစည်းများသည် နိုင်ငံတကာရှိ အကြမ်းဖက်အဖွဲ့အစည်းများနှင့် ချိတ်ဆက်လုပ်ဆောင်နေသည့် အနေအထားကို တွေ့ရှိနေရကာ တိုင်းပြည်အတွက် အန္တရာယ်ဆိုးများ အချိန်မရွေး ကျရောက်လာနိုင်သည့်အတွက် နိုင်ငံတော်အစိုးရ အနေဖြင့် အချိန်မဆိုင်းဘဲ ရဲဝံ့ပြတ်သားစွာ အမြစ်ပြတ် ကိုင်တွယ်ဖြေရှင်းရန် လိုအပ်နေသောကြောင့် အဆိုတင်သွင်းရခြင်းဖြစ်ကြောင်း ဒေါ်ခင်စောဝေက ပြောကြားသည်။

တစ်ဖက်နိုင်ငံနှင့် ထိစပ်လျက်ရှိသည့် ရခိုင်ပြည်နယ်မြောက်ပိုင်း မောင်တော၊ ဘူးသီးတောင်နှင့် ရသေ့တောင်မြို့နယ်များတွင် နိုင်ငံသား မဟုတ်သည့် ဘင်္ဂါလီများ ရာခိုင်နှုန်း ၉၀ ကျော် နေထိုင်လျက်ရှိရာ ၎င်းဘင်္ဂါလီများသည် လူဦးရေ ပေါက်ကွဲလျှံထွက်လျက်ရှိသော တစ်ဖက်နိုင်ငံရှိ လူမျိုးများနှင့် ဘာသာတူ မျိုးနွယ်များဖြစ်ကြပြီး ခေတ်အဆက်ဆက် တရားမ၀င်သော နည်းလမ်းများဖြင့် နယ်စပ်ဖြတ်ကျော် ၀င်ရောက်ကာ အခြေချ နေထိုင်လာခဲ့ကြသူများဖြစ်ကြောင်း၊ ရခိုင်တိုင်းရင်းသား ကျေးရွာများကို မီးရှို့ဖျက်ဆီးခြင်း၊ ရခိုင်လူမျိုး နှစ်သောင်းခန့်ကို သတ်ဖြတ်ခြင်းတို့ကြောင့် ဒေသခံတိုင်းရင်းသားများ လူဦးရေများစွာ လျော့နည်းခဲ့သည့်အပြင် တစ်ဖက်နိုင်ငံမှ ဘင်္ဂါလီလူမျိုးများ နေ့စဉ်နှင့်အမျှ စိမ့်ဝင်နေခြင်း၊ လူဦးရေပေါက်ဖွားမှု မြင့်မားခြင်းတို့ကြောင့် မောင်တော၊ ဘူးသီးတောင်ဒေသသည် နိုင်ငံခြားသား ဘင်္ဂါလီများ သီးသန့်နေထိုင်ရာ ဒေသတစ်ခုအသွင်သို့ တဖြည်းဖြည်း ရောက်ရှိလာနေပြီဖြစ်ကြောင်း၊ ၁၉၈၈ ခုနှစ် ဒီမိုကရေစီ အရေးတော်ပုံကို အခွင့်ကောင်းယူကာ ၁၉၈၈ ခုနှစ် မေ ၁၃ ရက် ည ၉ နာရီ တွင် ဘင်္ဂါလီဦးရေ ငါးသောင်းခန့်သည် မောင်တောမြို့သို့ ဘက်ပေါင်းစုံမှ ၀ိုင်းရံပြီး ရခိုင်များအား သတ်ပစ်ရန် ကြိုးပမ်းခဲ့သည့် ဖြစ်စဉ်တစ်ခုလည်း ပေါ်ပေါက်ခဲ့ကြောင်း ဒေါ်ခင်စောဝေက ပြောကြားသည်။

