တိုင်းရင်းသား လက်နက်ကိုင်အဖွဲ့များ၏ ဆက်ဆံရေးရုံးများ တိကျသည့်လုပ်ငန်း ဆောင်ရွက်ချက်မရှိသဖြင့် ဆက်ဆံရေးရုံး လုပ်ငန်းလမ်းညွှန် ရေးဆွဲရေးနှင့် ပတ်သက်၍ တိုင်းရင်းသား လက်နက်ကိုင်အဖွဲ့ ၁၁ ဖွဲ့ ထိုင်းနိုင်ငံ ချင်းမိုင်မြို့၌ တွေ့ဆုံဆွေးနွေး

ဆက်ဆံရေးရုံးလုပ်ငန်းလမ်းညွှန် (ToR) ရေးဆွဲရေးနှင့် ပတ်သက်၍ တိုင်းရင်းသား လက်နက်ကိုင်အဖွဲ့ ၁၁ ဖွဲ့ ထိုင်းနိုင်ငံ ချင်းမိုင်မြို့၌ ဇွန် ၁၇ ရက်က တွေ့ဆုံဆွေးနွေးစဉ်

တိုင်းရင်းသား လက်နက်ကိုင်အဖွဲ့များ၏ ဆက်ဆံရေးရုံးများ တိကျသည့်လုပ်ငန်း ဆောင်ရွက်ချက်မရှိသဖြင့် ဆက်ဆံရေးရုံး လုပ်ငန်းလမ်းညွှန် (ToR) ရေးဆွဲရေးနှင့်ပတ်သက်၍ တိုင်းရင်းသား လက်နက်ကိုင်အဖွဲ့ ၁၁ ဖွဲ့ ထိုင်းနိုင်ငံ ချင်းမိုင်မြို့၌ ဇွန် ၁၇ ရက်က စတင်တွေ့ဆုံဆွေးနွေးခဲ့ကြောင်း သတင်းရရှိသည်။

အဆိုပါဆွေးနွေးပွဲတွင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသား လက်နက်ကိုင်ရှစ်ဖွဲ့ခေါင်းဆောင်များနှင့် NCA လက်မှတ်ရေးထိုးခြင်းမရှိသေးသည့် မွန်ပြည်သစ်ပါတီ (NMSP)၊ ကရင်နီအမျိုးသားတိုးတက်ရေးပါတီ (KNPP) နှင့် ရှမ်းပြည်တိုးတက်ရေးပါတီ (SSPP/SSA) မှတာဝန်ရှိသူများလည်း တက်ရောက်ခဲ့ကြောင်း သိရသည်။

ဆက်ဆံရေးရုံးများ၏ ရပ်တည်မှုသည် NCA တွင်အသိအမှတ်ပြုထားသော်လည်း ဆက်ဆံရေးရုံး၏ တည်ရှိမှုသည် ယခင်အစိုးရလက်ထက် တိုင်းရင်းသား လက်နက်ကိုင်အဖွဲ့များ ပြည်နယ်အဆင့် ပြည်ထောင်စုအဆင့် အပစ်ရပ်စာချုပ် (bilateral agreement) အပေါ်တွင် မူတည်သောကြောင့် NCA လက်မှတ်ရေးထိုးခြင်း မရှိသေးသည့်အဖွဲ့များ ဆွေးနွေးပွဲတွင် ပါဝင်ရခြင်းဖြစ်ကြောင်း၊ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အဖွဲ့ဝင် ကရင်အမျိုးသားအစည်းအရုံး (KNU) အထွေထွေအတွင်းရေးမှူး ပဒိုစောတာဒိုမူးက ပြောကြားသည်။

“အဲဒီအတွက်ကြောင့် အရင်အစိုးရနဲ့ ချုပ်ဆိုခဲ့တဲ့ bilateral agreement တွေထဲမှာ အကုန်လုံးက ဆက်ဆံရေးရုံးတွေ တည်ဆောက်ရမယ်။ ဘယ်နေရာ ဘယ်နေရာမှာလုပ်မယ်ဆိုတာ အဲဒီ agreement တွေထဲမှာ ရှိထားပြီးသားပဲ။ အဲဒီအတွက်ကြောင့် သူတို့က NCA ကိုမထိုးသေးတဲ့ အဖွဲ့တွေသာဖြစ်ပေမယ့် bilateral agreement အရဆက်ဆံရေးရုံးတွေက သူတို့မှာ အသီးသီးရှိနေကြတယ်။ ဒါကြောင့်သူတို့ကိုလည်း အကျုံးဝင်အောင် သူတို့နဲ့လည်း ဆွေးနွေးတာဖြစ်ပါတယ်” ဟု ပဒိုစောတာဒိုမူးက ပြောကြားသည်။

