Photo - Stadium MY
ဆီးဂိမ်းစ်ပြိုင်ပွဲ၏ အချို့အားကစားနည်းများအား သြဂုတ် ၁၄ ရက်ကတည်းက စတင် ကျင်းပနေပြီဖြစ်သော်လည်း အဓိကပွဲစဉ်များကျင်းပမည့်နေရာအချို့ အဆင်သင့်မဖြစ်သေး ကြောင်း မလေးရှားအားကစားဝန်ကြီး ဂျာမူလပ်ဒင်က ဝန်ခံပြောကြားသည်။
မလေးရှားနိုင်ငံ အခြေစိုက် The Malay Mail Online သတင်းဌာန၏ဖော်ပြချက်အရ ဘိလိယက်/စနူကာ၊ ဂျူဒို၊ ကရာတေး၊ ပန်ကြပ်ဆီလတ်၊ တိုက်ကွမ်ဒိုနှင့် ဝူရှူအားကစားနည်းများကျင်းပမည့် ကွာ လာလမ်ပူကွန်ဗင်းရှင်းစင်တာမှာ အပြီးသတ်ပြင်ဆင်မှုများပြုလုပ်ရန် ကျန်ရှိနေသေးကြောင်း သိရသည်။ ထို့ပြင် ဘောလုံးပွဲစဉ်များတွင်လည်း ပရိသတ်များ ကွင်းအတွင်းဝင်ခွင့်ရရန် ကြန့် ကြာမှုများရှိနေရာ မီဒီယာများက ပြိုင်ပွဲကျင်းပရေးကော်မတီအား ဝေဖန်ပြစ်တင်မှုပြုလုပ် လျက်ရှိသည်။
'' တချို့နေရာတွေမှာ အခက်အခဲတွေ၊ နှောင့်နှေးမှုတွေရှိနေပါတယ်။ ကျွန်တော်တို့အနေနဲ့ အခုချက်ချင်း ကိုင်တွယ်ဆောင်ရွက်နေပါပြီ '' ဟု ဂျာမူလပ်ဒင်က ပြောကြားခဲ့သည်။