ထို့ပြင် ၂၀၁၆ ခုနှစ် အောက်တိုဘာ ၉ ရက်တွင် လုံခြုံရေးတပ်ဖွဲ့များကို တိုက်ခိုက်ခဲ့သည့် လုပ်ရပ်များကြောင့် ယနေ့အချိန်အထိ မငြိမ်းချမ်းသေးသည့် ဖြစ်စဉ်များလည်း ဖြစ်ပွားလျက် ရှိနေခြင်းကြောင့် ဒေသခံတိုင်းရင်းသားများမှာ မိမိတို့နယ်မြေများတွင် မနေရဲလောက်အောင် စိုးရိမ်ကြောက်လန့်လျက် ရှိနေကြကြောင်း၊ မောင်တော၊ ဘူးသီးတောင်ဒေသရှိ ဘာသာရေး၊ လူမျိုးရေးကို အခြေခံသော အစွန်းရောက်သမားများသည် ပြည်ပ အဖွဲ့အစည်းများ၏ အကူအညီများဖြင့် မောင်တောဒေသရှိ တောတောင်များနှင့် ကျေးရွာများတွင် သင်တန်းပို့ချခြင်းများကိုလည်း စနစ်တကျ လုပ်ဆောင်နေကြသည်ကို မြင်တွေ့နေရကြောင်းလည်း ဒေါ်ခင်စောဝေက ပြောကြားသည်။

“ဒေသခံပြည်သူများဟာ စားဝတ်နေရေးအတွက် တောင်ယာလုပ်ငန်း၊ တံငါလုပ်ငန်းများကို မလုပ်နိုင်တော့ဘဲ ရွာထဲမှ ရွာပြင် မထွက်ရဲအောင် အလွန်စိုးရိမ်နေကြရပါတယ်။ အိမ်ခြေရာထောင်ချီ ရှိနေသော ဘင်္ဂါလီကျေးရွာများ အကြားတွင် ဆယ်ဂဏန်းမျှသာရှိသော တိုင်းရင်းသား ကျေးရွာများ၏ အခြေအနေမှာ ကျားသနားမှ နွားချမ်းသာရမည့်ကိန်း ရောက်နေပါတယ်” ဟု အဆိုရှင် ဒေါ်ခင်စောဝေက ပြောကြားသည်။

ယင်းအဆိုနှင့် ပတ်သက်၍ ရခိုင်ပြည်နယ် မြေပုံမဲဆန္ဒနယ်မှ ဦးဖေသန်းက ထောက်ခံဆွေးနွေးခဲ့ပြီး လွှတ်တော်တွင် ဆက်လက်ဆွေးနွေးရန် ပြည်သူ့လွှတ်တော်က သဘောတူခဲ့သည်။

အမျိုးသားဒီမိုကရေစီအဖွဲ့ချုပ် ဒုတိယဥက္ကဋ္ဌဟောင်း ဦးကြည်မောင် ကွယ်လွန်ခြင်း (၁၃) နှစ်ပြည့် အထိမ်းအမှတ် သံဃာတော်များအား ဆွမ်းဆက်ကပ် လှူဒါန်း

သြဂုတ် ၁၉ ရက်က ခြောက်ထပ်ကြီးဘုရားကြီး ကျောင်းတိုက်ရှိ သာသနာ့ဂုဏ်ရည်ကျောင်းတွင် ဦးကြည်မောင် ကွယ်လွန်ခြင်း ၁၃ နှစ်ပြည့် အထိမ်းအမှတ် သံဃာတော်များအား ဆွမ်းဆက်ကပ်လှူဒါန်းစဉ်

အမျိုးသားဒီမိုကရေစီအဖွဲ့ချုပ် ဒုတိယ ဥက္ကဋ္ဌဟောင်း ဦးကြည်မောင် ကွယ်လွန်ခြင်း (၁၃) နှစ်ပြည့် အထိမ်းအမှတ် သံဃာတော်များအား ဆွမ်းဆက်ကပ်လှူဒါန်းပွဲကို ရန်ကုန်မြို့၊ ခြောက်ထပ်ကြီး ဘုရားကြီးကျောင်းတိုက်ရှိ သာသနာ့ဂုဏ်ရည်ကျောင်းတွင် သြဂုတ် ၁၉ ရက်က ဦးကြည်မောင်၏ မိသားစုနှင့် တပည့်များက ပြုလုပ်ခဲ့သည်။

အဆိုပါ ဆွမ်းဆက်ကပ်လှူဒါန်းပွဲသို့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးဟံသာမြင့်၊ NLD ပါတီဝင် လွှတ်တော်ကိုယ်စားလှယ်အချို့၊ နိုင်ငံရေး အကျဉ်းသားဟောင်းများနှင့် ဦးကြည်မောင်၏ တပည့်သားသမီးများ တက်ရောက်ခဲ့ကြသည်။

