ယစ်မျိုးလိုင်စင် အရေအတွက် တစ်နိုင်ငံလုံး၌ ၂၀၁၂-၂၀၁၃ ဘဏ္ဍာနှစ်တွင် ၄၁၂၉၃ ခု ခွင့်ပြုပေးခဲ့ပြီး ၂၀၁၇-၂၀၁၈ ဘဏ္ဍာနှစ်တွင် လိုင်စင်အရေအတွက် ၄၁၁၄၀ ခုသာ လျှော့ချခွင့်ပြုခဲ့ကြောင်း ပြည်ထဲရေး ဒုတိယဝန်ကြီး ပြောကြား

ယစ်မျိုးလိုင်စင် အရေအတွက် တစ်နိုင်ငံလုံး၌ ၂၀၁၂-၂၀၁၃ ဘဏ္ဍာနှစ်တွင် ၄၁၂၉၃ ခု ခွင့်ပြုပေးခဲ့ပြီး ၂၀၁၇-၂၀၁၈ ဘဏ္ဍာနှစ်တွင် လိုင်စင်အရေအတွက် ၄၁၁၄၀ ခုသာ လျှော့ချခွင့်ပြုခဲ့ကြောင်း ပြည်ထဲရေး ဒုတိယဝန်ကြီး ပြောကြား
Published 19 August 2017

သြဂုတ် ၁၈ ရက်က ပြည်သူ့လွှတ်တော် အစည်းအဝေးတွင် ပြည်ထဲရေး ဒုတိယဝန်ကြီး ဖြေကြားစဉ်

ယစ်မျိုးလိုင်စင် အရေအတွက် တစ်နိုင်ငံလုံး၌ ၂၀၁၂-၂၀၁၃ ဘဏ္ဍာနှစ်တွင် ၄၁၂၉၃ ခု ခွင့်ပြုပေးခဲ့ပြီး ယခု ၂၀၁၇-၂၀၁၈ ဘဏ္ဍာနှစ်တွင် လိုင်စင်အရေအတွက် ၄၁၁၄၀ ခုသာ လျှော့ချခွင့်ပြုခဲ့ကြောင်း  ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုးက ပြောကြားသည်။

နေပြည်တော်တွင် သြဂုတ် ၁၈ ရက်က ကျင်းပသည့် ပြည်သူ့လွှတ်တော် အစည်းအဝေး၌ ကောလင်းမဲဆန္ဒနယ်မှ လွှတ်တော်ကိုယ်စားလှယ် ဦးမျိုးဇော်အောင်၏ “နိုင်ငံအနှံ့ ကျေးရွာများတွင် တရားမဝင်ရော တရားဝင်ပါ ချက်နေကြသော ချက်အရက်များကို ထိန်းချုပ်ရန် အစီအစဉ် ရှိ၊ မရှိ” မေးခွန်းကို ဒုတိယဝန်ကြီး ဗိုလ်ချုပ်အောင်စိုးက ဖြေရာတွင် အထက်ပါကဲ့သို့ ထည့်သွင်းပြောကြားသည်။

“နှစ်စဉ် ဘဏ္ဍာနှစ်အလိုက် ယစ်မျိုးလိုင်စင်များ ခွင့်ပြုပေးရာတွင်လည်း ယစ်မျိုးမူဝါဒနဲ့အညီ တစ်နှစ်ထက်တစ်နှစ် လျှော့ချခွင့်ပြုလျက် ရှိရာမှာ ၂၀၁၂-၂၀၁၃ ဘဏ္ဍာနှစ်မှာ လိုင်စင်အရေအတွက် တစ်နိုင်ငံလုံးမှာ ၄၁၂၉၃ ခု ခွင့်ပြုပေးခဲ့ရာကနေ ယခု ၂၀၁၇-၂၀၁၈ ဘဏ္ဍာနှစ်မှာတော့ လိုင်စင်အရေအတွက် ၄၁၁၄၀ ခုသာ လျှော့ချ ခွင့်ပြုပေးခဲ့ပါတယ်။ အရက်ကို ပိုင်ဆိုင်ခွင့်၊ ချက်လုပ်ခွင့်နဲ့ ဖိုထွက်အရက်လိုင်စင်တွေကို ၂၀၁၅-၂၀၁၆ ခုနှစ်မှာ ၄၀၆ ခု ထုတ်ပေးခဲ့ရာကနေ ၂၀၁၇-၂၀၁၈ ခုနှစ်မှာတော့ ၃၉၇ ခုသာ ခွင့်ပြုပေးခဲ့ပါတယ်” ဟု ဒုတိယဝန်ကြီးက ပြောကြားသည်။