လက်ရှိတွင် JMC ၏လုပ်ပိုင်ခွင့်အပိုင်းမှ ဆက်ဆံရေးရုံးများနှင့် ပတ်သက်၍ လုပ်ငန်းလမ်းညွှန် (ToR) ရေးဆွဲအတည်ပြုထားပြီးဖြစ်သော်လည်း အဆိုပါ ToR မှာ JMC ဘောင်အတွင်းဖြစ်၍ အကန့်အသတ်ရှိနေကြောင်း၊ JMC ၏လုပ်ငန်းလမ်းညွှန် (ToR) တွင်ဆက်ဆံရေးရုံး၏ကဏ္ဍက (Complaint) များကိုလက်ခံခြင်း၊ Complaint များကိုတစ်ဆင့် သက်ဆိုင်ရာသို့ ပြန်ပေးပို့သည့် အဆင့်လောက်သာရှိကြောင်း၊ အစိုးရနှင့် တိုင်းရင်းသား လက်နက်ကိုင် အဖွဲ့အစည်းများကြား ဆက်ဆံရေးရုံးသည် အခရာကျကြောင်း၊ သို့သော်ဆက်ဆံရေးရုံးများတွင် ToR မရှိသည့်အတွက် ဆက်ဆံရေးရုံးတာဝန်ရှိသူများမှာ တိတိကျကျဆက်ဆံခံရခြင်းနှင့် တိတိကျကျ လုပ်ဆောင်ချက်မရှိကြောင်း၊ သို့ဖြစ်၍ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အပိုင်းကဏ္ဍမှ ဆက်ဆံရေးရုံးများနှင့် ပတ်သက်၍ လုပ်ငန်းလမ်းညွှန် ဆက်လက်ရေးဆွဲရန် တိုင်းရင်းသား လက်နက်ကိုင်အဖွဲ့များအကြား ကြိုတင်ညှိနှိုင်းဆွေးနွေးခြင်းဖြစ်ကြောင်း ၎င်းကဆိုသည်။

ပဒိုစောတာဒိုမူးက “JMC က JMC ရဲ့ဘောင်ထဲမှာ ရှိတယ်ဆိုပေမယ့် ဆက်ဆံရေးရုံးရဲ့ လုပ်ပိုင်ခွင့်တွေကျတော့ ခုနကပြောတဲ့ဆက်ဆံရေးရုံး အမှန်တကယ် အဖွဲ့အစည်းကိုယ်စားပြုပြီး တာဝန်ယူနေရတဲ့ အပိုင်းမှာ JMC ရဲ့ဘောင်အပြင်ဘက်မှာရှိတဲ့ ကိစ္စရပ်တွေ ရှိနေပြန်ရော။ အဲဒီအတွက်ကြောင့် ကျွန်တော်တို့ JMC ကနေပြီးတော့ လွန်ခဲ့တဲ့နိုဝင်ဘာလမှာ JMC နဲ့ ပတ်သက်တဲ့အပိုင်းတွေပဲ ကျွန်တော်တို့က ရေးပေးပြီးတော့ JMCOU အနေနဲ့ အတည်ပြုပေးလိုက်တယ်။ ဒါပေမဲ့ ဆက်ဆံရေးရုံးရဲ့ JMC ပြင်ပမှာရှိတဲ့ကိစ္စကို UPDJC နဲ့ပတ်သက်တဲ့အပိုင်းကို ဆက်ပြီးဆွေးနွေးဖို့ လိုပါတယ်။ အဲဒီအတွက်ကြောင့် ကျွန်တော်တို့ တိုင်းရင်းသား ခေါင်းဆောင်တွေကြားထဲမှာလည်း ကျွန်တော်တို့ဆက်ဆံရေးရုံးကို UPDJC ကတာဝန်ရှိတဲ့သူတွေလည်း ဖိတ်ခေါ်တယ်။ JMC ကတာဝန်ရှိတဲ့ သူတွေလည်းဖိတ်ခေါ်ပြီးတော့ JIMC ကတာဝန်ရှိတဲ့ သူတွေလည်းပါပြီးတော့မှ ထိုင်ပြီးတော့ ကျွန်တော်တို့ ဆက်ဆံရေးရုံးရဲ့ JMC ရဲ့ဘောင်အပြင်မှာရှိတဲ့ကိစ္စတွေကို ဘယ်လိုဆက်ပြီးတော့ ရေးဆွဲသင့်သလဲ၊ ပြီးရင်ကျွန်တော်တို့က JIMC အစည်းအဝေးကို ပြန်တင်ရမယ်။ အဲဒီတော့ JIMC အစည်းအဝေးကနေပြီးတော့ အတည်ပြုမှ ဆက်ဆံရေးရုံးတွေရဲ့ ToR တစ်စုံလုံးက အတည်ဖြစ်သွားမယ်” ဟုပြောကြားသည်။