“NLD ပါတီထဲမှာတုန်းက ဒုတိယဥက္ကဋ္ဌ ဦးကြည်မောင်က ကျွန်တော်တို့ရဲ့ခေါင်းဆောင် ဖြစ်တယ်။ နောက်တော့ ဦးကြည်မောင်ဆီမှာ ကျွန်တော်တို့က စာသင်တဲ့အခါမှာ ဦးကြည်မောင်က ကျွန်တော်တို့ရဲ့ဆရာ ဖြစ်လာတယ်။ ဆရာဖြစ်ပြီး နှစ်ပေါင်းများစွာ စာသင်တဲ့ အခါကျတော့ ကျွန်တော်တို့ရဲ့ မိဘလိုပဲ ဖြစ်လာတာပေါ့နော်။ ဦးကြည်မောင်က ကျွန်တော်တို့ကို သင်ပေးခဲ့တာတွေကတော့ အများကြီးပဲ။ နိုင်ငံရေးတွေကော၊ ဂီတတွေကော၊ စာပေတွေရော မျိုးစုံပေါ့။ သို့သော် သူသင်ပေးတာ မဟုတ်ဘဲနဲ့ သူ့ဆီက ကျွန်တော်တို့ တစ်ခုရလိုက်တာ ရှိတယ်။ အဲဒါကတော့ လောကဓံနဲ့ အတူနေထိုင်နည်း။ သူဟာ သူ့ရဲ့ ဘ၀တစ်လျှောက်မှာ သူမှန်တယ်ထင်တဲ့အတိုင်း ရပ်တည်ဖို့ လောကဓံတွေကို ကြုံခဲ့တယ်။ အဲဒီလို ကြုံခဲ့တဲ့အခါမှာ သူဟာ တည်တည်ငြိမ်ငြိမ်နဲ့ သူရင်ဆိုင်ခဲ့တယ်။ ဒါကြောင့်မို့လို့ သူသင်ပေးတာထက်ကို ကျွန်တော်တို့ ရလိုက်တာက ဒီလောကဓံနဲ့ နေထိုင်နည်း။ ဒါဟာ ကျွန်တော်တို့ ဘ၀အတွက် အဖိုးမဖြတ်နိုင်ဘူး။ ဒါကြောင့်မို့လည်း ဦးကြည်မောင်ကွယ်လွန်တဲ့ နှစ်ပတ်လည်နေ့တွေကို ဦးကြည်မောင်ရဲ့ ကျေးဇူးဆပ်တဲ့အနေနဲ့ နှစ်စဉ်ကျင်းပတာ ဖြစ်ပါတယ်” ဟု ဦးကြည်မောင်၏ တပည့်တစ်ဦးဖြစ်သူ ဦးတင်မောင်ဦးက ပြောကြားသည်။

ဦးကြည်မောင်သည် ၁၉၃၈ ခုနှစ် တက္ကသိုလ်ကျောင်းသားဘ၀တွင် ကျောင်းသားခေါင်းဆောင် ဗိုလ်အောင်ကျော် ကျဆုံးခဲ့သည့် ကျောင်းသားသပိတ်တွင် ဗိုလ်အောင်ကျော်နှင့်အတူ သပိတ်တပ်ဦးတွင် ပါဝင်ခဲ့သူ တစ်ဦးဖြစ်ပြီး ၁၉၄၁ ခုနှစ်တွင် ဘီအိုင်အေတပ်သို့ ၀င်ရောက်ခဲ့ပြီး ဂျပန်ခေတ် မင်္ဂလာဒုံ ဗိုလ်သင်တန်း ပထမပတ်သို့ တက်ရောက်ခဲ့ကာ တပ်မတော်တွင် အဆင့်ဆင့် ရာထူးများ ရရှိခဲ့ကာ ၁၉၆၃ ခုနှစ် ဖေဖော်ဝါရီတွင် တပ်မတော်မှ အနားယူခဲ့ပြီး တော်လှန်ရေးကောင်စီ အစိုးရနှင့် မဆလအစိုးရလက်ထက်၌ နှစ်ကြိမ်တိုင်တိုင် ဖမ်းဆီးထောင်ချခံခဲ့ရသည်။