ထို့ပြင် ဓာတုဗေဒပစ္စည်းများ ပါဝင်သည့် အရက်ထုတ်လုပ်မှု၊ ဖြန့်ဖြူးရောင်းချမှုကို တွေ့ရှိရပါက လိုင်စင်ကို ယာယီရပ်ဆိုင်းရန် နေပြည်တော် ကောင်စီနယ်မြေ အပါအဝင် တိုင်းဒေသကြီး၊ ပြည်နယ်များသို့ ညွှန်ကြားထားကြောင်းလည်း ဗိုလ်ချုပ်အောင်စိုးက ဆက်လက်ပြောကြားသည်။

“ယစ်မျိုးဆိုင်ရာ စီမံခန့်ခွဲမှုများ ဆောင်ရွက်ရာမှာ နိုင်ငံတော်အတွက် ရသင့်ရထိုက်တဲ့ အခွန်များ အပြည့်အ၀ ရရှိစေရန်၊ လိုင်စင်မဲ့ ဆောင်ရွက်နေမှုများကို ဥပဒေနဲ့အညီ စနစ်တကျ အရေးယူ ဆောင်ရွက်ရန်၊ ယစ်မျိုးလိုင်စင်များ အခွန်တိုးမြှင့်ကောက်ခံခြင်းနဲ့ စိစစ်ကြပ်မတ်ရေး Task Force တွေကို ဖွဲ့စည်းပြီး ယစ်မျိုးဆိုင်ရာ လုပ်ငန်းများကို စိစစ်အရေးယူလျက် ရှိရာမှာ ၂၀၁၆ ခုနှစ်မှာ ၁၀၂၆၄ ကြိမ် ကွင်းဆင်းစစ်ဆေးခဲ့ပြီး ၆၆၃၃ မှု ဖမ်းဆီးအရေးယူ ဆောင်ရွက်နိုင်ခဲ့ပါတယ်။ ၂၀၁၇ ခုနှစ် ဇန်နဝါရီလမှ ဇူလိုင်လအထိကို ၆၀၅၇ ကြိမ် ကွင်းဆင်းစစ်ဆေးခဲ့ပြီး ၃၂၅၀ ကြိမ် အရေးယူနိုင်ခဲ့ပါတယ်။ ဒါ့အပြင် သတင်းပေး တိုင်တန်းချက်များ ရရှိပါကလည်း ဖမ်းဆီးစစ်ဆေးလျက် ရှိပါတယ်” ဟု ပြည်ထဲရေး ဒုတိယဝန်ကြီးက ပြောကြားသည်။

၂၀၁၆-၂၀၁၇ ခုနှစ် ဇူလိုင်လအထိ တရားမဝင် အရက်ချက်ထုတ်လုပ်မှုများကို စစ်ဆေးအရေးယူခဲ့ရာတွင် ဖမ်းဆီးရမိမှု ၃၁ မှုရှိခဲ့ပြီး လိုင်စင်ရှိသော်လည်း လိုင်စင်စည်းကမ်းနှင့် မညီသည့်အတွက် နှစ်မှု ဖမ်းဆီးအရေးယူ aဆာင်ရွက်ခဲ့ကြောင်း ၎င်းက ပြောကြားသည်။

Most Read

Most Recent