ထို့ပြင် ဆက်ဆံရေးရုံးများနှင့် ပတ်သက်၍ အဖွဲ့အစည်း တစ်ခုနှင့်တစ်ခုကြား စိန်ခေါ်မှုအမျိုးမျိုးဖြစ်နေပြီး ယခင်ဆက်ဆံရေးရုံး ဖွင့်လှစ်ထားသည့် NCA လက်မှတ်ရေးထိုးခြင်း မရှိသေးသောအဖွဲ့များအနေဖြင့် မည်သူနှင့် ဆက်သွယ်ရမှန်းမသိသည့် အခြေအနေမျိုး ဖြစ်နေကြောင်း သိရသည်။

“ဥပမာပထမဆုံးစိန်ခေါ်မှုကတော့ ကျွန်တော်တို့မြို့မှာ သွားလုပ်ရတဲ့အတွက် ဘဏ္ဍာရေးအရ စိန်ခေါ်မှုကတော့ရှိတာပေါ့။ ဒုတိယတစ်ခုက ဆက်ဆံရေးရုံးတွေက အဖွဲ့အစည်း ကိုယ်စားသွားပြီးတော့ ရပ်တည်လုပ်ဆောင်မယ်ဆိုပေမယ့် သူတို့ကို တန်းတူဆက်ဆံခံရတယ်လို့ မခံစားရတဲ့ပုံစံတွေ ဖော်ပြသွားတာရှိတယ်။ ဥပမာ တချို့ဆိုရင် ဆက်ဆံရေးရုံးကို ဆက်သွယ်ရမယ့် တပ်လှုပ်ရှားမှုတွေ ရှိတယ်ဆိုရင် ဆက်ဆံရေးရုံးကနေတစ်ဆင့် သွားရမယ်ဆိုတဲ့အပိုင်းတွေမှာ တစ်ဖက်နဲ့တစ်ဖက် bilateral agreement တွေမှာဆက်ဆံရေးရုံးကနေ အသိပေးမယ်။ သူ့ဘက်ကိုယ့်ဘက် လှုပ်ရှားမှုတွေဆိုရင်။ ဒါပေမဲ့အဲဒါမျိုးတွေ အသိမပေးတာမျိုးတွေဖြစ်တယ်။ ဖြစ်ပြီးမှ အကြောင်းပြန်ကြားတာမျိုးတွေရှိတယ်။ အဲဒီလိုဟာမျိုးတွေရှိတာပေါ့။ တခြားကိစ္စတွေလည်း အများကြီးရှိပါတယ်။ တချို့ NCA လက်မှတ်မထိုးရသေးတဲ့အဖွဲ့တွေ ပိုပြီးကြုံတွေ့ရတာက သူတို့ဘယ်သူနဲ့ ဆက်သွယ်ရမှန်းကို မသိဘူးဖြစ်နေတယ်။ အဲဒီလို သဘောရှိပါတယ်” ဟု ပဒိုစောတာဒိုမူးက ပြောကြားသည်။

လက်ရှိ ကရင်အမျိုးသားအစည်းအရုံး (KNU) ကဆက်ဆံရေးရုံးခြောက်ရုံး၊ KNL/PC ကဆက်ဆံရေးရုံးသုံးရုံး၊ DKBA ကဆက်ဆံရေးရုံးသုံးရုံး၊ ချင်းအမျိုးသားတပ်ဦး (CNF) ကဆက်ဆံရေးရုံးသုံးရုံး၊ ရခိုင်ပြည် လွတ်မြောက်ရေးပါတီ (ALP) ကဆက်ဆံရေးရုံးတစ်ရုံး၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ကဆက်ဆံရေးရုံးတစ်ရုံး၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ကဆက်ဆံရေးရုံးသုံးရုံး၊ ရှမ်းပြည် ပြန်လည်ထူထောင်ရေးကောင်စီ (RCSS/SSA) ကဆက်ဆံရေးရုံးခုနစ်ရုံး၊ မွန်ပြည်သစ်ပါတီ (NMSP) ကဆက်ဆံရေးရုံးခြောက်ရုံး၊ ကရင်နီအမျိုးသားတိုးတက်ရေးပါတီ (KNPP) ကဆက်ဆံရေးရုံးသုံးရုံးနှင့် ရှမ်းပြည်တိုးတက်ရေးပါတီ (SSPP\SSA) ကဆက်ဆံရေးရုံး သုံးရုံးဖွင့်လှစ်ထားကြောင်း Network Media Group ၏သတင်းဖော်ပြချက်အရ သိရသည်။