NLD ဗဟိုအလုပ်အမှုဆောင်အဖွဲ့ဝင် ဦးဟံသာမြင့်က “အန်ကယ် ဦးကြည်မောင်ကို အမှတ်ရတာကတော့ ၂၀၀၂၊ ၂၀၀၃ လောက်က အန်ကယ်နဲ့သူနဲ့က တစ်ပတ်ကိုတစ်ခါ အနည်းဆုံးတွေ့တယ်။ တွေ့တဲ့အခါမှာ ဘာဖြစ်လဲဆိုတော့ သူက ဒီပဲယင်းအရေးအခင်း အပြီးလေးမှာပဲ သူ့ရဲ့ စာမူလေးနှစ်ခုကို အန်ကယ်တို့က တိတ်တိတ်ရိုက်ပေးရတာပေါ့။ အဲဒီအချိန်တုန်းက တော်တော်ကြီးကို တင်းကျပ်နေတဲ့ အချိန်ကိုး။ အဲဒီစာတမ်းနှစ်ခုက တစ်လောတုန်းက ဆရာကိုတာတို့ မုံရွေးက ထွက်လာတယ်။ အဲဒီစာတမ်းလေးတွေပါ။ အဲဒီလေးတွေက အမှတ်တရပေါ့။ သမိုင်းမှာ သူဟာ အဲဒီတုန်းကပါတဲ့သူ အန်ကယ်ကြားဖူးတာ။ ဗိုလ်အောင်ကျော် အရေးအခင်းတုန်းက ဗိုလ်အောင်ကျော် အရိုက်ခံရလို့ မှောက်လျက်လဲသွားတဲ့ အခါမှာ သမဂ္ဂအလံကိုကိုင်ပြီး ထပြီး ရုန်းသွားတဲ့သူဆိုတာ ဒါက သူနဲ့အတူတူပါတဲ့ ဦးလေးချစ် မုံရွာက ပြောပြတာ။ အဲဒါ ကိုကြည်မောင်ကွဆိုပြီး။ သူ (ဦးကြည်မောင်) က အန်ကယ်တို့ကို မပြောဘူး။ အန်ကယ်တို့က အန်ကယ် (ဦးကြည်မောင်)အဲဒီတုန်းက ပါတယ်ဆိုမှ အေးဟုတ်တယ် အဲဒါပဲပြောတယ်။ အဲဒီလိုလူမျိုး။ ဗိုလ်အောင်ကျော် ဆုံးသွားတဲ့အချိန် ရိုက်ခံရလို့ လဲသွားတဲ့အချိန် အလံကို ကိုင်သွားတာ သူပဲ။ အဲဒီထဲကနေပြီးတော့ တောက်လျှောက်ပါလာတာ သူပဲ။ အင်မတန် Principle ကျတဲ့ သူတစ်ယောက်လို့ ထင်တယ်” ဟု ပြောကြားသည်။

NLD ပါတီ စတင်တည်ထောင်ချိန်တွင် ဦးကြည်မောင်သည် ပါတီဗဟို အလုပ်အမှုဆောင် အဖွဲ့ကော်မတီဝင် (သုတေသနဌာနမှူး) အဖြစ် တာဝန်ထမ်းဆောင်ခဲ့ပြီး ၁၉၉၀ ရွေးကောက်ပွဲတွင် လည်းကောင်း၊ ဂန္ဒီခန်းမ၌ အစည်းအဝေး ပြုလုပ်ရာတွင် လည်းကောင်း အဖွဲ့ချုပ်ကို ဦးဆောင်ခဲ့ကာ ၁၉၉၅ ခုနှစ်အထိ ထပ်မံ ထောင်ဒဏ်ကျခံခဲ့ရပြီး ၁၉၉၅ ခုနှစ်တွင် NLD ပါတီ ဗဟိုအလုပ်အမှုဆောင်အဖွဲ့ ဒုတိယဥက္ကဋ္ဌတာဝန် ထမ်းဆောင်ခဲ့ကြောင်း သိရသည်။

