Politics

တရုတ်အစိုးရ၏ ကြားဝင်စေ့စပ်ပေးမှုကြောင့် ယခင်က ဖိတ်ကြားခြင်းမရှိသော AA၊ TNLA၊ MNDAA အပါအ၀င် တိုင်းရင်းသား လက်နက်ကိုင်အဖွဲ့များ ယနေ့စတင်ကျင်းပမည့် ၂၁ ရာစုပင်လုံ ဒုတိယအစည်းအဝေးသို့ တက်ရောက်မည်

တရုတ်အစိုးရ၏ ကြားဝင်စေ့စပ်ပေးမှုကြောင့် ယခင်က ဖိတ်ကြားခြင်းမရှိသော ရခိုင်လက်နက်ကိုင်အဖွဲ့ (AA)၊ တအာင်းလက်နက်ကိုင်အဖွဲ့ (TNLA)၊ ကိုးကန့်လက်နက်ကိုင်အဖွဲ့ (MNDAA) အဖွဲ့သုံးဖွဲ့အပါအ၀င် တိုင်းရင်းသား လက်နက်ကိုင်အဖွဲ့များသည် မေ ၂၄ ရက် (ယနေ့) စတင်ကျင်းပမည့် ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ ဒုတိယအစည်းအဝေးသို့ တက်ရောက်မည်ဖြစ်သည်။

၂၁ ရာစုပင်လုံ ဒုတိယအစည်းအဝေး တက်ရောက်ရန် ‘၀’ ဦးဆောင်ဖွဲ့စည်းထားသည့် ပြည်ထောင်စု နိုင်ငံရေးဆွေးနွေးညှိနှိုင်းရေး ကော်မတီဝင်ခုနစ်ဖွဲ့သည် တရုတ်အစိုးရ၏ အစီအစဉ်ဖြင့် မေ ၂၃ ရက်က တရုတ်နိုင်ငံ ကူမင်းမြို့မှတစ်ဆင့် နေပြည်တော်သို့ ရောက်ရှိလာသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တရုတ်အာရှရေးရာ အထူးကိုယ်စားလှယ် ဆွန်ကော့ရှန်တို့ ၂၁ ရာစုပင်လုံ ဒုတိယအစည်းအဝေး အောင်မြင်စွာ ကျင်းပနိုင်ရေး ကိစ္စရပ်များ ဆွေးနွေး

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တရုတ်နိုင်ငံ၊ နိုင်ငံခြားရေး ၀န်ကြီးဌာန အာရှရေးရာ အထူးကိုယ်စားလှယ် မစ္စတာဆွန်ကော့ရှန်တို့သည် မေ ၂၃ ရက် မွန်းလွဲ ၂ နာရီခွဲတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ တွေ့ဆုံခဲ့ကြောင်း တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်သည်။

၂၁ ရာစုပင်လုံ ဒုတိယအစည်းအဝေးသို့ တန်းတူရည်တူ ပါဝင်ဆွေးနွေး ဆုံးဖြတ်ပိုင်ခွင့်မရှိသော ‘အထူးဖိတ်ကြားသူ’ အဆင့်ဖြင့်သာ ဖိတ်ကြားလာ၍ တက်ရောက်နိုင်မည် မဟုတ်ကြောင်း UNFC ထုတ်ပြန်

ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ ဒုတိယအစည်းအဝေးသို့ တန်းတူရည်တူ ပါဝင်ဆွေးနွေး ဆုံးဖြတ်ပိုင်ခွင့်မရှိသော ‘အထူးဖိတ်ကြားသူ’ အဆင့်အနေအထားဖြင့်သာ ဖိတ်ကြားလာသဖြင့် ပါဝင်တက်ရောက်နိုင်မည် မဟုတ်ကြောင်း NCA လက်မှတ်မရေးထိုးရသေးသော အဖွဲ့များဖြင့် ဖွဲ့စည်းထားသည့် ညီညွတ်သောတိုင်းရင်းသား လူမျိုးများဖက်ဒရယ်ကောင်စီ (UNFC) က မေ ၂၃ ရက်တွင် ကြေညာချက်ထုတ်ပြန်သည်။

NCA စာချုပ်တွင် ပါဝင် လက်မှတ်ရေးထိုးခြင်း မရှိသေးသည့် တိုင်းရင်းသား လက်နက်ကိုင်တော်လှန်ရေး အဖွဲ့များနှင့် ထိတွေ့ဆက်ဆံပြီး ငြိမ်းချမ်းရေးရရှိရန် ဆောင်ရွက်သွားမည်ဖြစ်ကြောင်း KNU ထုတ်ပြန်

NCA စာချုပ်တွင် ပါဝင်လက်မှတ်ရေးထိုးခြင်း မရှိသေးသည့် တိုင်းရင်းသား လက်နက်ကိုင်တော်လှန်ရေးအဖွဲ့များနှင့် ထိတွေ့ ဆက်ဆံပြီး ငြိမ်းချမ်းရေးရရှိရန် ဆောင်ရွက်သွားမည်ဖြစ်ကြောင်း ကရင်လက်နက်ကိုင်အဖွဲ့ (KNU) က မေ ၂၀ ရက်တွင် ကြေညာချက် ထုတ်ပြန်ခဲ့သည်။

ဒုတိယအကြိမ်မြောက် ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ညီလာခံအား ၂၀၁၇ အောက်တိုဘာတွင် ကျင်းပရန် (၁၃) ကြိမ်မြောက် PNLO ဗဟိုကော်မတီ မျက်နှာစုံညီ အစည်းအဝေး၌ သဘောတူဆုံးဖြတ်

ပအိုဝ်းအမျိုးသား လွတ်မြောက်ရေးအဖွဲ့ချုပ်၏ ဖွဲ့စည်းပုံ အခြေခံဥပဒေ ပြဋ္ဌာန်းချက်နှင့်အညီ ဒုတိယအကြိမ်မြောက် ပအိုဝ်းအမျိုးသား လွတ်မြောက်ရေးအဖွဲ့ချုပ် ညီလာခံကြီးကို ၂၀၁၇ အောက်တိုဘာအတွင်းတွင် ကျင်းပသွားရန် ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ၏ပထမအကြိမ် ညီလာခံသက်တမ်း (၁၃) ကြိမ်မြောက် ဗဟိုကော်မတီ မျက်နှာစုံညီ အစည်းအဝေးတွင် သဘောတူ ဆုံးဖြတ်ခဲ့ကြောင်း မေ ၂၀ ရက်က ထုတ်ပြန်ခဲ့သည်။