“အဓိက,က ကျွန်တော်တို့က NCA ကိုလက်မှတ်ရေးထိုးတဲ့ အခြေခံက ကျွန်တော်တို့ နိုင်ငံရေး အခင်းအကျင်းအသစ်တစ်ခုနဲ့ တိုင်းပြည်ကို လက်နက်ကိုင်နည်းနဲ့ မဖြေရှင်းဘဲနဲ့ တွေ့ဆုံညှိနှိုင်းဖြေရှင်းတဲ့ အခင်းအကျင်းတစ်ခုကို ကျွန်တော်တို့သွားမယ်ဆိုတဲ့ အနေအထားကို ရှိတဲ့အတွက်ကြောင့် NCA အရသဘောတူထားတဲ့ နှစ်ဖက် mechanism အကုန်လုံးက အလုပ်လုပ်ဖို့လိုပါတယ်။ NCA ကသဘောတူတဲ့ mechanism တွေကတော့ JMC လုပ်နေပြီ။ UPDJC လုပ်နေပြီ။ ဒါပေမဲ့ ဆက်ဆံရေးရုံးတွေကတော့ လက်ရှိက ရှိနေတယ်ဆိုပေမယ့် သူတို့က ကောင်းကောင်း အသိအမှတ်ပြုမခံရသေးတဲ့ သဘောမျိုးတွေ ရှိနေတယ်။ သူတို့ကို အားဖြည့်ပေးဖို့လိုမယ်။ အဲဒီ Tor တွေပြီးသွားမယ်ဆိုရင် သူတို့ကောင်းကောင်း function ဖြစ်သွားနိုင်တယ်။ ထိုနည်းလည်းကောင်းပဲ ကျွန်တော်တို့ကြား ကာလအစီအစဉ်ဆိုတဲ့အပိုင်းတွေမှာလည်း အများကြီး ညှိနှိုင်းဆောင်ရွက်ဖို့ရှိတယ်ဆိုတော့။ အဲဒီတော့ ဆိုလိုချင်တာက ငြိမ်းချမ်းရေးလုပ်ငန်းစဉ် တစ်ခုလုံးအောင်မြင်ဖို့ဆိုတာက ငြိမ်းချမ်းရေးလုပ်ငန်းစဉ်ထဲမှာပါဝင်တဲ့ သက်ဆိုင်ရာ ဒေါက်တိုင်တွေဖြစ်တဲ့ UPDJC တို့၊ JMC တို့၊ ဆက်ဆံရေးရုံးတို့၊ ကြားကာလတို့ စသည်ဖြင့် ဒါတွေအကုန်လုံးကသက်ဝင် လှုပ်ရှားနေပြီးတော့ အဲဒီလိုဖြစ်တော့မှပဲ ငြိမ်းချမ်းရေးလုပ်ငန်းစဉ်က ကောင်းကောင်းမွန်မွန်သွားနိုင်မှာ ဖြစ်ပါတယ်။ အဲဒီအတွက် ဆက်ဆံရေးနဲ့ ပတ်သက်တဲ့ ဆွေးနွေးပွဲက အင်မတန်အရေးကြီးပါတယ်” ဟု ပဒိုစောတာဒိုမူးက ပြောကြားသည်။

အဆိုပါ ဆက်ဆံရေးရုံးလုပ်ငန်းလမ်းညွှန် (ToR) ရေးဆွဲရေး ညှိနှိုင်းအစည်းအဝေးကို ယူရို-ဘားမားအဖွဲ့က ကမကထပြုခြင်းဖြစ်ပြီး ဇွန် ၁၈ ရက်ထိကျင်းပမည်ဖြစ်ကာ အစည်းအဝေးသို့   တိုင်းရင်းသား လက်နက်ကိုင်အဖွဲ့ ၁၁ ဖွဲ့မှ ဆက်ဆံရေးရုံး တာဝန်ယူထားသူများအားလုံး တက်ရောက်ဆွေးနွေးနေကြောင်း သိရသည်။

Writer: 
ကျော်ဇင်ဝင်း၊ ၀ီရမိုးနေ