“ဘာပဲဖြစ်ဖြစ် ဦးကြည်မောင်ဆိုတာ သမိုင်းမှာ ဖျောက်ဖျက်လို့ မရဘူး။ ၁၉၉၀ ရွေးကောက်ပွဲမှာ ဒါဘာပဲဖြစ်ဖြစ် ဦးကြည်မောင် ဦးဆောင်ခဲ့တယ်။ ဦးကြည်မောင်ဟာ တကယ်တမ်းပြောရင်တော့ ဦးတင်ဦးနဲ့ ဒေါ်အောင်ဆန်းစုကြည် ထိန်းသိမ်းခံရတဲ့ အခါမှာ NLD ရဲ့ တရားဝင် မဟုတ်သော်လည်း ဥက္ကဋ္ဌတစ်ယောက် အနေနဲ့ တာဝန်ယူခဲ့တာ သမိုင်းမှာ အထင်အရှား ရှိပြီးသားပါ။ သူဟာ သူ့ဘ၀တစ်လျှောက်လုံး သူမှန်တယ်ထင်တဲ့အတိုင်း ရပ်တယ်။ ဥပမာ ဦးနေ၀င်းနဲ့သူနဲ့ သူတော်လှန်ရေးကောင်စီဝင် ဖြစ်ရဲ့သားနဲ့ ဦးနေ၀င်းကို သူဆန့်ကျင်တယ်။ ဆန့်ကျင်တယ်ဆိုတာ မြန်မာ့ဆိုရှယ်လစ်လမ်းစဉ်ကို မယုံဘူး။ သူက ဟန်ပြလုပ်တာတွေ အကုန်လုံးကို လက်မခံဘူး။ နောက်တစ်ခုက စစ်သားဆိုတာ နိုင်ငံရေးရယ်၊ ငွေရယ်နဲ့ ဝေးဝေးနေသင့်တယ်ဆိုတဲ့ အယူအဆ သူ့မှာ နဂိုတည်းက ရှိတယ်လေ။ အဲဒီအတွက်ကြောင့် သူဆန့်ကျင်ခဲ့တယ်။ NLD မှာလည်း သူ ဒေါ်အောင်ဆန်းစုကြည်နဲ့ သဘောထားကွဲလွဲတယ်။ အဓိက,ကတော့ သူက စုပေါင်းဦးဆောင်မှုကို ယုံကြည်တယ်။ ဒေါ်အောင်ဆန်းစုကြည်က စုပေါင်းဦးဆောင်မှုနဲ့ မသွားချင်ဘဲနဲ့ တချို့ဟာတွေကို သူ့သဘောနဲ့သူ ဆုံးဖြတ်တဲ့ အခါမှာ ဦးကြည်မောင်က ဒါကို မကြိုက်ဘူး။ မကြိုက်တဲ့ အတွက်ကြောင့် သဘောထားကွဲလွဲပြီး သူ NLD က နားလိုက်တယ်။ သို့သော်လည်း ကျန်တဲ့ လူမှုရေး အကြောင်းအရာတွေ ရှိသင့်သလောက် ရှိတာပေါ့နော်။ လူမှုရေး အကြောင်းအရာတွေကိုကတော့ လူပုဂ္ဂိုလ်တွေ ထိခိုက်နစ်နာမှာစိုးလို့ မပြောတော့ပါဘူး။ အဓိက,ကတော့ ခေါင်းဆောင်မှုပုံစံကြောင့် သဘောထားကွဲလွဲတာပဲ” ဟု ဦးတင်မောင်ဦးက ဆိုသည်။

ဦးကြည်မောင်သည် ၁၉၉၇ ခုနှစ်မှ စတင်ကာ ကွယ်လွန်ချိန်အထိ လူငယ်များအား ပညာမျှဝေမှုနှင့် စာတမ်းပြုစုခြင်း ကိစ္စများကိုသာ အဓိက ဆောင်ရွက်ခဲ့ပြီး ဇင်ဗုဒ္ဓဘာသာဆိုင်ရာ စာအုပ်နှစ်အုပ်ကို ရေးသားခဲ့ကာ နိုင်ငံတော်နှင့် စစ်မှုထမ်းစာတမ်း စသော စာတမ်းများကို ပြုစုခဲ့ပြီး ၂၀၀၄ ခုနှစ် သြဂုတ် ၁၉ ရက်တွင် နှလုံးရောဂါဖြင့် ကွယ်လွန်ခဲ့ခြင်းဖြစ်သည်။

လွှတ်တော်သည် ဆောင်ပုဒ်၊ ကဗျာ၊ လေးလုံးစပ်၊ ဒွေးချိုးပြိုင်သည့်နေရာ မဟုတ်ကြောင်း ပြည်သူ့လွှတ်တော်ဥက္ကဋ္ဌ ပြောကြား

လွှတ်တော်သည် ဆောင်ပုဒ်၊ ကဗျာ၊ လေးလုံးစပ်၊ ဒွေးချိုးပြိုင်သည့်နေရာ မဟုတ်aကြာင်း ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

လွှတ်တော်ကိုယ်စားလှယ်များ အနေဖြင့် လွှတ်တော်တွင် ကိုယ့်ဆွေးနွေးချက်များကို ကိုယ်တာဝန်ခံရမည် ဖြစ်ကြောင်းနှင့် ပြီးစလွယ် မပြောစေချင်ကြောင်း ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

လွှတ်တော်ဥက္ကဋ္ဌ ဦးဝင်းမြင့်က နေပြည်တော်တွင် သြဂုတ် ၁၈ ရက်က ကျင်းပသည့် ပြည်သူ့လွှတ်တော် အစည်းအဝေး၌ မေးခွန်းမေးမြန်းခြင်း အစီအစဉ် အပြီးတွင် အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။

လွှတ်တော်ကိုယ်စားလှယ် အားလုံးသည်လည်း လွှတ်တော်ဆိုင်ရာဥပဒေ၊ နည်းဥပဒေအတိုင်း ကျင့်သုံးရမည်ဖြစ်ကြောင်း၊ ဥပဒေ၊ နည်းဥပဒေကို ကျော်လွန်ပြီး ကျင့်သုံး၍ မရကြောင်း၊ ဥက္ကဋ္ဌ အနေဖြင့်လည်း ဥပဒေ၊ နည်းဥပဒေကို ကျော်လွန်ပြီး ကျင့်သုံး၍ မရကြောင်း ဦးဝင်းမြင့်က ပြောကြားသည်။

“ဒါကြောင့်မို့လို့ လွှတ်တော်မှာ ဆွေးနွေးတဲ့ အခါမှာ ဆောင်ပုဒ်တို့၊ ကဗျာတို့၊ လေးလုံးစပ်တို့၊ ဒွေးချိုးတို့၊ လေးချိုးတို့ ဒါတွေ တော်တော်များများ သတိထားကြပါ။ ဒါက ဒီနေရာက လွှတ်တော်ဖြစ်ပါတယ်။ အဲဒီတော့ လိုအပ်တာထက် ပိုလာရင် အပွင့်လင်းဆုံး ပြောပါမယ်။ ကျွန်တော်ကိုယ်တိုင်ပင်လျှင်လည်း မနှစ်သက်ပါဘူး။ အခုနလည်း တစ်ခုတွေ့လိုက်တယ်။ ဟိုတုန်းကလည်း ကိုယ်စားလှယ်တွေ ဆွေးနွေးတာရှိတယ်။ ကျွန်တော် ပြန်မကောက်တော့ဘူး။ ကျွန်တော် ပြောပြီးပြီ။ ဒီနေရာဟာ ဆောင်ပုဒ်ပြိုင်တဲ့နေရာ မဟုတ်ဘူး။ ကဗျာပြိုင်တဲ့နေရာ မဟုတ်ဘူး။ လေးလုံးစပ်ပြိုင်တဲ့နေရာ မဟုတ်ဘူး။ ဒွေးချိုးပြိုင်တဲ့နေရာ မဟုတ်ဘူး။ ဆွေးနွေးစရာ ရှိတာကို ပွင့်ပွင့်လင်းလင်းနဲ့ ရှင်းရှင်းလင်းလင်း ဆွေးနွေး၊ အဲတစ်ခု အသိပေးထားမယ်။ ကိုယ်စားလှယ်များအား လွှတ်တော်မှာ ဆွေးနွေးချက်များသည် နည်းဥပဒေ ပြန်ကြည့်ပါ မှန်ကန်ကြောင်း အထောက်အထားရှိကြောင်း ကိုယ်စားလှယ်တွေ အားလုံး တာဝန်ယူရတယ်။ အဲဒါပြန်ကြည့်။ အဲဒါကို သတိမပြတ်နဲ့။ ကျွန်တော် စာအုပ်လှန်ပြီး မဖတ်ပြတော့ဘူး။ လွှတ်တော်မှာ ဆွေးနွေးချက်များ အားလုံးဟာ ကိုယ်စားလှယ်တွေအားလုံး ကိုယ်ဆွေးနွေးတာကို ကိုယ်တာဝန်ခံရမယ်။ ကိုယ့်မှာ ခိုင်ခိုင်လုံလုံ ရှိရမယ်။ အဲဒါလေးတော့ သတိပြုစေချင်ပါတယ်။ ပြီးလွယ်စီးလွယ်စကားကို မပြောစေချင်ပါဘူး” ဟု ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

ထို့ပြင် ပြည်သူ့လွှတ်တော်ဥက္ကဋ္ဌ ဦးဝင်းမြင့်က ကောလင်းမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးမျိုးဇော်အောင်၏ မေးခွန်းမေးမြန်းမှု အပြီးတွင်လည်း “ကျွန်တော်တို့ ကိုယ်စားလှယ်တွေ ဆွေးနွေးတဲ့အခါမှာ ကိုယ်စားလှယ်တွေရဲ့ လုပ်ပိုင်ခွင့်၊ တာဝန်၊ ရပိုင်ခွင့်အရ ဆွေးနွေးခွင့်လည်း ပေးထားပါတယ်။ ကျွန်တော်တို့ ကိုယ်စားလှယ်တွေ အားလုံး နားလည်သဘောပေါက်ဖို့ပါ။ ဆွေးနွေးတာနဲ့ Story ပြောတာ မတူဘူး။ ဆွေးနွေးစရာ ရှိတာကို ဆွေးနွေးလိုက်ပါ။ လွှတ်တော်ထဲမှာ Story ပြောရမှာ မဟုတ်ဘူး။ အဲဒါကို ကျွန်တော်တို့ သတိပြုသင့်တယ်။ လွှတ်တော်က Story ပြောတဲ့နေရာ မဟုတ်ဘူး။ ဆွေးနွေးစရာ ရှိတာတော့ ဆွေးနွေးလိုက် ဘာပြောချင်လဲ၊ ဘာဆွေးနွေချင်လဲ၊ ဆွေးနွေးလိုက်။ ဒါလေးတို့ ဂရုစိုက်စေချင်တယ်” ဟု ပြောကြားသည်။

ယစ်မျိုးလိုင်စင် အရေအတွက် တစ်နိုင်ငံလုံး၌ ၂၀၁၂-၂၀၁၃ ဘဏ္ဍာနှစ်တွင် ၄၁၂၉၃ ခု ခွင့်ပြုပေးခဲ့ပြီး ၂၀၁၇-၂၀၁၈ ဘဏ္ဍာနှစ်တွင် လိုင်စင်အရေအတွက် ၄၁၁၄၀ ခုသာ လျှော့ချခွင့်ပြုခဲ့ကြောင်း ပြည်ထဲရေး ဒုတိယ၀န်ကြီး ပြောကြား

သြဂုတ် ၁၈ ရက်က ပြည်သူ့လွှတ်တော် အစည်းအဝေးတွင် ပြည်ထဲရေး ဒုတိယ၀န်ကြီး ဖြေကြားစဉ်

ယစ်မျိုးလိုင်စင် အရေအတွက် တစ်နိုင်ငံလုံး၌ ၂၀၁၂-၂၀၁၃ ဘဏ္ဍာနှစ်တွင် ၄၁၂၉၃ ခု ခွင့်ပြုပေးခဲ့ပြီး ယခု ၂၀၁၇-၂၀၁၈ ဘဏ္ဍာနှစ်တွင် လိုင်စင်အရေအတွက် ၄၁၁၄၀ ခုသာ လျှော့ချခွင့်ပြုခဲ့ကြောင်း  ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်ချုပ်အောင်စိုးက ပြောကြားသည်။

နေပြည်တော်တွင် သြဂုတ် ၁၈ ရက်က ကျင်းပသည့် ပြည်သူ့လွှတ်တော် အစည်းအဝေး၌ ကောလင်းမဲဆန္ဒနယ်မှ လွှတ်တော်ကိုယ်စားလှယ် ဦးမျိုးဇော်အောင်၏ “နိုင်ငံအနှံ့ ကျေးရွာများတွင် တရားမ၀င်ရော တရားဝင်ပါ ချက်နေကြသော ချက်အရက်များကို ထိန်းချုပ်ရန် အစီအစဉ် ရှိ၊ မရှိ” မေးခွန်းကို ဒုတိယ၀န်ကြီး ဗိုလ်ချုပ်အောင်စိုးက ဖြေရာတွင် အထက်ပါကဲ့သို့ ထည့်သွင်းပြောကြားသည်။

“နှစ်စဉ် ဘဏ္ဍာနှစ်အလိုက် ယစ်မျိုးလိုင်စင်များ ခွင့်ပြုပေးရာတွင်လည်း ယစ်မျိုးမူဝါဒနဲ့အညီ တစ်နှစ်ထက်တစ်နှစ် လျှော့ချခွင့်ပြုလျက် ရှိရာမှာ ၂၀၁၂-၂၀၁၃ ဘဏ္ဍာနှစ်မှာ လိုင်စင်အရေအတွက် တစ်နိုင်ငံလုံးမှာ ၄၁၂၉၃ ခု ခွင့်ပြုပေးခဲ့ရာကနေ ယခု ၂၀၁၇-၂၀၁၈ ဘဏ္ဍာနှစ်မှာတော့ လိုင်စင်အရေအတွက် ၄၁၁၄၀ ခုသာ လျှော့ချ ခွင့်ပြုပေးခဲ့ပါတယ်။ အရက်ကို ပိုင်ဆိုင်ခွင့်၊ ချက်လုပ်ခွင့်နဲ့ ဖိုထွက်အရက်လိုင်စင်တွေကို ၂၀၁၅-၂၀၁၆ ခုနှစ်မှာ ၄၀၆ ခု ထုတ်ပေးခဲ့ရာကနေ ၂၀၁၇-၂၀၁၈ ခုနှစ်မှာတော့ ၃၉၇ ခုသာ ခွင့်ပြုပေးခဲ့ပါတယ်” ဟု ဒုတိယ၀န်ကြီးက ပြောကြားသည်။

ထို့ပြင် ဓာတုဗေဒပစ္စည်းများ ပါဝင်သည့် အရက်ထုတ်လုပ်မှု၊ ဖြန့်ဖြူးရောင်းချမှုကို တွေ့ရှိရပါက လိုင်စင်ကို ယာယီရပ်ဆိုင်းရန် နေပြည်တော် ကောင်စီနယ်မြေ အပါအ၀င် တိုင်းဒေသကြီး၊ ပြည်နယ်များသို့ ညွှန်ကြားထားကြောင်းလည်း ဗိုလ်ချုပ်အောင်စိုးက ဆက်လက်ပြောကြားသည်။

“ယစ်မျိုးဆိုင်ရာ စီမံခန့်ခွဲမှုများ ဆောင်ရွက်ရာမှာ နိုင်ငံတော်အတွက် ရသင့်ရထိုက်တဲ့ အခွန်များ အပြည့်အ၀ ရရှိစေရန်၊ လိုင်စင်မဲ့ ဆောင်ရွက်နေမှုများကို ဥပဒေနဲ့အညီ စနစ်တကျ အရေးယူ ဆောင်ရွက်ရန်၊ ယစ်မျိုးလိုင်စင်များ အခွန်တိုးမြှင့်ကောက်ခံခြင်းနဲ့ စိစစ်ကြပ်မတ်ရေး Task Force တွေကို ဖွဲ့စည်းပြီး ယစ်မျိုးဆိုင်ရာ လုပ်ငန်းများကို စိစစ်အရေးယူလျက် ရှိရာမှာ ၂၀၁၆ ခုနှစ်မှာ ၁၀၂၆၄ ကြိမ် ကွင်းဆင်းစစ်ဆေးခဲ့ပြီး ၆၆၃၃ မှု ဖမ်းဆီးအရေးယူ ဆောင်ရွက်နိုင်ခဲ့ပါတယ်။ ၂၀၁၇ ခုနှစ် ဇန်န၀ါရီလမှ ဇူလိုင်လအထိကို ၆၀၅၇ ကြိမ် ကွင်းဆင်းစစ်ဆေးခဲ့ပြီး ၃၂၅၀ ကြိမ် အရေးယူနိုင်ခဲ့ပါတယ်။ ဒါ့အပြင် သတင်းပေး တိုင်တန်းချက်များ ရရှိပါကလည်း ဖမ်းဆီးစစ်ဆေးလျက် ရှိပါတယ်” ဟု ပြည်ထဲရေး ဒုတိယ၀န်ကြီးက ပြောကြားသည်။

၂၀၁၆-၂၀၁၇ ခုနှစ် ဇူလိုင်လအထိ တရားမ၀င် အရက်ချက်ထုတ်လုပ်မှုများကို စစ်ဆေးအရေးယူခဲ့ရာတွင် ဖမ်းဆီးရမိမှု ၃၁ မှုရှိခဲ့ပြီး လိုင်စင်ရှိသော်လည်း လိုင်စင်စည်းကမ်းနှင့် မညီသည့်အတွက် နှစ်မှု ဖမ်းဆီးအရေးယူ aဆာင်ရွက်ခဲ့ကြောင်း ၎င်းက ပြောကြားသည်။